ITC share price : బోనస్​ షేర్లతో.. రూ. 1లక్షను- రూ. 1.23కోట్లుగా మార్చిన ఐటీసీ స్టాక్​!-itc share price stock turns 1 lakh to 1 23 crore in 20 years with 3 bonus shares ,బిజినెస్ న్యూస్
తెలుగు న్యూస్  /  బిజినెస్  /  Itc Share Price : బోనస్​ షేర్లతో.. రూ. 1లక్షను- రూ. 1.23కోట్లుగా మార్చిన ఐటీసీ స్టాక్​!

ITC share price : బోనస్​ షేర్లతో.. రూ. 1లక్షను- రూ. 1.23కోట్లుగా మార్చిన ఐటీసీ స్టాక్​!

Sharath Chitturi HT Telugu
Feb 18, 2023 01:25 PM IST

ITC share price : ఐటీసీ.. గత 20ఏళ్లల్లో మూడుసార్లు బోనస్​ షేర్లు ప్రకటించింది. ఫలితంగా మదుపర్ల రూ. 1లక్ష- రూ. 1.23కోట్లకు పెరిగింది.

బోనస్​ షేర్లతో.. రూ. 1లక్షను- రూ. 1.23కోట్లుగా మార్చిన ఐటీసీ స్టాక్​!
బోనస్​ షేర్లతో.. రూ. 1లక్షను- రూ. 1.23కోట్లుగా మార్చిన ఐటీసీ స్టాక్​! (MINT)

ITC share price : దేశీయ స్టాక్​ మార్కెట్​లో డివిడెండ్లు ఇచ్చే స్టాక్స్​లో ముందుగా గుర్తొచ్చేది ఐటీసీ సంస్థే. అయితే.. ఈ సంస్థ గతంలో మూడుసార్లు బోనస్​ షేర్లు కూడా ప్రకటించింది. ఫలితంగా ఐటీసీ షేర్లతో మదుపర్ల సంపద గత 20ఏళ్లల్లో రూ. 1లక్ష నుంచి రూ. 1.23కోట్లకు పెరిగింది!

ఐటీసీ బోనస్​ షేర్లు..

బీఎస్​ఈలో అందుబాటులో ఉన్న సమాచారం ప్రకారం.. గత రెండు దశాబ్దాల్లో.. ఐటీసీ స్టాక్​లో​ మూడుసార్లు ఎక్స్​- బోనస్​ ట్రేడ్​ జరిగింది. 2005 సెప్టెంబర్​ 21న 1:2 రేషియోలో బోనస్​ షేర్లు ఇచ్చింది ఐటీసీ. అంటే.. రెండు ఐటీసీ షేర్లు ఉన్న మదుపర్లకు అదనంగా 1 స్టాక్​ వచ్చి చేరడం. ఇక 2010 ఆగస్టు 3న.. 1:1 రేషియోలో బోనస్​ను ప్రకటించింది. అంటే.. ఒక స్టాక్​ ఉన్న మదుపర్లకు అదనంగా ఇంకో స్టాక్​ ఇవ్వడం.

ITC bonus shares history : అదే విధంగా.. 2016 జులై 1న.. 1:2 రేషియోలో బోనస్​ షేర్లు ఇచ్చింది ఐటీసీ సంస్థ. అంటే.. రెండు ఐటీసీ స్టాక్స్​ ఉన్న వారికి అదనంగా ఇంకో షేరు లభిస్తుంది.

రూ. 1 లక్షతో రూ. 1.23కోట్లు..!

20ఏళ్ల క్రితం ఐటీసీ షేరు ధర రూ. 14గా ఉన్నప్పుడు, ఐటీసీ స్టాక్​లో రూ. 1లక్ష పెట్టుబడి పెట్టిన మదుపర్లకు.. 7,142 స్టాక్స్​ వచ్చేవి. 2005లో 1:2 బోనస్​ తర్వాత అవి 10,713గా మారాయి. ఇక 2010లో 1:1 బోనస్​ తర్వాత ఆ 10,713 షేర్లు కాస్త.. 21,426 స్టాక్స్​కి చేరాయి. ఇక చివరిగా.. 2016లో 1:2 బోనస్​ అనంతరం 21,426 షేర్లు కాస్త.. ఏకంగా 32,139 ఐటీసీ స్టాక్స్​గా మారి ఉండేవి.

ITC stock analysis : శుక్రవారం ట్రేడింగ్​ సెషన్​ ముగిసే సమయానికి.. ఐటీసీ షేరు ధర రూ. 383.80 వద్దకు చేరింది. అంటే.. 20ఏళ్ల క్రితం రూ. 1లక్ష పెట్టుబడి పెట్టిన మదుపర్లకు.. ఒక్క బోనస్​ షేర్ల రూపంలోనే వారి సంపద రూ. 1.23కోట్లకు చేరుండేది.

డివిడెండ్ల ఐటీసీ..

బోనస్​ షేర్ల అంశాన్ని పక్కనపెడితే.. ఐటీసీ సంస్థ ఇప్పటికే అనేకసార్లు డివిడెండ్లు ఇచ్చింది. 2023 ఫిబ్రవరి 15న ఎక్స్​- డివిడెండ్​ డేట్​తో షేరుకు రూ. 6 ఇచ్చింది. 2022, 2021లోనూ డివిడెండ్లు ఇచ్చింది. ఇక కొవిడ్​ కాలమైన 2020లో జులై 6న.. తమ మదుపర్లకు షేరుకు రూ. 10.15 డివిడెండ్​గా ప్రకటించింది. 2007 నుంచి ఈ సంస్థ.. మదుపర్లకు డివిడెండ్లు ఇస్తోంది.

ఐటీసీ స్టాక్​ ప్రైజ్​..

ITC share price target : ఐదు రోజుల్లో ఐటీసీ స్టాక్​ 2.9శాతం పెరిగింది. ఒక నెలలో 14.5శాతం వృద్ధిచెందింది. ఈ ఏడాదిలో ఇప్పటివరకు 15.16శాతం పెరిగింది. అయితే.. ఏడాది కాలంలో ఏకంగా 72.14శాతం పెరిగింది ఐటీసీ స్టాక్​.

WhatsApp channel

సంబంధిత కథనం