ixigo IPO day 2: ఓపెన్ అయిన కొన్ని గంటల్లోనే ఓవర్ సబ్ స్క్రైబ్ అయిన ఇక్సిగో ఐపీఓ; అప్లై చేశారా?-ixigo ipo day 2 gmp subscription status to review should you apply ,బిజినెస్ న్యూస్
తెలుగు న్యూస్  /  బిజినెస్  /  Ixigo Ipo Day 2: ఓపెన్ అయిన కొన్ని గంటల్లోనే ఓవర్ సబ్ స్క్రైబ్ అయిన ఇక్సిగో ఐపీఓ; అప్లై చేశారా?

ixigo IPO day 2: ఓపెన్ అయిన కొన్ని గంటల్లోనే ఓవర్ సబ్ స్క్రైబ్ అయిన ఇక్సిగో ఐపీఓ; అప్లై చేశారా?

HT Telugu Desk HT Telugu
Jun 11, 2024 02:47 PM IST

ixigo IPO day 2: ఇటీవలి కాలంలో ఇన్వెస్టర్ల నుంచి అత్యంత ఆదరణ పొందిన ఐపీఓల్లో ఒకటిగా ఇక్సిగో ఐపీఓ నిలిచింది. జూన్ 10వ తేదీన ఈ ఐపీఓ ఓపెన్ అయింది. ఓపెన్ అయిన కొన్ని గంటల్లోనే ఓవర్ సబ్ స్క్రైబ్ అయింది. ఈ షేర్లు జూన్ 11న గ్రే మార్కెట్లో రూ.24 ప్రీమియంతో లభిస్తున్నాయి.

ఇక్సిగో ఐపీఓ
ఇక్సిగో ఐపీఓ (Photo: Courtesy company website)

ixigo IPO day 2: జూన్ 10 న ప్రారంభమైన ఇక్సిగో ఐపీఓకు ప్రైమరీ మార్కెట్ ఇన్వెస్టర్ల నుంచి మంచి స్పందన లభించింది. రూ.740.10 కోట్ల విలువైన పబ్లిక్ ఇష్యూ 2024 జూన్ 12 వరకు తెరిచి ఉంటుంది. ఇక్సిగో ఐపీవో ప్రైస్ బ్యాండ్ ను ఒక్కో ఈక్విటీ షేరుకు రూ.88 నుంచి రూ.93గా కంపెనీ నిర్ణయించారు. ఇక్సిగో ఐపీఓ అనేది ఫ్రెష్ ఇష్యూ, మరియు ఆఫర్ ఫర్ సేల్ (OFS) ల కలయిక. ఇందులో ఓఎఫ్ఎస్ కు రూ.620.10 కోట్లు, తాజా ఇష్యూకి రూ.120 కోట్లు కేటాయించారు. ఇక్సిగో ఐపీఓ సబ్ స్క్రిప్షన్ స్టేటస్ ప్రకారం, ఈ పబ్లిక్ ఇష్యూ మంగళవారం మధ్యాహ్నం సమయానికి 1.95 సార్లు బుక్ అయింది. భారత స్టాక్ మార్కెట్లో ఒడిదుడుకులు ఉన్నప్పటికీ ఇక్సిగో ఐపీఓకు సంబంధించి గ్రే మార్కెట్ సానుకూలంగా స్పందిస్తోంది.

ఇక్సిగో ఐపీఓ డిటైల్స్, సబ్ స్క్రిప్షన్ స్టేటస్

బిడ్డింగ్ రెండో రోజైన జూన్ 11 మధ్యాహ్నం 1:39 గంటలకు, ఇక్సిగో ఐపీఓ 5.26 రెట్లు బుక్ అయింది. రిటైల్ భాగం 13.46 రెట్లు, ఎన్ఐఐ సెగ్మెంట్ 9.55 రెట్లు, క్యూఐబీ సెగ్మెంట్ 0.39 రెట్లు బుక్ అయ్యాయి. ఇక్సిగో ఐపీఓ (ixigo IPO) జూన్ 10న ఓపెన్ అయింది. జూన్ 12 వరకు బిడ్డింగ్ చేసుకోవచ్చు. ఈ ఐపీఓలో ఒక్కో లాట్ లో 161 ఈక్విటీ షేర్స్ ఉంటాయి. ఈ ఐపీఓ ప్రైస్ బ్యాండ్ ను రూ. 88 నుంచి రూ.93 గా నిర్ణయించారు. అంటే, ఒక్కో లాట్ కు ఇన్వెస్టర్ రూ. 14,973 లుపెట్టుబడి పెట్టాల్సి ఉంటుంది.

ఇక్సిగో ఐపీఓ రివ్యూ

పబ్లిక్ ఆఫర్ కు మెహతా ఈక్విటీస్ 'సబ్ స్క్రైబ్' ట్యాగ్ ఇచ్చింది. అలాగే, ఆనంద్ రాఠీ సంస్థ ఈ ఐపీఓకు"సబ్స్క్రైబ్ - లాంగ్ టర్మ్" రేటింగ్ ను సిఫార్సు చేసింది. కెనరా బ్యాంక్ సెక్యూరిటీస్ పబ్లిక్ ఇష్యూకు 'సబ్స్క్రైబ్' ట్యాగ్ ఇచ్చింది. కంపెనీ ఫైనాన్షియల్స్ ను పరిశీలిస్తే, 2022 ఆర్థిక సంవత్సరం మరియు 2023 ఆర్థిక సంవత్సరంలో కార్యకలాపాల నుండి కంపెనీ ఆదాయంలో 180% / 32.1% బలమైన వృద్ధి కనిపిస్తోంది. నికర లాభం 2023 ఆర్థిక సంవత్సరంలో రూ.210.94 కోట్లుగా ఉంది. కొరోనా మహమ్మారి కారణంగా 2022 ఆర్థిక సంవత్సరానికి కంపెనీ నష్టాన్ని నమోదు చేసింది. రైలు బుకింగ్ లలో ఇక్సిగో మార్కెట్ లీడర్ గా ఉంది.

ఈ రోజు ఇక్సిగో ఐపీఓ జీఎంపీ ఎంతంటే?

స్టాక్ మార్కెట్ పరిశీలకుల అభిప్రాయం ప్రకారం, ఇక్సిగో మాతృసంస్థ లీ ట్రావెన్యూస్ టెక్నాలజీ లిమిటెడ్ షేర్లు నేడు గ్రే మార్కెట్లో రూ .24 ప్రీమియం (GMP) తో లభిస్తాయి. ఈ జీఎంపీ సోమవారం నుండి మారలేదు. దలాల్ స్ట్రీట్ లో ఒడిదుడుకులు ఉన్నప్పటికీ ఇక్సిగో ఐపీఓ జీఎంపీ నిలకడగా ఉందని మార్కెట్ పరిశీలకులు చెబుతున్నారు. ప్రైమరీ మార్కెట్ ఇన్వెస్టర్ల నుంచి వచ్చిన బలమైన స్పందనే ఇందుకు కారణం కావచ్చని వారు అంటున్నారు.

సూచన: పై అభిప్రాయాలు, సిఫార్సులు వ్యక్తిగత విశ్లేషకులు, నిపుణులు మరియు బ్రోకింగ్ కంపెనీలవి, హిందుస్తాన్ టైమ్స్ తెలుగు వి కావు. ఏదైనా పెట్టుబడి నిర్ణయాలు తీసుకునే ముందు సర్టిఫైడ్ నిపుణులను సంప్రదించాలని మేము పెట్టుబడిదారులకు సలహా ఇస్తున్నాము.

WhatsApp channel