US Jobs : ఇండియాలో బడా ఐటీ కంపెనీల్లో పని చేస్తే అమెరికాలో ఉద్యోగం రాదా?

టీసీఎస్​, ఇన్ఫోసిస్​, విప్రో.. ఇవి ఇండియాలో లీడింగ్​ టెక్​ కంపెనీలు. వీటిల్లో ఉద్యోగం చేయాలని ఐటీ ప్రొఫెషనల్స్​ కలలు కంటూ ఉంటారు. అయితే ప్రముఖ సామాజిక మాధ్యమం రెడ్డిట్​లో వైరల్​ అయిన పోస్ట్​.. దేశ ఐటీ సంస్థల్లో ఉద్యోగం చేస్తున్న వారికి షాక్​కి గురిచేస్తోంది! ఇండియాలోని కొన్ని బడా ఐటీ కంపెనీల్లో నుంచి రిక్రూట్​మెంట్​ చేసుకోకూడదని.. అమెరికాకు చెందిన రిక్రూటర్​ 'గైడ్​లైన్స్'​లో ఉన్నట్టు ఓ వ్యక్తి రెడ్డిట్​లో పోస్ట్​ చేశాడు. అసలేం జరిగిందంటే..

ఇండియాలో టాప్​ ఐటీ కంపెనీల్లో పని చేస్తే యూఎస్​లో నో జాబ్​?

ఓ రిక్రూటర్​ తనకు అనుకోకుండా 'సీక్రెట్​ ఇంటర్నల్​ సెలక్షన్​ గైడ్​లైన్స్​'ని షేర్​ చేసినట్టు రెడ్డిట్​ యూజర్​ చెప్పుకొచ్చాడు. ఒక వ్యక్తిని ఉద్యోగానికి ఎంపిక చేసే సమయంలో ఏ విషయాలను పరిశీలించాలి? అన్న వివరాలను అందులో ఉన్నాయని అతను వెల్లడించాడు.

గైడ్​లైన్స్​ ప్రకారం.. టాప్​ యూనివర్సిటీల్లో కంప్యూటర్​ సైన్స్​ చదివిన వారికి ప్రాధాన్యత లభిస్తుంది. అదే సమయంలో పలు కంపెనీల్లో పనిచేసిన వారిని ఉద్యోగంలో తీసుకోకుడదు.

"ఎంఐటీ, స్టాన్​ఫర్డ్​, యూసీ బెర్క్​లే, యూఐయూసీ, యూనివర్సిటీ ఆఫ్​ వాటర్​లూ, కాల్​టెక్​ వంటి వర్సిటీల్లో సీఎస్​లో బ్యాచిలర్​ లేదా మాస్టర్స్​ చేసిన వారికి ఉద్యోగం ఇవ్వాలి. ఇతర స్కూల్స్​లో 4.0 కన్నా ఎక్కువ జీపీఏతో పాస్​ అయిన వారికి మినహాయింపు లభించవచ్చు. 4-10ఏళ్ల సాఫ్ట్​వేర్​ ఎక్స్​పీరియెన్స్​, జావాస్క్రిప్ట్​, ఏఐ/ఎల్​ఎల్​ఎంలో అనుభవం ఉండాలి," అని ఆ రిక్రూటర్​ గైడ్​లైన్స్​లో ఉంది.

"స్టార్టప్​ ఎక్స్​పీరియెన్స్​ ఉంటే తప్ప కొన్ని బడా కంపెనీల నుంచి రిక్రూట్​ చేసుకోకూడదు. కన్సల్టింగ్​ బ్యాక్​గ్రౌండ్​ ఉన్న వారు అస్సలు వద్దు," అని కూడా అందులో ఉంది.

ఇంటెల్​, సిస్కో, హెచ్​పీ, టీసీఎస్​, మహీంద్రా, ఇన్ఫోసిస్​, క్యాప్​జెమినీ, డెల్​, కాగ్నిసెంట్​, విప్రో వంటి కంపెనీల బ్లాక్​లిస్ట్​లో ఉన్నాయి. ఈ కంపెనీల్లో పనిచేసిన వారు ఉద్యోగానికి సెట్​ అవ్వరు అని రిక్రూటర్​ గైడ్​లైన్స్​లో రాసి ఉంది.

ఇదంతా రెడ్డిట్​లో షేర్​ చేస్తూ.. తన అసంతృప్తిని వ్యక్తం చేశాడు ఆ యూజర్​. ఆ గైడ్​లైన్స్​లో చాలా వరకు క్రైటీరియాని కలిగి ఉన్నప్పటికీ, ఉద్యోగం రాలేదని ఆవేదన వ్యక్తం చేశాడు.

ఈ పోస్ట్​ వైరల్​గా మారింది. పోస్ట్​లో ఉన్నది నిజమే అని చాలా మంది అభిప్రాయపడుతున్నారు.

అయితే కొందరు మాత్రం.. రెడ్డిట్​ యూజర్​ పోస్ట్​పై అనుమానాలు వ్యక్తం చేస్తున్నారు.

"అది నిజంగానే రిక్రూటర్​ గైడ్​లైన్స అనడానికి ఆధారాలేంటి? ఫేక్​ స్క్రీన్​షాట్​ తయారు చేసి గైడ్​లైన్స్​ని రాసుకుని ఉండొచ్చు," అని కొందరు అంటున్నారు.

ఈ వ్యవహారంపై సబ్​రెడ్డిట్​ మాడరేటర్​ మైకెల్​ నొవాటీ స్పందించారు.

"ఆ స్క్రీన్​షాట్​ ఫేక్​ అన్న వాదనలపై క్లారిటీ ఇవ్వాల్సిన అవసరం ఉంది. ఆ యూజర్​ నాకు మరిన్ని ఆధారాలు పంపించారు. ఈమెయిల్​ అథెంటిక్​ అన్న విషయాన్ని రెడ్డిట్​ ద్వారా నిరూపించడం కష్టం. కానీ ఆధారాలు ఉంటే క్రెడిబులిటీ పెరుగుతుంది. నాకు మరిన్ని ఆధారాలు అందాయి," అని మైకెల్​ చెప్పారు.