iPhone 15 vs Google Pixel 7 : ఐఫోన్​ 15 వర్సెస్​ గూగుల్​ పిక్సెల్​ 7.. ఏది బెస్ట్​?

iPhone 15 vs Google Pixel 7 : యాపిల్​ లవర్స్​ ఎంతగానో వెయిట్​ చేసిన ఐఫోన్​ 15 సిరీస్​ను ఇటీవలే లాంచ్​ చేసింది దిగ్గజ టెక్​​ సంస్థ. దీనికి మంచి డిమాండ్​ లభిస్తుందని టెక్​ వర్గాల్లో అంచనాలు ఉన్నాయి. ఈ నేపథ్యంలో ఐఫోన్​ 15ని గూగుల్​ పిక్సెల్​ 7తో పోల్చి.. ఈ రెండిట్లో ఏది బెస్ట్​? అన్నది ఇక్కడ తెలుసుకుందాము..

ఈ రెండు స్మార్ట్​ఫోన్స్​ ఫీచర్స్​ ఇవే..

ఐఫోన్​ 15 సిరీస్​లో డైనమిక్​ ఐల్యాండ్​ను అన్ని మోడల్స్​కు స్టాండర్డ్​గా ఇచ్చింది యాపిల్​ సంస్థ. ఇందులో 6.1 ఇంచ్​ సూపర్​ రెటీనా ఎక్స్​డీఆర్​ డిస్​ప్లే ఉంటుంది. కానీ ఇందులో యాపిల్​ ప్రో-మోషన్​ టెక్నాలజీ లేదు. అంటే ఈ సిరీస్​కు 60 హెచ్​జెడ్​ రిఫ్రెష్​ రేట్​ మాత్రమే లభిస్తున్నట్టు. ఇందులో సిరామిక్​ షీల్డ్​ ప్రొటెక్షన్​ లభిస్తోంది.

iPhone 15 price in India : ఇక గూగుల్​ పిక్సెల్​ 7లో 90హెచ్​జెడ్​ రిఫ్రెష్​ రేట్​తో కూడిన 6.3 ఇంచ్​ ఓఎల్​ఈడీ డిస్​ప్లే ఉంటుంది. కార్నరింగ్​ గొరిల్లా గ్లాస్​ ప్రొటెక్షన్​ లభిస్తోంది.

ఐఫోన్​ 15లో ఏ16 బయోనిక్​ ఎస్​ఓసీ చిప్​సెట్​ ఉంటుంది. గతేడాది లాంచ్​ అయిన ఐఫోన్​ 14 ప్రో మోడల్స్​లో కూడా ఇది ఉంది. గూగుల్​ పిక్సెల్​ 7లో టెన్సార్​ జీ2 ప్రాసెసర్, టిటానియం ఎం2 కో-ప్రాసెసర్​​ ఉంటాయి. 8జబీ ర్యామ్​, యూఎఫ్​ఎస్​ 3.1 జీబీ స్టోరేజ్​ లభిస్తుంది.

ఇదీ చూడండి:- iPhone 15 Pro Max price: ఐ ఫోన్ 15 ప్రొ మాక్స్ ధర ఎంతో తెలుసా?

ఈ రెండు ఫోన్స్​లోని కెమెరా సెటప్​ వివరాలు..

ఐఫోన్​ 15లో డ్యూయెల్​ కెమెరా సెటప్​ ఉంటుంది. 48ఎంపీ ప్రైమరీ, 12ఎంపీ అల్ట్రా వైడ్​ కెమెరా లెన్స్​లు వస్తున్నాయి. సెన్సార్​ షిప్ట్​ ఆప్టికల్​ ఇమేజ్​ స్టెబులిటీ, ఫొటోనిక్​ ఇంజిన్​, డీప్​ ఫ్యూజన్​ టెక్నాలజీ వంటివి లభిస్తున్నాయి. సెల్ఫీ, వీడియో కాల్స్​ కోసం ఫ్రెంట్​లో 12ఎంపీ కెమెరా వస్తోంది.

Google Pixel 7 price in India : ఇక గూగుల్​ పిక్సెల్​ 7 రేర్​లో 50ఎంపీ ఆక్టా పీడీ క్వాడ్​ బయర్​, 12ఎంపీ అల్ట్రావైడ్​ కెమెరా సెటప్​ ఉంటుంది. లేజర్​ డిటెక్ట్​ ఆటోఫోకస్​ సెన్సార్​, గూగుల్​ సూపర్​ రెస్​ జూమ్​, ఫ్లికర్​ సెన్సార్ వంటివి ఉన్నాయి. సెల్ఫీ, వీడియో కాల్స్​ కోసం 10.8 ఎంపీ ఫ్రెంట్​ కెమెరా లభిస్తోంది.

ఈ రెండు గ్యాడ్జెట్స్​ ధరల వివరాలు..

సరికొత్త ఐఫోన్​ 15 128జీబీ వేరియంట్​ ధర రూ. 79,990. ప్రీ-ఆర్డర్లు శుక్రవారం మొదలయ్యాయి. 128జీబీ, 256జీబీ, 512జీబీ వేరియంట్లలో ఈ సిరీస్​ వస్తోంది. పింక్​, యెల్లో, గ్రీన్​, బ్లూ, బ్లాక్​ కలర్స్​లో ఇది అందుబాటులో ఉండనుంది.

iPhone 15 pro price in India : మరోవైపు గూగుల్​ పిక్సెల్​ 7 128జీబీ వేరియంట్​ ధర రూ. 59,999గా ఉంది. ఒబ్సీడియన్​, స్నో, లెమన్​గ్రాస్​ రంగుల్లో అందుబాటులో ఉంది.

అయితే.. గూగుల్​ పిక్సెల్​ 8 స్మార్ట్​ఫోన్​ సిరీస్​.. అక్టోబర్​లో లాంచ్​కు సిద్ధమవుతోంది.