Instagram Notes feature : ఇన్​స్టాగ్రామ్​లో ‘నోట్స్​’ ఫీచర్​.. ఇక రాసేయండి!

Instagram Notes feature : ఎప్పటికప్పుడు కొత్త ఫీచర్స్​తో యూజర్స్​ ముందుకు వస్తూ ఉంటుంది ఇన్​స్టాగ్రామ్​. తాజాగా 'నోట్స్​' అనే కొత్త ఫీచర్​తో వచ్చేసింది. ఇకపై యూజర్స్​ 'నోట్స్​'తో తమకు నచ్చింది రాసి, ఇతరులతో పంచుకోవచ్చు.

ఈ ఇన్​స్టాగ్రామ్​ నోట్స్​ ఫీచర్​.. స్టేటస్​ను పోలి ఉంటుంది. స్టేటస్​ అనేది న్యూస్​ ఫీడ్​లో కనిపిస్తే.. నోట్స్​ ఫీచర్​ మాత్రం డీఎంలో ఉంటుంది. 24గంటల తర్వాత మనం రాసే నోట్స్​ డిలీట్​ అయిపోతుంది. ఈ నోట్స్​ ఫీచర్​కు 60 క్యారెక్టర్​ లిమిట్​ కూడా ఉంది.

సమాచారాన్ని తొందరగా, సింపుల్​గా పంచుకోవడం కోసం ఈ ఫీచర్​ను తీసుకొచ్చింది ఇన్​స్టాగ్రామ్​. అయితే యూజర్ల నుంచి ఈ ఫీచర్​పై మిశ్రమ స్పందన లభిస్తోంది.

Instagram new feature : ఇన్​స్టాగ్రామ్​ నోట్స్​ ఫీచర్​ని ఇలా ఉపయోగించండి.

• స్టెప్​ 1:- ముందుగా మీ ఇన్​స్టాగ్రామ్​ యాప్​ని అప్డేట్​ చేయండి.
• స్టెప్​ 2:- ఇన్​స్టాగ్రామ్​ యాప్​ని ఓపెన్​ చేయండి.
• స్టెప్​ 3:- డీఎం సెక్షన్​లోకి వెళ్లండి.
• స్టెప్​ 4:- పైన కనిపిస్తున్న 'యువర్​ నోట్​'పై క్లిక్​ చేయండి. మీకు అనిపించింది టైప్​ చేయండి.
• స్టెప్​ 5:- ఫాలోవర్స్​, క్లోజ్​ ఫ్రెండ్స్​.. ఎవరికి కనిపిచాలో సెలక్ట్​ చేసుకోండి.
• స్టెప్​ 6:- షేర్​ బటన్​ ప్రెస్​ చేస్తే.. మీ నోట్స్​ షేర్​ అవుతుంది.

Instagram nudity feature : న్యూడిటీ ఫీచర్​

నియోగదారులకు 'సైబ్​ఫ్లాషింగ్​' నుంచి మరింత రక్షణ కల్పించే దిశగా ఇన్​స్టాగ్రామ్​ కృషిచేస్తున్నట్టు నివేదికలు వచ్చాయి. ఈ మేరకు కొత్త ఫీచర్​ను ఇన్​స్టాగ్రామ్​ పరీక్షిస్తున్నట్టు తెలుస్తోంది. ఈ 'న్యూడిటీ ప్రొటెక్షన్​' ఫీచర్.. లైంగిక, అసభ్యకరమైన ఫొటోలు యూజర్ల ఇన్​బాక్స్​లోకి చేరకుండా ఉపయోగపడుతుందని సమాచారం.

ఆన్​లైన్​లో అసభ్యకర, లైంగికపరమైన ఫొటోలను పంపించి, వేధించడాన్ని సైబర్​ ఫ్లాషింగ్​ అంటారు. ఇన్​స్టాగ్రామ్​లో ఈ మధ్య కాలంలో ఇవి చాలా పెరిగిపోయాయి. ముఖ్యంగా మహిళలకు ఇలాంటి చేదు అనుభవాలు ఎదురవుతున్నాయి. ఇలాంటి ఘటననలు అడ్డుకునేందుకు ఇన్​బాక్స్​లోకి వచ్చే మెసేజ్​లను ఆటోమెటిక్​గా ఫిల్టర్​ చేసే దిశగా కొత్త ఫీచర్​ను తీసుకొచ్చేందుకు ఇన్​స్టాగ్రామ్​ ప్రయత్నిస్తోంది. న్యూడ్​ ఫొటోలు, అసభ్యకర మెసేజ్​ల నుంచి యూజర్లను రక్షించేందుకు మెషిన్​ లర్నింగ్​ సాయాన్ని ఇన్​స్టాగ్రామ్​ తీసుకుంటున్నట్టు నివేదిక పేర్కొంది.

Instagram latest news : ఇన్​స్టాగ్రామ్​ ఓనర్​ సంస్థ 'మెటా' డెవలపర్​ అలెస్సాండ్రో పౌజి.. ఈ కొత్త ఫీచర్​కు సంబంధించి ఓ ట్వీట్​ చేశారు. "ఛాట్​లో న్యూడిటీ నుంచి రక్షణ కల్పించే ఫీచర్​పై ఇన్​స్టాగ్రామ్​ పనిచేస్తోంది. ఫొటోలను ఇన్​స్టాగ్రామ్​ యాక్సెస్​ చేయలేదు. కానీ న్యూడిటీతో కూడిన ఫొటోలను అడ్డుకుంటుంది," అని రాసుకొచ్చారు. పూర్తి వివరాల కోసం ఇక్కడ క్లిక్​ చేయండి.

వీటితో పాటు.. ‘రీపోస్ట్​’ ఫీచర్​పైనా ఇన్​స్టాగ్రామ్​ కసరత్తులు చేస్తున్నట్టు తెలుస్తోంది.