Instagram Quite mode : ఇన్​స్టా​లో స్క్రీన్​ టైమ్​ తగ్గించాలా? ‘క్వైట్​’ మోడ్​ ఫీచర్​ ఇదిగో..

Instagram Quite mode : మీరు ఇన్​స్టాగ్రామ్​లోనే రోజంతా గడిపేస్తున్నారా? రీల్స్​ చూస్తూ, ఫీడ్స్​ని స్వైప్​ చేస్తూ జీవితం సాగించేస్తున్నారా? ఈ సమస్య నుంచి బయటపడాలని చూస్తున్నారా? అయితే.. మీకోసం కొత్త ఫీచర్​ను తీసుకొచ్చింది ఇన్​స్టాగ్రామ్​. మీ సమస్యకు ఓ పరిష్కారాన్ని చూపించింది! అదే.. 'క్వైట్​' మోడ్​. ఈ క్వైట్​ మోడ్​ అనేది 'డు నాట్​ డిస్టర్బ్​'గా పనిచేస్తుందని చెబుతోంది. దీంతో ఎన్నో ఉపయోగాలు ఉన్నాయని అంటోంది ఈ మెటా ఆధారిత సామాజిక మాధ్యమ దిగ్గజం.

ఏంటి ఈ క్వైట్​ మోడ్​..?

ఈ క్వైట్​ మోడ్​ను గురువారం లాంచ్​ చేసింది ఇన్​స్టాగ్రామ్​. ప్రస్తుతం ఇది అమెరికా, యూకే, ఐర్లాండ్​, కెనెడా, ఆస్ట్రేలియా, న్యూజిలాండ్​ వంటి దేశాల్లో కనిపిస్తోంది. రానున్న రోజుల్లో ప్రపంచవ్యాప్తంగా అన్న యూజర్లకు ఈ ఫీచర్​ లభిస్తుంది. చదువుపై దృష్టిపెట్టకుండా.. గంటలు గంటలు రీల్స్​, స్క్రోలింగ్​ చేస్తున్న యువతకు ఈ ఇన్​స్టాగ్రామ్​ కొత్త ఫీచర్​ ఉపయగపడనుంది.

Instagram new features : ముఖ్యంగా.. రాత్రి పూట యువత ఎక్కువ సేపు ఇన్​స్టాగ్రామ్​ను వాడితే.. ఈ యాప్​ వారిని అలర్ట్​ చేస్తుంది. క్వైట్​ మోడ్​ ఫీచర్​ను ఎనేబుల్​ చేస్తే మీకొచ్చే నోటిఫికేషన్స్​ ఆగిపోతాయి. మీ స్టేటస్​.. ‘యాక్టివ్’​ నుంచి 'ఇన్​ క్వైట్​ మోడ్​'కు మారిపోతుంది. ఈ ఫీచర్​ను ఆఫ్​ చేసిన తర్వాత.. ఆంతసేపు మిస్​ అయిన అప్డేట్స్​ అన్ని కనిపిస్తాయి.

WhatsApp new features : ప్రముఖ సోషల్​ మీడియా వాట్సాప్​ నుంచి త్వరలో రానున్న 5 కొత్త ఫీచర్స్​ వివరాల తెలుసుకునేందుకు ఇక్కడ క్లిక్​ చేయండి.

కస్టమర్లను ఆకర్షించేందుకు ఎప్పటికప్పుడు కొత్త ఫీచర్లను తీసుకొస్తూనే.. ఇలాంటి ఉపయోగకరమైన అప్డేట్స్​ని కూడా ఇన్​స్టాగ్రామ్​ ప్రవేశపెడుతుండటం విశేషం. పెరెంటల్​ కంట్రోల్​ను మరింత పెంచేందుకు కూడా కొన్ని ఆప్షన్స్​ తీసుకొచ్చింది. ఎక్స్​ప్లోర్​ ట్యాబ్​లో కనిపించే వాటికి యూజర్లు ఇప్పుడు 'నాట్​ ఇంట్రెస్టెడ్​' అన్న ఆప్షన్​ను టిక్​ చేయవచ్చు. ఫలితంగా భవిష్యత్తులో ఆ రికమెండషన్లు కనిపించవు. పిల్లలు సెట్టింగ్స్​ మారిస్తే.. అది పెద్దలు తెలుసుకోవచ్చు.

'నడ్జెస్​' పేరుతో ఇటీవలే ఓ ఫీచర్​ను తీసుకొచ్చింది ఇన్​స్టాగ్రామ్​. ఏదైనా టాపిక్​ను ఎక్కవసేపు చూస్తుంటే.. ఈ ఫీచర్​ అలర్ట్​ చేస్తుంది!

ఎక్కువగా వాడేస్తున్నారు..!

Instagram Quite mode feature : ఉపయోగించేందుకు సులభంగా ఉండటం, ఆకర్షణీయమై ఇంటర్​ఫేస్​ ఉండటంతో.. ప్రపంచంలోనే అత్యంత డిమాండ్​ ఉన్న సోషల్​ మీడియా యాప్​గా ఇన్​స్టాగ్రామ్​ ఎదిగింది. అయితే.. చాలా మంది ఈ యాప్​ను వాడుతూ రోజంతా గడిపేస్తున్నారని, జీవితంలో ఏం చేయడం లేదని నిపుణులు ఆందోళన వ్యక్తం చేస్తున్నారు. వీరి మాటలు నిజమే అని కామన్​ సెన్స్​ మీడియా చేసిన సర్వే స్పష్టం చేస్తోంది! సోషల్​ మీడియాలో యువత స్క్రీన్​ టైమ్​.. 2019 నుంచి 2021కి 17శాతం పెరిగింది. మరీ ముఖ్యంగా..  ఇతర యాప్స్​తో పోల్చితే ఇన్​స్టాగ్రామ్​నే జెన్​ జెడ్​ ఎక్కువగా వాడుతోంది. ఈ తరుణంలో.. క్వైట్​ మోడ్​ వంటి ఫీచర్స్​ను ఇన్​స్టాగ్రామ్​ ప్రవేశపెట్టడం ప్రాధాన్యత సంతరించుకుంది.