సింగిల్​ ఛార్జ్​తో 120 కి.మీ రేంజ్​- సిటీ డ్రైవ్​కి ఈ ఫీచర్​ లోడెడ్​ ఎలక్ట్రిక్​ స్కూటర్​ బెస్ట్​!

సిటీ డ్రైవ్​కి ఉపయోగపడే మంచి ఎలక్ట్రిక్​ స్కూటర్​ కొనాలని ప్లాన్​ చేస్తున్నారా? అయితే ఇది మీకోసమే! బిగాస్​ అనే సంస్థకు చెందిన ఆర్​యూవీ 350 ఈ-స్కూటర్​ గురించి మీరు తెలుసుకోవాలి. ఆర్​యూవీ అంటే ‘రైడర్​ యుటిలిటీ వెహికిల్​’. ఇదొక ఫీచర్​ లోడెడ్​ ఎలక్ట్రిక్​ స్కూటర్​. ఈ మోడల్​ ఫీచర్స్​, రేంజ్​, ధరతో పాటు పూర్తి వివరాలను ఇక్కడ తెలుసుకోండి..

బిగాస్​ ఆర్​యూవీ 350- రేంజ్​..

బిగాస్​ ఆర్​యూవీ 350 ఎలక్ట్రిక్​ స్కూటర్​ 3.5 కిలోవాట్ల (4.6 బీహెచ్​పీ) ఎలక్ట్రిక్ మోటార్​తో 165 ఎన్ఎమ్ పీక్​ టార్క్​ని జనరేట్​ చేస్తుంది. ఇందులో 3 వేరియంట్లు ఉన్నాయి. వీటి టాప్​ స్పీడ్​ 75కేఎంపీహెచ్​. లోయర్​ ఎండ్​ వేరియంట్లలో పవర్ 2.3 కిలోవాట్ల రిమూవబుల్ బ్యాటరీ ప్యాక్ నుంచి వస్తుంది. ఇది 90 కిలోమీటర్ల రియల్​ రేంజ్​ని హామీ ఇస్తుంది. టాప్-స్పెక్ మ్యాక్స్ వేరియంట్​ని ఒక్కసారి ఛార్జ్ చేస్తే 120 కిలోమీటర్ల ట్రూ రేంజ్​ని ఇస్తుంది. ఇందులో 3 కిలోవాట్ల ఫిక్స్డ్ బ్యాటరీ ప్యాక్​ ఉంది. 

ఈ ఎలక్ట్రిక్​ స్కూటర్​ కోసం బిగాస్​ 500 వాట్ల ఛార్జర్​ను స్టాండర్డ్​గా అందిస్తోంది. వినియోగదారులు ఫాస్ట్ ఛార్జర్​ని కూడా ఎంచుకోవచ్చు. ఛార్జింగ్ సమయం స్టాండర్డ్ ఛార్జర్​పై దాదాపు ఆరు గంటలు! ఫాస్ట్ ఛార్జర్​పై సుమారు రెండు గంటల వరకు ఉంటుంది.

బిగాస్​ ఆర్​యూవీ 350- డిజైన్..

ఆర్​యూవీ 350 ఈ స్కూటర్​ క్రాస్ బాడీ స్టైల్​ని కలిగి ఉంది. స్టెప్-త్రూ స్టైలింగ్ స్పష్టంగా కనిపిస్తుంది! అయితే ట్రెడీషనల్​ ఈ-స్కూటర్ల మాదిరిగానే ఫ్లాట్ ఫ్లోర్​బోర్డ్​ కూడ ఉంది. ఇందులో 16 ఇంచ్​ అల్లాయ్ వీల్స్ ప్రధాన ఆకర్షణగా నిలిచాయి. టీవీఎస్ యూరోగ్రిప్ నుంచి సేకరించిన ట్యూబ్​లెస్ టైర్లలో చక్రాలు ఇందులో ఉంటాయి. టార్మాక్, విరిగిన రోడ్లపై మరింత స్థిరత్వం- మెరుగైన మెయిన్​టేనెన్స్​కి ఇవి ఉపయోగపడతాయి.

బిగాస్ ఆర్​యూవీ 350- స్టోరేజ్..

ఈ ఎలక్ట్రిక్​ స్కూటర్​లో ఓపెన్ గ్లోవ్ బాక్స్, మల్టిపుల్ హుక్స్​, హాఫ్-ఫేస్ హెల్మెట్​ని కలిగి ఉండగల అండర్-సీట్ స్టోరేజ్ స్పేస్​తో సహా అనేక స్టోరేజ్ ఆప్షన్స్​ని ఈ బిగాస్ ఆర్​యూవీ 350 ఎలక్ట్రిక్​ స్కూటర్​ అందిస్తోంది. అయితే, ఛార్జర్​కి అనుగుణంగా రూపొందించిన ఫ్లోర్​బోర్డు కింద అదనపు స్టోరేజ్ స్పేస్ కూడా ఉంది.

బీగాస్​ యూవీ 350- ఫీచర్లు..

ఈ ఆర్​యూవీ 350 ఒక ఫీచర్​ లోడెడ్​ ఈ-స్కూటర్​ని చెప్పుకోవచ్చు. బేస్ వేరియంట్లో స్టాండర్డ్ ఎల్​సీడీ డిస్​ప్లే, టాప్ ఎండ్ మ్యాక్స్ వేరియంట్​లో 5 ఇంచ్​ టీఎఫ్​టీ డిస్​ప్లేను సంస్థ అందించింది. ఇది టచ్​ స్క్రీన్​ కాదు కానీ సమాచారాన్ని యాక్సెస్ చేయడానికి స్విచ్ గేర్ ఆధారిత కంట్రోలర్స్​ని ఇచ్చింది. టర్న్-బై-టర్న్ నావిగేషన్, ఇన్​కమింగ్ కాల్ అలర్ట్స్, రైడింగ్ స్టాటిస్టిక్స్​తో పాటు బ్లూటూత్ కనెక్టివిటీ లభిస్తుంది. క్రూయిజ్ కంట్రోల్, ఫాల్ సేఫ్, రివర్స్ మోడ్, హిల్ హోల్డ్, రీజెనరేటివ్ బ్రేకింగ్ వంటి ఫీచర్లు ఉన్నాయి.

బిగాస్​ ఆర్​యూవీ 350- ధర, ప్రత్యర్థులు..

ఈ బిగాస్​ ఆర్​యూవీ 350 ఎలక్ట్రిక్​ స్కూటర్​ ఎక్స్​షోరూం ధర రూ. 1.10లక్షల నుంచి రూ. 1.30లక్షల మధ్యలో ఉంటుంది. టీవీఎస్ ఐక్యూబ్, అథర్ రిజ్టా, బజాజ్ చేతక్ వంటి ఎలక్ట్రిక్​ స్కూటర్స్​కి గట్టి పోటీనిస్తుంది.