iPhone news: ఎట్టకేలకు ఐఫోన్ లో కాల్ రికార్డింగ్ ఫెసిలిటీ; కాల్ సమ్మరీ, కాల్ ట్రాన్స్ స్క్రిప్షన్ ఫీచర్స్ కూడా..
iPhone news: ఐఫోన్ వాడుతున్న వారికి శుభవార్త. ఎట్టకేలకు చాన్నాళ్లుగా ఐఫోన్ యూజర్లు కోరుతున్న ఫీచర్.. మరింత అడ్వాన్స్డ్ ఫెసిలిటీలతో అందుబాటులోకి వస్తోంది. ఐఫోన్ యూజర్లు ఇకపై కాల్ రికార్డింగ్ ఫీచర్ ను వాడుకోవచ్చు. ఐఫోన్ కోసం కాల్ రికార్డింగ్ ఫీచర్ ను ఐఓఎస్ 18.1 తీసుకువచ్చింది.
iPhone call recording: ఆపిల్ ఐఫోన్ (iPhone) వినియోగదారులు చాలా కాలంగా కోరుకున్న వాయిస్ కాల్ రికార్డింగ్ ఫీచర్ ను ఎట్టకేలకు పొందారు. టెక్ దిగ్గజం ఆపిల్ జూలై 29న లాంచ్ చేసిన న ఐఓఎస్ 18.1 డెవలపర్ బీటాతో ఈ ఫీచర్ అందుబాటులోకి వచ్చింది. కాల్ రికార్డింగ్ ఫీచర్ ఈ సంవత్సరం ప్రారంభంలో జూన్ లో జరిగిన డబ్ల్యూడబ్ల్యూడీసీ 2024 ఈవెంట్ లో ఆపిల్ ఆవిష్కరించింది. ఈ అప్ డేట్ డెవలపర్ బీటా ప్రోగ్రామ్ లో భాగం, కాబట్టి మీరు బీటా సాఫ్ట్ వేర్ తో, దానితో పాటు ఉన్న పొటన్షియల్ బగ్స్ ను హ్యాండిల్ చేయగలమనుకుంటేనే దీనిని ఇన్ స్టాల్ చేయండి.
ఏఐ తో కాల్ రికార్డింగ్
కాల్ రికార్డింగ్ (iPhone call recording) చాలా సింపుల్ టూల్. సాధారణంగా అందుకు ఏఐ టూల్స్ అవసరం లేదు. కానీ, అడ్వాన్స్డ్ ఫెసిలిటీస్ తో కాల్ రికార్డింగ్ ను యూజర్లను అందుబాటులోకిక తీసుకువచ్చే లక్ష్యంతో కృత్రిమ మేథ (artificial intelligence) ఆధారిత కాల్ రికార్డింగ్ ఫీచర్ ను ఆపిల్ (apple) రూపొందించింది. కాల్ రికార్దింగ్ తో పాటు కాల్ ట్రాన్స్ క్రిప్షన్ కూడా అందుబాటులో ఉంది. అంటే ఎప్పుడైనా కాల్ చేసి రికార్డ్ చేసినప్పుడల్లా నోట్స్ యాప్ లో దాని ట్రాన్స్క్రిప్షన్ కూడా లభిస్తుంది. కాల్ సమ్మరీని కూడా పొందవచ్చు. తద్వారా కాల్ సమయంలో మీరు చర్చించిన వాటిని, ఆ తరువాత మీరు సమీక్షించవచ్చు. గుర్తుంచుకోవచ్చు.
కాల్ రికార్డ్ తెలుస్తుంది..
కాల్ స్క్రీన్ పై ఉన్న రికార్డ్ బటన్ ను ఉపయోగించి మీరు కాల్ ను రికార్డ్ చేయాలని ఎంచుకున్నప్పుడల్లా, గోప్యతా కారణాల వల్ల కాల్ రికార్డ్ చేయబడుతోందని ఇరు పక్షాలకు నోటిఫికేషన్ వస్తుంది. ‘‘ఈ కాల్ రికార్డ్ చేయబడుతుంది’’ అని ఆ కాల్ లో పాల్గొంటున్న ఇద్దరు వ్యక్తులకు సందేశం వెళ్తుంది. నోట్స్ యాప్ నుంచి కాల్ పూర్తయిన తర్వాత కాల్ రికార్డింగ్ ను మళ్లీ వినవచ్చు. కాల్ సమ్మరీ, ట్రాన్స్ క్రిప్షన్ ఫీచర్ల వల్ల ఆపిల్ ఇంటెలిజెన్స్ ఈ ఫీచర్లో భాగమైంది. ఆర్టిఫిషియల్ ఇంటెలిజెన్స్ నైపుణ్యం మొత్తం కాల్ ను సంక్షిప్తీకరించడంలో సహాయపడుతుంది.
ఐఓఎస్ 18.1 ఎప్పుడు లాంచ్ అవుతుందో తెలుసా?
అధికారిక ఐఓఎస్ 18.1 బిల్డ్ కొన్ని వారాల తరువాత వస్తుంది. ఆపిల్ ఇంటెలిజెన్స్, కాల్ రికార్డింగ్ ఫీచర్లను కలిగి ఉన్న ఐఓఎస్ 18.1 ను విడుదల చేయడానికి ఆపిల్ ఐఓఎస్ 18 ను విడుదల చేయడానికి కొన్ని వారాలు పట్టవచ్చని మార్క్ గుర్మన్ చెప్పారు. సెప్టెంబర్లో ఐఫోన్ 16 సిరీస్ లాంచ్ అయిన కొన్ని రోజుల తర్వాత ఆపిల్ ఐఓఎస్ 18 ను విడుదల చేసే అవకాశం ఉన్నందున, ఐఓఎస్ 18.1 స్థిరమైన బిల్డ్ అక్టోబర్ లేదా నవంబర్ ప్రారంభంలో రావచ్చు.
టాపిక్