Personal Loan tips : మీ పర్సనల్ లోన్ బ్యాలెన్స్ ఇంకెంత ఉందో ఇలా చెక్ చేసుకోండి..
ICICI Bank Personal Loan : మీరు ఐసీఐసీఐ బ్యాంక్లో పర్సనల్ లోన్ తీసుకున్నారా? మరి మీ ఔట్స్టాండింగ్ లోన్ బ్యాలెన్స్ ఇంకా ఎంత ఉందో ఎలా చెక్ చేసుకోవాలి? అసలు లోన్ బ్యాలెన్స్ ఎందుకు చెక్ చేసుకోవాలో మీకు తెలుసా? పూర్తి వివరాలు..
ఆర్థిక అవసరాల కారణంగా పర్సనల్ లోన్ తీసుకునే వారి సంఖ్య ఈ మధ్య కాలంలో విపరీతంగా పెరుగుతోంది. అయితే లోన్ తీసుకోవడమే కాదు, దాని ఔట్స్టాండింగ్ బ్యాలెన్స్ని ఎప్పటికప్పుడు చెక్ చేస్తూ ఉండాలి. ఒకవేళ మీరు ఐసీఐసీ బ్యాంక్ నుంచి పర్సనల్ లోన్ తీసుకుని ఉంటే బ్యాలెన్స్ ఎలా చెక్ చేయాలో ఇక్కడ తెలుసుకోండి..
బకాయి మొత్తాన్ని ట్రాక్ చేయడం ఎందుకు ముఖ్యం?
మీ పర్సనల్ లోన్ ఔట్స్టాండింగ్ బ్యాలెన్స్ని ట్రాక్ చేయడం వల్ల మీ ఆర్థిక పరిస్థితిని మెరుగ్గా మేనేజ్ చేయడానికి, పేమెంట్స్ మిస్ అవ్వకుండా చూసుకోవడానికి, అధిక ఆర్థిక భారం నుంచి బయటపడటానికి సహాయపడుతుంది. క్రమం తప్పకుండా పర్యవేక్షించడం వల్ల మీ ఖర్చులను ప్లాన్ చేయడానికి, జరిమానాలను నివారించడానికి, మంచి క్రెడిట్ స్కోరును నిర్వహించడానికి కూడా ఇది పనికొస్తుంది.
మిగిలిన బ్యాలెన్స్ తెలుసుకోవడం వల్ల వడ్డీ రేటు భారాన్ని తగ్గించడానికి మీరు ముందస్తు చెల్లింపు చేయాలా లేదా మీ రుణాన్ని పునర్వ్యవస్థీకరించాలా అని నిర్ణయించడానికి మీకు సహాయపడుతుంది. అందుకే సరైన ట్రాకింగ్ అనేది మీరు ఆర్థికంగా క్రమశిక్షణతో ఉండటానికి, మీ తిరిగి చెల్లించే వ్యూహం గురించి సమాచారంతో కూడిన నిర్ణయాలు తీసుకోవడానికి దోహదపడుతుంది.
ఔట్స్టాండింగ్ బ్యాలెన్స్ చెక్ చేసుకోవడానికి ఆన్లైన్ విధానం..
- ఐసీఐసీఐ బ్యాంక్ వెబ్సైట్: మీరు ఐసీఐసీఐ బ్యాంక్ వెబ్సైట్ ఓపెన్ చేసి మీ నెట్ బ్యాంకింగ్ అకౌంట్లోకి లాగిన్ అవ్వొచ్చు. 'లోన్స్' కింద మీరు చెల్లించాల్సిన మొత్తం, ఈఎంఐలు, మీ పర్సనల్ లోన్పై షరతులు వంటి మీ రుణ వివరాలను చూసే అవకాశం ఉంటుంది. సంబంధిత విభాగానికి నావిగేట్ చేయండి. మీ వివరాలను చూడటానికి ప్రక్రియను అనుసరించండి.
- ఐమొబైల్ యాప్: ఐసీఐసీఐ ఐమొబైల్ మొబైల్ యాప్ కూడా మీ లోన్ స్టేటస్ తెలుసుకోవడానికి చాలా యూజర్ ఫ్రెండ్లీ ఇంటర్ఫేస్ని కలిగి ఉంది. లాగిన్ అయి 'కార్డ్స్, లోన్స్ అండ్ ఫారెక్స్' విభాగానికి వెళ్లి ఆ తర్వాత 'లోన్ అకౌంట్' అనే విభాగానికి వెళ్లాలి. అక్కడ మీరు మీ బకాయి మొత్తం, రుణానికి సంబంధించిన ఇతర వివరాలను తెలుసుకోవచ్చు.
లోన్ స్టేటస్ తెలుసుకోవడానికి ఆఫ్లైన్ పద్ధతులు..
మీరు ఆఫ్లైన్ పద్ధతులను ఇష్టపడితే, ఐసీఐసీఐ బ్యాంక్ ఈ కింది వాటిని కూడా అందిస్తుంది:
- బ్రాంచ్ విజిట్: ఏదైనా ఐసీఐసీఐ బ్యాంక్ శాఖను సందర్శించండి. మీకు సహాయం చేయమని బ్యాంక్ ప్రతినిధిని అడగండి. మీ గుర్తింపు, రుణ పత్రాలను వెంట తీసుకెళ్లండి. తద్వారా వారు మీకు సహాయం చేయడం సులభం అవుతుంది.
- కస్టమర్ కేర్: ఐసీఐసీఐ బ్యాంక్ కస్టమర్ కేర్ సర్వీస్ 24×7 అందుబాటులో ఉంటుంది. మీ రుణంపై బకాయి ఉన్న బ్యాలెన్స్ తెలుసుకోవడానికి వారి అధికారిక వెబ్సైట్లో ఇచ్చిన టోల్ ఫ్రీ నంబర్కి డయల్ చేయండి. మీ లోన్ వివరాలు, ఆధార్ కార్డు, ఇతర డాక్యుమెంట్లను వెరిఫై చేయడానికి అందుబాటులో ఉంచుకోండి.
ఇప్పుడు, ఐసీఐసీఐ బ్యాంక్ వ్యక్తిగత రుణాలు 1-6 సంవత్సరాల సౌకర్యవంతమైన తిరిగి చెల్లింపు వ్యవధిని అందిస్తాయి. సంవత్సరానికి 10.85% సాధారణ ప్రారంభ వడ్డీ రేట్లను అందిస్తాయి.
పూర్తి వివరాల కోసం పాఠకులు ఐసీఐసీఐ బ్యాంక్ అధికారిక వెబ్సైట్ని సందర్శించాలి లేదా బ్యాంక్ కస్టమర్ సర్వీస్ విభాగాన్ని సంప్రదించాలి.
ఆన్లైన్ లేదా ఆఫ్లైన్ బకాయి బ్యాలెన్స్ని తనిఖీ చేసే పద్ధతుల మధ్య నిర్ణయించాల్సిన బాధ్యత పర్సనల్ లోన్ దరఖాస్తుదారుడిదే. ఐసీఐసీఐ బ్యాంక్ పలు కస్టమర్ ఫ్రెండ్లీ ఆప్షన్లను అందిస్తోంది. అలాగే, మీ రుణ స్థితిని క్రమం తప్పకుండా పర్యవేక్షించడం ఇటీవలి పరిణామాలపై నిఘా ఉంచడానికి , ఏదైనా ముఖ్యమైన సమాచారాన్ని కోల్పోకుండా నిరోధించడానికి మీకు సహాయపడుతుంది.
(గమనిక- లోన్ తీసుకోవడం రిస్కీ అని గుర్తుపెట్టుకోవాలి.)
Sharath Chitturi
సంబంధిత కథనం