రూ. 25వేల బడ్జెట్​లో గేమర్స్​కి బెస్ట్​ స్మార్ట్​ఫోన్​- ఇన్ఫీనిక్స్​ జీటీ 30 ప్రో హైలైట్స్​ ఇవే..

ఇన్ఫీనిక్స్ సంస్థ మరో కొత్త స్మార్ట్​ఫోన్​ని ఇండియాలో తాజాగా లాంచ్​ చేసింది. దీని పేరు ఇన్ఫీనిక్స్ జీటీ 30 ప్రో. భారతదేశంలో రూ .25,000 లోపు ధర శ్రేణిలో ఇది అందుబాటులోకి వచ్చింది. ఫ్లాట్ అమోఎల్ఈడీ డిస్​ప్లే, వెనుక భాగంలో లైటింగ్, బైపాస్ ఛార్జింగ్ వంటి వివిధ గేమింగ్ ఫోకస్డ్ ఫీచర్లతో గత ఏడాది వచ్చిన జీటీ 20 ప్రోకి ఇది సక్సెసర్​! పైగా ఈ స్మార్ట్​ఫోన్​ కేవలం 200 గ్రాముల లోపు ఉంటుంది. ఈ నేపథ్యంలో ఆ మొబైల్​ ఫీచర్స్​, ధర వంటి వివరాలను ఇక్కడ చూసేయండి..

ఇన్ఫీనిక్స్ జీటీ 30 ప్రో- ధర..

ఇన్ఫీనిక్స్ జీటీ 30 ప్రో 8 జీబీ ర్యామ్/ 256 జీబీ స్టోరేజ్ వేరియంట్ ధర రూ.24,999. 12 జీబీ ర్యామ్/ 25 జీబీ స్టోరేజ్ వేరియంట్ ధర రూ.26,999.

అయితే కంపెనీ జీటీ 30 ప్రోతో ప్రత్యేక బ్యాంక్ ఆఫర్లను కూడా అందిస్తోంది. ఇది సేల్​ రోజు ధరను వరుసగా రూ .22,999, రూ .24,999కు తీసుకువెళుతుంది.

ఇతర ఇన్ఫీనిక్స్ ఫోన్ల మాదిరిగానే, ఈ జీటీ 30 ప్రో స్మార్ట్​ఫోన్​​ ఫ్లిప్​కార్ట్​లో ప్రత్యేకంగా కొనుగోలు చేయడానికి అందుబాటులో ఉంటుంది. జూన్ 12 నుంచి సేల్​ మొదలవుతుంది.

ఇన్ఫీనిక్స్ జీటీ 30 ప్రో- స్పెసిఫికేషన్లు..

ఇన్ఫీనిక్స్ జీటీ 30 ప్రోలో 6.78 ఇంచ్​ 1.5కే ఎల్టీపీఎస్ అమోఎల్ఈడీ డిస్​ప్లే, 144 హెర్ట్జ్ రిఫ్రెష్ రేట్, 4,500 నిట్స్ పీక్ బ్రైట్​నెస్​ వంటివి ఉన్నాయి. ఈ ఫోన్ పై భాగంలో కార్నింగ్ గొరిల్లా గ్లాస్ 7ఐ ఉంటుంది. ఐపీ64 వాటర్- డస్ట్ రెసిస్టెన్స్ రేటింగ్​ను ఈ గ్యాడ్జెట్​ కలిగి ఉంది. అంటే ఇది కొద్దిగా స్ల్పాష్​, తేలికపాటి వర్షపాతాన్ని తట్టుకోగలదు కాని నీటి కింద పూర్తి సబ్మెర్షన్​కి పాడైపోవొచ్చు.

జీటీ 30 ప్రో మీడియాటెక్ డైమెన్సిటీ 8350 అల్టిమేట్​ ప్రాసెసర్​తో పనిచేస్తుంది. ఇన్ఫీనిక్స్ ఈ ప్రాసెసర్​ని​ 12 జీబీ వరకు ఎల్పిడీడీఆర్ 5ఎక్స్ ర్యామ్, 256 జీబీ వరకు యుఎఫ్ఎస్ 4.0 స్టోరేజ్​తో కనెక్ట్​ చేసింది.

జీటీ 30 ప్రో స్మార్ట్​ఫోన్​లో 6 లేయర్ 3డీ వేపర్ ఛాంబర్ కూలింగ్ సిస్టమ్​ని ఉపయోగిస్తున్నట్లు ఇన్ఫీనిక్స్ తెలిపింది. ఇది జీటి 20 ప్రోతో పోలిస్తే 20% వరకు హీట్​ మేనేజ్​మెంట్​ని మెరుగుపరుస్తుంది. జిటి 30 ప్రోలో గేమర్స్​ కోసం షోల్డర్ ట్రిగ్గర్స్​ అని పిలిచే ప్రత్యేక ఫీచర్ కూడా ఉంది. ఇది గేమ్​ప్లే సమయంలో వినియోగదారులకు మరింత నియంత్రణను కలిగి ఉండటానికి అనుమతిస్తుంది.

ఆప్టిక్స్ విషయానికొస్తే, ఇన్ఫీనిక్స్​ జీటీ 30 ప్రో గేమింగ్​ స్మార్ట్​ఫోన్​ 108 ఎంపీ ప్రైమరీ షూటర్​తో పాటు 8 మెగాపిక్సెల్ అల్ట్రా-వైడ్ యాంగిల్ లెన్స్​తో వస్తుంది. సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందించారు. రేర్ కెమెరా 60 ఎఫ్పీఎస్ వద్ద గరిష్టంగా 4కే, సెల్ఫీ షూటర్ 30 ఎఫ్పీఎస్ వద్ద 4కే వీడియోలను రికార్డ్ చేయగలదు.

ఈ ఏడాది ప్రారంభంలో లాంచ్ చేసిన నోట్ 50ఎస్, నోట్ 50ఎక్స్ తరహాలోనే జీటీ 30 ప్రోలో 5,500 ఎంఏహెచ్ బ్యాటరీ, 45వాట్ వైర్డ్ ఫాస్ట్ ఛార్జింగ్ ఉన్నాయి. అయితే, ఈసారి ఇన్ఫీనిక్స్ 30 వాట్ వైర్లెస్ ఫాస్ట్ ఛార్జింగ్ సపోర్​ని కూడా అందిస్తోంది.