Infosys salary hike : ఇన్ఫోసిస్​ ఉద్యోగులకు గుడ్​ న్యూస్​! త్వరలోనే శాలరీ హైక్​ లెటర్స్​..

జీతాల పెంపు కోసం చాలా కాలం నుంచి ఎదురుచూస్తున్న ఇన్ఫోసిస్ ఉద్యోగులకు గుడ్​ న్యూస్​! శాలరీ హైక్​కి సంబంధించిన లెటర్స్​ త్వరలోనే ఉద్యోగుల చేతికి అందుతాయని తెలుస్తోంది. పలు నివేదికల ప్రకారం 2025 ఫిబ్రవరిలో వార్షిక వేతన పెంపును ఇన్ఫోసిస్​ ప్రారంభించే అవకాశం ఉంది. పూర్తి వివరాల్లోకి వెళితే..

ఇన్ఫోసిస్​ ఉద్యోగుల జీతాల పెంపు..

నగదు ఆదా కోసం 2021-22 ఆర్థిక సంవత్సరంలో వేతన పెంపును స్తంభింపజేసిన ఇన్ఫోసిస్​.. అక్టోబర్ 2023లో యాన్యువల్​ అప్రైజల్​ సైకిల్​ని ప్రారంభించింది. చివరిగా.. 2023 నవంబర్ 1న ఇన్ఫోసిస్​ ఉద్యోగుల జీతాల పెంపు ప్రక్రియ అమల్లోకి వచ్చింది. ఇది 2022 సెప్టెంబర్ నుంచి 2023 అక్టోబర్​కు సంబంధించిన అప్రైజల్​ పీరియడ్​. 2023 డిసెంబర్​లో ఉద్యోగులకు రేటింగ్​ లెటర్స్​ అందాయి. సాధారణంగా జులైలో అమల్లోకి వచ్చే పెంపు కోసం జూన్​లో లెటర్స్​ అందుతాయి.

ఇక ప్రస్తుత విషయానికొస్తే, వార్షిక వేతన పెంపును 2025 ఫిబ్రవరిలో ఇన్ఫోసిస్​ ప్రారంభించే అవకాశం ఉందని ఒక నివేదిక తెలిపింది. దీని ప్రకారం జాబ్ లెవల్ 5 (జేఎల్ 5) లోని ఉద్యోగులు మొదట అప్రైజల్​ లెటర్స్​ అందుకునే అవకాశం ఉంది.

ఎకనామిక్ టైమ్స్ నివేదిక ప్రకారం, జనవరి 1 నుంచి ఈ జీతాల పెంపు అమల్లోకి వస్తుంది. జాబ్ లెవల్ 5 (జెఎల్ 5) లోని ఉద్యోగులకు ఫిబ్రవరిలో వారి లేఖలు అందుతాయి. జేఎల్ 6, అంతకంటే ఎక్కువ లెవల్స్​లో ఉన్నవారికి మార్చ్​లో లెటర్స్​ అందుతుంది.

జీతాల పెంపు వార్తలపై సంస్థ ఇంకా ఎలాంటి అధికారిక ప్రకటన చేయలేదు. త్వరలోనే దీనిపై ఒక అప్డేట్​ వచ్చే అవకాశం ఉంది.

జేఎల్5లో సాఫ్ట్​వేర్​ ఇంజినీర్లు, సీనియర్ ఇంజినీర్లు, సిస్టమ్ ఇంజినీర్లు, కన్సల్టెంట్లు ఉంటారు.

జేఎల్6, అంతకంటే ఎక్కువ లెవల్స్​లో మేనేజర్లు, సీనియర్ మేనేజర్లు, డెలివరీ మేనేజర్లు, సీనియర్ డెలివరీ మేనేజర్లు ఉంటారు. వైస్​ ప్రెసిడెంట్స్​ని ఇక్కడ మినహాయించారు.

ఇన్ఫోసిస్​ బిజినెస్​ అప్డేట్స్​​..

ఇక ఇన్పోసిస్​ వ్యాపారం విషయానికొస్తే.. రూపాయి పతనం సంస్థకు చాలా మంచి చేయనుంది. రెవెన్యూ సాఫ్ట్​గానే ఉన్నప్పటికీ రూపాయి పతనంతో మార్జిన్లు మెరుగుపడతాయని అంచనాలు ఉన్నాయి.

బ్లూమ్​బర్గ్ డేటా ప్రకారం, డాలర్​తో రూపాయి మారకం విలువ ప్రస్తుతం 86.39 వద్ద ఉంది. గత కొన్ని రోజులుగా రూపాయి బలహీనపడుతూనే ఉంది.

ఐటి దిగ్గజం ఇన్ఫోసిస్​ 2024-25 రెండొవ త్రైమాసికంలో అర్హులైన ఉద్యోగులకు 85% సగటు పనితీరు బోనస్ చెల్లింపును ఇచ్చింది. ఇది మొదటి త్రైమాసికం (80% సగటు చెల్లింపు) కంటే కొంచెం ఎక్కువ.