IREDA Q3 results: క్యూ3 ఫలితాల తర్వాత 3 శాతానికి పైగా పడిపోయిన ఈ నవరత్న పీఎస్యూ షేరు ధర; ఇప్పుడు కొనొచ్చా?

IREDA Q3 results: ప్రభుత్వ రంగ బ్యాంకింగేతర ఆర్థిక సంస్థ (NBFC) అయిన ఐఆర్ఈడీఏ 2025 ఆర్థిక సంవత్సరం మూడో త్రైమాసికం ఫలితాలను శుక్రవారం ప్రకటించింది. ఈ క్యూ 3 లో ఐఆర్ఈడీఏ రూ.425.38 కోట్ల నికర లాభాన్ని ప్రకటించింది. సంస్థ ఆదాయం 36.73% పెరిగింది. లాభం 26.78% పెరిగింది. నికర లాభం రూ .425.38 కోట్లు కాగా, ఆదాయం రూ .1701.84 కోట్లు అని వెల్లడించింది. ఈ క్యూ3 లో నికర వడ్డీ ఆదాయం (ఎన్ఐఐ) రూ.448.1 కోట్ల నుంచి 39 శాతం పెరిగి రూ.622.3 కోట్లకు చేరింది. ఆపరేటింగ్ మార్జిన్లు 330 బేసిస్ పాయింట్లు (BPS) తగ్గి 33.72 శాతం నుంచి 30.42 శాతానికి పడిపోయాయి.

తగ్గిన షేరు ధర

అయితే, క్యూ3 ఫలితాలను ప్రకటించిన తర్వాత ఐఆర్ఈడీఏ షేరు ధర శుక్రవారం 3 శాతానికి పైగా క్షీణించింది. బీఎస్ఈలో ఐఆర్ఈడీఏ షేరు ధర 3.4 శాతం క్షీణించి రూ.208.50 వద్ద ముగిసింది. 'నవరత్న' పీఎస్యూ కంపెనీ అయిన ఇండియన్ రెన్యూవబుల్ ఎనర్జీ డెవలప్మెంట్ ఏజెన్సీ మార్కెట్ క్యాపిటలైజేషన్ జనవరి 10, 2025న రూ .58079.91 కోట్లుగా ఉంది.

తగ్గిన ఎన్పీఏలు

ఐఆర్ఈడీఏ స్థూల నిరర్థక ఆస్తులు (NPAs) 2025 ఆర్థిక సంవత్సరం మూడవ త్రైమాసికంలో 2.68 శాతానికి పడిపోవడంతో సంస్థ ఆస్తుల నాణ్యత మరింత మెరుగుపడింది. 2024 డిసెంబర్ 31తో ముగిసిన త్రైమాసికం నాటికి కంపెనీ రుణ పుస్తకం రూ.68,960 కోట్లుగా ఉంది. అంతక్రితం ఏడాది ఇదే కాలంలో మొండి బకాయిలు రూ.50,580 కోట్లుగా ఉన్నాయి.

మీరు ఇప్పుడు ఐఆర్ఇడిఎ షేర్లను కొనుగోలు చేయొచ్చా?

ప్రస్తుత ధర వద్ద ఐఆర్ఈడీఏ షేర్లను కొనుగోలు చేయడంపై లక్ష్మీశ్రీ ఇన్వెస్ట్మెంట్ అండ్ సెక్యూరిటీస్ రీసెర్చ్ హెడ్ అన్షుల్ జైన్ తన అభిప్రాయం వ్యక్తం చేశారు. ఐఆర్ఈడీఏ బలమైన ఆర్థిక ఫలితాలను (సీక్వెన్షియల్గా, వార్షికంగా) నమోదు చేసిందని తెలిపారు. ‘‘పునరుత్పాదక ఇంధన రంగంలో అవకాశాలను అందిపుచ్చుకోవడం, స్థిరమైన లాభదాయకత, ఆదాయ వృద్ధిపై ఐఆర్ఈడీఏ వ్యూహాత్మక దృష్టిని బలమైన ఆర్థిక పనితీరు ప్రతిబింబిస్తోంది. పునరుత్పాదక ఇంధన డిమాండ్ మరింత వేగవంతం అవుతుందని భావిస్తున్నందున, కంపెనీ దీర్ఘకాలిక విస్తరణకు మంచి స్థితిలో ఉంది. మార్కెట్ ప్రారంభ సమయంలో ఐఆర్ఈడీఏ స్టాక్ సానుకూలంగా స్పందిస్తుంది. దీర్ఘకాలిక ఇన్వెస్టర్లకు ఆకర్షణీయమైన కొనుగోలు అవకాశాన్ని కల్పిస్తుంది’’ అని జైన్ తెలిపారు.

రూ.260 వద్ద..

‘‘ఐఆర్ఈడీఏ షేర్లకు రూ.200 వద్ద బలమైన మద్దతు ఉంది. టెక్నికల్ చార్ట్ లో షేరు పక్కకు తిరిగినా, క్లోజింగ్ ప్రాతిపదికన రూ.230 స్థాయిని దాటితే, మధ్యకాలికంగా షేరు రూ.260 మార్కును తాకుతుందని ఆశించవచ్చు. కాబట్టి ఐఆర్ఈడీఏ (IREDA) షేర్ హోల్డర్లు రూ.230, మీడియం టర్మ్ టార్గెట్ రూ.260 వద్ద స్క్రిప్ ను ఉంచుకోవాలి’’ అని ఛాయిస్ బ్రోకింగ్ ఎగ్జిక్యూటివ్ డైరెక్టర్ సుమీత్ బగాడియా సూచించారు. ‘‘తాజా ఇన్వెస్టర్లు రూ.260 మధ్యకాలిక లక్ష్యానికి ఐఆర్ఈడీఏ షేర్ల (share price target) లో పొజిషన్ కాల్ తీసుకోవచ్చు’’ అని బగాడియా తెలిపారు.

ఐఆర్ఈడీఏ స్టాక్ ప్రైస్ ట్రెండ్

ఐఆర్ఈడీఏ షేరు ధర గత మూడు నెలల్లో 5 శాతానికి పైగా పడిపోగా, ఆరు నెలల్లో 10 శాతం పడిపోయింది. అయితే గత ఏడాది కాలంలో ఐఆర్ఈడీఏ షేర్లు 105 శాతం మల్టీబ్యాగర్ రాబడులను ఇచ్చాయి. 2024 జూలై 15న ఐఆర్ఈడీఏ షేరు 52 వారాల గరిష్ట స్థాయి రూ.310 వద్ద, 2024 జనవరి 10న 52 వారాల కనిష్ఠ స్థాయి రూ.101.20ని తాకింది.

సూచన: పై అభిప్రాయాలు, సిఫార్సులు వ్యక్తిగత విశ్లేషకులు లేదా బ్రోకింగ్ కంపెనీలవి, హెచ్ టీ తెలుగు వి కావు. ఏదైనా పెట్టుబడి నిర్ణయాలు తీసుకునే ముందు సర్టిఫైడ్ నిపుణులను సంప్రదించాలని మేము పెట్టుబడిదారులకు సలహా ఇస్తున్నాము.