గేమర్స్​కి పర్ఫెక్ట్​ ఫోన్​ ఇది- ఐక్యూ నియో 10 లాంచ్​ త్వరలోనే.. హైలైట్స్​ ఇవే!

ఐక్యూ తన కొత్త మిడ్ రేంజ్ స్మార్ట్​ఫోన్​ని ఇండియాలో లాంచ్​ చేసేందుకు ఏర్పాట్లు చేసుకుంటోంది. ఆ గ్యాడ్జెట్​ పేరు ఐక్యూ నియో 10. ఈ మోడల్​ని మే 26న భారతదేశంలో విడుదల చేయనున్నట్లు సంస్థ ధృవీకరించింది. ఐక్యూ ఈ డివైజ్ ధరని అధికారికంగా ధృవీకరించనప్పటికీ, ఇది వన్​ప్లస్​ 13ఆర్, రాబోయే రియల్​మీ జీటీ 7, పోకో ఎఫ్7 సహా మార్కెట్లోని ఇతర పర్ఫార్మెన్స్​ ఓరియెంటెడ్​ గ్యాడ్జెట్స్​తో పోటీపడే అవకాశం ఉందని తెలుస్తోంది. ఈ నేపథ్యంలో ఐక్యూ నియో 10పై ఇప్పటివరకు ఉన్న వివరాలను ఇక్కడ తెలుసుకుందాము..

ఐక్యూ నియో 10 స్పెసిఫికేషన్లు (అంచనా):

ఐక్యూ నియో 10 స్మార్ట్​ఫోన్​ కొత్త క్వాల్కమ్​ స్నాప్​డ్రాగన్ 8ఎస్ జెన్ 4 ప్రాసెసర్​తో పనిచేస్తుంది. సూపర్ కంప్యూటింగ్ క్యూ 1 చిప్​తో ఇది కనెక్ట్ చేసి ఉంటుంది. ఐక్యూ ఈ పరికరాన్ని పరిశ్రమకు చెందిన మొదటి 144 ఎఫ్​పీఎస్ గేమింగ్ ఫోన్​గా మార్కెటింగ్ చేయడం ప్రారంభించింది.

ఐక్యూ నియో 10లో 7000 ఎంఎం2 వేపర్ కూలింగ్ ఛాంబర్, బైపాస్ ఛార్జింగ్ వంటి ప్రత్యేకతలున్నాయి. ఎల్పీడీడీఆర్5ఎక్స్ ర్యామ్, యూఎఫ్ఎస్ 4.1 స్టోరేజ్ కూడా ఇందులో ఉండనున్నాయి.

120వాట్ ఫాస్ట్ ఛార్జింగ్ సపోర్ట్​తో 7,000 ఎంఏహెచ్ భారీ బ్యాటరీని ఈ ఐక్యూ నియో 10 స్మార్ట్​ఫోన్​లో అందించనున్నారు. ఈ ఫోన్ థిక్​నెస్​ 8.9 ఎంఎంగా ఉండనుంది.

ఐక్యూ నియో 10 రెండు కలర్ వేరియంట్లలో లభిస్తుందని కంపెనీ ధృవీకరించింది. అవి.. టైటానియం క్రోమ్, ఇన్ఫెర్నో రెడ్ (డ్యూయల్-టోన్ డిజైన్). కొత్త గ్యాడ్జెట్​ డిజైన్ ఐక్యూ నియో 10ఆర్​ని పోలి ఉండొచ్చు. ఇందులో స్క్విరికల్ కెమెరా కటౌట్, దిగువన ఐక్యూ బ్రాండింగ్​తో ప్లాస్టిక్ బ్యాక్ ఉంటుంది.

కంపెనీ అధికారికంగా ధృవీకరించలేదు కానీ ఈ కొత్త పరికరం గత నెలలో చైనాలో లాంచ్ అయిన ఐక్యూ జెడ్ 10 టర్బ్రో ప్రో రీబ్రాండెడ్ వెర్షన్ కావచ్చు!

6.78 ఇంచ్​ 1.5కే అమోఎల్ఈడీ డిస్​ప్లే, 144 హెర్ట్జ్ రిఫ్రెష్ రేట్, 5500 నిట్స్ పీక్ బ్రైట్​నెస్​తో ఈ ఫోన్ రానుంది.

ఆప్టిక్స్ విషయానికి వస్తే.. ఐక్యూ నియో 10 డ్యూయల్ కెమెరా సెటప్​తో 50 మెగాపిక్సెల్ సోనీ ఎల్వైటి 600 ప్రైమరీ షూటర్ విత్ ఓఐఎస్, 8 మెగాపిక్సెల్ అల్ట్రా-వైడ్ యాంగిల్ లెన్స్​తో రావచ్చు. సెల్ఫీలు, వీడియో కాల్స్ కోసం 16 మెగాపిక్సెల్ ఫ్రంట్ ఫేసింగ్ షూటర్​ని ఇందులో అందించారు తెలుస్తోంది.

ఈ ఐక్యూ కొత్త స్మార్ట్​ఫోన్​ పూర్తి ఫీచర్స్​, ధరతో పాటు ఇతర వివరాలు లాంచ్​ టైమ్​ నాటికి అందుబాటులోకి వస్తాయి. వాటిని మేము మీకు తెలియజేస్తాము. స్టే ట్యూన్డ్​ టు హిందుస్థాన్​ టైమ్స్​ తెలుగు.