iPhone 16 launch date : యాపిల్​ లవర్స్​ అలర్ట్​- ఐఫోన్​ 16 సిరీస్​ లాంచ్​ డేట్​ ఇదే!

ఐఫోన్​ 16 సిరీస్​ కోసం ఎదురుచూస్తున్ని యాపిల్​ లవర్స్​కి అప్డేట్​! ఈ ఏడాది మచ్​ అవైటెడ్​ స్మార్ట్​ఫోన్స్​ లాంచ్​లో ఒకటైన ఐఫోన్​ 16 సిరీస్​పై ఒక వార్త బయటకి వచ్చింది. సెప్టెంబర్​ 10న జరిగే ఈవెంట్​లో కొత్త ఐఫోన్​ సిరీస్​ని యాపిల్​ సంస్థ లాంచ్​ చేస్తుందని వార్తలు వినిపిస్తున్నాయి. ఈ మేరకు ప్రముఖ వార్తా సంస్థ బ్లూమ్​బర్గ్​ ఓ కథనాన్ని ప్రచురించింది.

ఐఫోన్ 16 సిరీస్​తో పాటు ఈసారి యాపిల్​ వాచ్​ సిరీస్ 10, యాపిల్ ఎయిర్​పాడ్స్​ 4, యాపిల్ ఎయిర్​పాడ్స్​ మ్యాక్స్ 2 లను యాపిల్​ సంస్థ ఈ ఈవెంట్​లో విడుదల చేసే అవకాశం ఉంది. ఆ రోజు ఐఓఎస్ 18 కూడా బయటకు వస్తుందని సమాచారం.

16 సిరీస్ లాంచ్ కోసం యాపిల్​ ఏర్పాట్లు..

సాధారణంగా ప్రతియేటా సెప్టెంబర్​లో యాపిల్​ తన ఐఫోన్​ లాంచ్​ ఈవెంట్​ని పెడుతుంది. ఈసారి ఇంకా లాంచ్​ డేట్​ని సంస్థ ధ్రువీకరించలేదు. కానీ సంస్థకు చెందిన సభ్యులు కొందరు, లాంచ్​ డేట్​ సెప్టెంబర్​ 10 అని బ్లూమ్​బర్గ్​కి అనధికారికంగా చెప్పారు.

మరోవైపు కొత్త యాపిల్​ ఐఫోన్​ 16 సిరీస్​ లాంచ్​కి వేగంగా ఏర్పాట్లు చేసుకుంటోంది.

కొత్త ఐఫోన్లు, ఎయిర్ పాడ్​లు, వాచ్​లు సెప్టెంబర్ ఈవెంట్​లో అరంగేట్రం చేస్తాయని తెలుస్తోంది. అయితే మాక్​లు ఒక నెల తరువాత అక్టోబర్​లో ప్రత్యేక ఈవెంట్​ ద్వారా రిలీజ్​ అవుతాయని సమచారం.

సెప్టెంబర్ 20 నుంచి కొనుగోలుదారులు కొత్త ఐఫోన్ 16 సిరీస్ ఫోన్లు కొనుగోలు చేసుకోవచ్చని సమాచారం.

ఐఫోన్ 16 సిరీస్ లాంచ్: సెప్టెంబర్ 10 ఎందుకు?

కొత్త ఐఫోన్ లాంచ్​లకు మంగళ, బుధవారాలను యాపిల్ ప్రిఫర్​ చేస్తుందన్న విషయాన్ని కాదనలేం. ఏదేమైనా, సెప్టెంబర్ మొదటి సోమవారం వచ్చే యూఎస్ హాలీడే లేబర్ డేని దృష్టిలో పెట్టుకుని కూడా యాపిల్ ఈవెంట్​ని షెడ్యూల్ చేస్తుంది. మరి ఈసారి లాంచ్​ డేట్​ ఎప్పుడు ఉంటుందో, ఏ రేంజ్​లో ఉంటుందో చూడాలి.

కానీ మీడియా కథనాల ఆధారంగా ఐఫోన్ 16 సిరీస్ లాంచ్ ఈవెంట్ సెప్టెంబర్ 10 మంగళవారం జరిగే అవకాశాలు ఎక్కువగా కనిపిస్తున్నాయి.

ఇంకో విషయం! హెచ్​టీ తెలుగు ఇప్పుడు వాట్సప్ ఛానల్​లో ఉంది! టెక్నాలజీ ప్రపంచం నుంచి లేటెస్ట్​ అప్డేట్స్​ కోసం హెచ్​టీ తెలుగు వాట్సాప్​ ఛానెల్​ని ఫాలో అవ్వండి..