Hyundai i20 facelift : ఇదిగో హ్యుందాయ్​ ఐ20 ఫేస్​లిఫ్ట్​..

Hyundai i20 facelift : హ్యాచ్​బ్యాక్​ సెగ్మెంట్​లో హ్యుందాయ్​ మోటార్స్​కు బెస్ట్​ సెల్లింగ్​ మోడల్​గా ఉంది ఐ20. ఈ హ్యుందాయ్​ ఐ20కి ఫేస్​లిఫ్ట్​ వర్షెన్​ రాబోతోందని గత కొన్ని నెలలుగా వార్తలు వచ్చాయి. ఇక ఇప్పుడు.. ఈ ఫేస్​లిఫ్ట్​ వర్షెన్​కు సంబంధించిన టీజర్​ను రివీల్​ చేసింది దిగ్గజ ఆటోమొబైల్​ సంస్థ. ఈ 2023 హ్యుందాయ్​ ఐ20 మోడల్​.. ఈ ఏడాదిలోనే లాంచ్​ అవుతుందని తెలుస్తోంది.

కొత్త వర్షెన్​ ఎలా ఉండనుంది..?

2023 హ్యుందాయ్​ ఐ20 డిజైన్​లో అనేక మార్పులు కనిపించొచ్చని తెలుస్తోంది. టెస్టింగ్​ దశలో ఉన్న మోడల్​కు సంబంధించిన ఫొటోలు ఇప్పటికే ఆన్​లైన్​లో లీక్​ అయ్యాయి. స్పై షాట్స్​ ప్రకారం.. ఈ హ్యాచ్​బ్యాక్​ మోడల్​ ఫ్రెంట్​ ఫేస్​లో గ్రిల్​, ఎల్​ఈడీ హెడ్​లైట్​ యూనిట్స్​ కొత్తగా ఉండనున్నాయి. కాకపోతే.. ఈ కారు సైడ్​, రేర్​ ప్రొఫైల్​లో పెద్దగా మార్పులు కనిపించడం లేదు. టైయిల్​లైట్​ డిజైన్​ ఒక్కటే మారుతుందని తెలుస్తోంది. అలాయ్​ వీల్స్​ కూడా స్వల్పంగా మారొచ్చు.

2023 Hyundai i20 : ఇక హ్యుందాయ్​ ఐ20 ఫేస్​లిఫ్ట్​ ఇంటీరియర్​లో అదనపు ఫీచర్స్​ కనిపిస్తాయి. డ్యాష్​కామ్​ ఆప్షన్​ అందుబాటులోకి రావొచ్చు. ఇదే నిజమైతే.. హ్యాచ్​బ్యాక్​ మోడల్​లో డ్యాష్​క్యామ్​ ఆప్షన్​ లభిస్తున్న తొలి కారుగా ఐ20 నిలుస్తుంది. హ్యుందాయ్​ ఎక్స్​టర్​లో వాడిన డ్యాష్​క్యామ్​ ఇందులోనూ ఉంటుందని సమాచారం.

ఇదీ చూడండి:- Tata Nexon facelift : టాటా నెక్సాన్​ ఫేస్​లిఫ్ట్​ వర్షెన్​ వచ్చేస్తోంది.. లాంచ్ డేట్​ ఫిక్స్​

వీటితో పాటు 2023 హ్యుందాయ్​ ఐ20లో ఎలక్ట్రికల్లీ అడ్జెస్టెబుల్​ సన్​రూఫ్​, 360 డిగ్రీ కెమెరా, ఫ్రెంట్​ పార్కింగ్​ సెన్సార్​, భారీ టచ్​స్క్రీన్​ ఇన్ఫోటైన్​మెంట్​ సిస్టెమ్​లు వస్తాయని తెలుస్తోంది. ప్రస్తుతం ఉన్న వర్షెన్​లో డిజిటల్​ ఇన్​స్ట్రుమెంట్​ క్లస్టర్​, ఆటోమెటిక్​ క్లైమేట్​ కంట్రోల్​, క్రూజ్​ కంట్రోల్​, వయర్​లెస్​ ఛార్జర్​, యాంబియెంట్​ లైటింగ్​ వంటివి ఉన్నాయి.

Hyundai i20 facelift launch : అయితే ఇంజిన్​ పరంగా మార్పులు కనిపించవు! ఈ హ్యుందాయ్​ ఐ20 ఫేస్​లిఫ్ట్​లో 1.2 లీటర్​ పెట్రోల్​/ 1.0 లీటర్​ టర్బోఛార్జ్​డ్​ పెట్రోల్​ యూనిట్​లు ఉంటాయి. 1.2 లీటర్​ పెట్రోల్​ ఇంజిన్​.. 82 బీహెచ్​పీ పవర్​ను, 114.7 ఎన్​ఎం టార్క్​ను జనరేట్​ చేస్తుంది. ఇక మరో ఇంజిన్​.. 118 హెచ్​పీ పవర్​ను, 172 ఎన్​ఎం టార్క్​ను జనరేట్​ చేస్తుంది.

మార్కెట్​లో ప్రస్తుతం హ్యుందాయ్​ ఐ20 హ్యాచ్​బ్యాక్​ ఎక్స్​షోరూం ధర రూ. 7.46లక్షలు- రూ. 11.88లక్షల మధ్యలో ఉంది. కొత్త వర్షెన్​ ధర ఇంకాస్త ఎక్కువే ఉండొచ్చు అని మార్కెట్​ వర్గాలు భావిస్తున్నాయి.

అయితే.. ఈ మోడల్​ లాంచ్​ డేట్​పై ఇంకా సంస్థ ఎలాంటి అధికారిక ప్రకటన చేయలేదు.