Indigo flight tickets : హోలీ సేల్- ఇండిగోలో రూ. 1,199కే విమాన టికెట్లు! బంపర్ ఆఫర్ వివరాలివే..
Indigo Holi Getaway Sale : మీరు విమాన ప్రయాణం చేయాలని భావిస్తున్నారా? అయితే ఇండిగో హోలీ గెట్అవే సేల్ గురించి మీరు తెలుసుకోవాలి. సేల్లో భాగంగా రూ. 1,199కే టికెట్లను విక్రయిస్తోంది ఇండిగో. పూర్తి వివరాల్లోకి వెళితే..
ట్రావెలింగ్ చేయాలనుకుంటున్న వారికి బంపర్ ఆఫర్! దేశీయ దిగ్గజ విమానయాన సంస్థ ఇండిగో.. విమాన టికెట్లపై అతి భారీ సేల్ని నిర్వహిస్తోంది. "హోలీ గెట్అవే సేల్"లో భాగంగా ఇప్పుడు ఇండిగోలో డొమెస్టిక్ ఫ్లైట్ రేట్లు రూ. 1199 నుంచే ప్రారంభమవుతున్నాయి. అంతర్జాతీయ ప్రయాణాలకు కూడా ఈ సేల్ వర్తిస్తుంది. రూ. 4,199 వద్ద ఇంటర్ననేషనల్ ఫ్లైట్ టికెట్ రేట్లు ప్రారంభమవుతున్నాయి. అంతేకాదు, goindigo.in లో టికెట్లు బుక్ చేసుకుంటే, అదనంగా 5శాతం వరకు తగ్గింపు లభిస్తుండటం మరో విశేషం!
ఇండిగో విమాన టికెట్ ధరలపై భారీ ఆఫర్..
ఇండిగో తీసుకొచ్చిన ఈ గెట్అవే హోలీ సేల్.. 2025 మార్చ్ 10, అంటే సోమవారం మొదలై- 2025 మార్చ్ 12, బుధవారం వరకు కొనసాగుతుంది. ఈ తేదీల్లో విమాన టికెట్లను బుక్ చేసుకునే వారికే ఈ సేల్ వర్తిస్తుంది. ఇంకో విషయం ఏంటంటే.. 2025 మార్చ్ 17 నుంచి 2025 సెప్టెంబర్ 21 వరకు చేసే ప్రయాణాల కోసం ఈ సేల్ని ఉపయోగించుకుని తక్కువ ధరకే టికెట్లు బుక్ చేసుకోవచ్చు!
ఇండిగో అధికారిక వెబ్సైట్ ప్రకారం.. ఈ ఆఫర్ పీరియడ్లో యాడ్-ఆన్స్ కింద డొమెస్టిక్, ఇంటర్నేషనల్ ట్రావెలింగ్లో ప్రీ-పెయిడ్ యాక్సెస్ బ్యాగేజ్ (15కేజులు, 20కేజీలు, 30కేజీల)లపై 20శాతం డిస్కౌంట్ లభిస్తుంది. అదే సమయంలో స్టాండర్డ్ సీట్ సెలక్షన్కి 30శాతం డిస్కౌంట్ వర్తిస్తుంది. ఇక మీల్స్ని ప్రీ-బుక్ చేసుకుంటే 10శాతం వరకు తగ్గింపు పొందొచ్చు. డొమెస్టిక్ ఫ్లైట్స్లో ఎమర్జెన్సీ ఎక్స్ఎల్ సీట్లు రూ. 599కి, అంతర్జాతీయ ఫ్లైట్లో ఎమర్జెన్సీ ఎక్స్ఎల్ సీట్లు రూ. 699కే ప్రారంభమవుతాయి. వీటితో పాటు ఫాస్ట్ ఫార్వర్డ్ మీద 50శాతం, 6ఈ ప్రైమ్, 6ఈ సీట్ అండ్ ఈట్పై 30శాతం వరకు తగ్గింపు పొందవచ్చు.
అయితే ఎయిర్పోర్ట్ ఛార్జీలు, ప్రభుత్వ ట్యాక్స్లపై డిస్కౌంట్లు వర్తించవని గుర్తుపెట్టుకోవాలి.
ఈ ఇండిగో హోలీ గెట్అవే సేల్ అనేది సంస్థకు చెందిన నాన్-స్టాప్ ఫ్లైట్లకే వర్తిస్తుంది. కనెక్టింగ్-కోడ్షేర్ ఫ్లైట్స్కి వర్తించదు. సేవర్ ఫేర్కి మాత్రమే ఈ ఆఫర్ ఉంటుంది. ఫ్లెక్సీ ప్లస్, సూపర్ 6ఈ పేర్స్కి వర్తించదు.
వన్-వే బుకింగ్కి మాత్రమే ఈ ఆఫర్. రౌండ్ ట్రిప్, మల్టీ-సిటీ బుకింగ్స్కి పనిచేయదు. గ్రూప్ బుకింగ్స్, హోల్డ్ బుకింగ్స్కి సైతం ఈ ఆఫర్ వర్తించదు.
ఇతర స్కీమ్స్, ప్రమోషన్స్, ఆఫర్స్తో ఈ ఆఫర్ని క్లబ్ చేయలేరు. మొత్తం మీద ఈ హోలీ గెట్అవే ఆఫర్ నాన్-ట్రాన్స్ఫరెబుల్, నాన్-ఎక్స్ఛేంచెబుల్.
ఇండిగో వెబ్సైట్, ఇండిగో మొబైల్ యాప్, ఇండిగో వాట్సాప్ నెంబర్ ((+917065145858) ద్వారా ఈ హోలీ సేల్ని వినియోగించుకోవచ్చు.
బడ్జెట్ ఫ్రెండ్లీ ట్రిప్స్ ప్లాన్ చేస్తున్న వారికి ఈ ఇండిగో హోలీ గెట్అవే సేల్ మంచి అవకాశం! తక్కువ ధరకే టికెట్లు పొంది ట్రావెలింగ్ని ఎంజాయ్ చేయవచ్చు. అయితే, టికెట్ బుక్ చేసుకునే ముందు సేల్లోని టర్మ్స్ అండ్ కండీషన్స్ని చదవడం మర్చిపోకండి.
ఇండిగో హోలీ గెట్అవే సేల్కి సంబంధించిన మరిన్ని టర్మ్స్ అండ్ కండీషన్స్ వివరాలను తెలుసుకునేందుకు ఇక్కడ క్లిక్ చేయండి.
సంబంధిత కథనం