Hyundai Kona Electric : కోనా ఎలక్ట్రిక్​ని సైలెంట్​గా డిస్కంటిన్యూ చేసిన హ్యుందాయ్​..!

Hyundai Kona Electric latest news : హ్యుందాయ్ మోటార్ ఇండియా లిమిటెడ్.. కోనా ఎలక్ట్రిక్​ని ఇండియాలో డిస్కంటిన్యూ చేసింది! తన వెబ్​సైట్ నుంచి కోనా ఎలక్ట్రిక్​ను సైలెంట్​గా తొలగించింది. క్రెటా ఈవీని విడుదల చేయడానికి.. సంస్థ శరవేగంగా ఏర్పాట్లు చేసుకుంటున్న సమయంలో.. కోనా ఎలక్ట్రిక్​ డిస్కంటిన్యూ అవ్వడం ఇప్పుడు హాట్​టాపిక్​గా మారింది. క్రేటా ఈవీ లాంచ్​ అవుతోంది కాబట్టి.. ఇక కోనా ఎలక్ట్రిక్​ని నిలిపివేయాలని సంస్థ భావించినట్టు తెలుస్తోంది.

ఇండియా ఆటోమొబైల్​ మార్కెట్​లో ఈవీ సెగ్మెంట్​కి విపరీతమైన డిమాండ్​ ఉంది. అయితే.. ఇండియాలో సంస్థ తొలి ఈవీ.. కోనా ఎలక్ట్రిక్​ని మాత్రం హ్యుందాయ్​ ఎప్పుడూ అప్డేట్ చేయలేదు. పాత ఇంటీరియర్ డిజైన్, అందరూ ఎస్​యూవీలకే మొగ్గుచూపుతున్న ఈ రోజుల్లో కోనా ఎలక్ట్రిక్​ ఒక క్రాసోవర్ కావడంతో అమ్మకాలు సరిగ్గా లేవు. అందుకే.. కోనా ఎలక్ట్రిక్​ని సంస్థ డిస్కంటిన్యూ చేసినట్టు తెలుస్తోంది.

ఎలక్ట్రిక్​ వాహనాలకు మంచి డిమాండ్​ ఉన్న భారత్​లో.. ఈవీని లాంచ్​ చేస్తున్నవార్తలు ఎక్కువగా వినిపిస్తాయి. కానీ ఇలా.. ఈవీని డిస్కంటిన్యూ చేస్తున్న వార్తలు చాలా అరుదు. మరి హ్యుందాయ్​ తీసుకున్న ఈ నిర్ణయం ఎలాంటి ప్రభావాన్ని చూపిస్తుందో చూడాలి.

హ్యుందాయ్ క్రెటా ఈవీ..

Hyundai Creta EV launch date in India : హ్యుందాయ్ తమ మొదటి మాస్ మార్కెట్ ఎలక్ట్రిక్ వాహనాన్ని జనవరి 2025లో విడుదల చేయనున్నట్లు ధృవీకరించింది. ఇది.. బెస్ట్​ సెల్లింగ్​ క్రేటాకి ఈవీ వర్షెన్​ అని, చెన్నై సమీపంలోని ఫ్యాక్టరీలో తయారవుతున్నట్టు వార్తలు వస్తున్నాయి.

క్రెటా ఐసీఈ వర్షెన్ భారత మార్కెట్లో అత్యంత ప్రజాదరణ పొందిన ఎస్​యూవీల్లో ఒకటి. అందుకే.. ఈ క్రేటాలో ఈవీ వర్షెన్​ని లాంచ్​ చేస్తే.. డిమాండ్​ని క్యాచ్​ చేయవచ్చని సంస్థ భావిస్తోంది. ఇది మంచి స్ట్రాటజీ అవుతుంది.

ప్రస్తుతం క్రెటా ఈవీ స్పెసిఫికేషన్లకు సంబంధించి ఎటువంటి సమాచారం అందుబాటులో లేదు. కానీ ఇది సుమారు 400-500 కిలోమీటర్ల రేంజ్​ని అందిస్తుందని వార్తలు వినిపిస్తున్నాయి. మారుతీ సుజుకీ నుంచి రాబొయే తొలి ఈవీ.. ఈవీఎక్స్​కి కూడా ఇదే రేంజ్​ ఉండనుంది.

Hyundai Creta EV price : క్రెటా ఈవీ, ఈవీఎక్స్ మధ్య ఒక ప్రధాన వ్యత్యాసం.. అవి తయారయ్యే ప్లాట్​ఫామ్​ కావచ్చు. ఈవీఎక్స్.. ప్రత్యేకమైన ఎలక్ట్రిక్ స్కేట్​బోర్డ్​ ప్లాట్​ఫామ్​ని ఉపయోగించడానికి సిద్ధంగా ఉంది. ఈ ప్లాట్​ఫామ్​పై నిర్మించే వాహనాలకు కేబిన్​ స్పేస్​ చాలా ఎక్కువగా ఉంటుందని తెలుస్తోంది. ప్రస్తుతం, క్రెటా ఈవీ కొత్త ఎలక్ట్రిక్ స్కేట్​బోర్డ్​ ప్లాట్​ఫామ్​పై తయారవుతుందా? లేదా.. ప్రస్తుతం ఉన్న క్రేటా ఐసీఈ మోడల్​నే మారుస్తారా? అనేది తెలియాల్సి ఉంది.

ప్రస్తుతానికి, ఈ క్రేటా ఈవీ ఎస్​యూవీ ధరపై ఎలాంటి సమాచారం అందుబాటులో లేదు. కానీ క్రెటా ఈవీ ధర రూ .20 లక్షల నుంచి రూ .30 లక్షల మధ్య ఉండొచ్చని మార్కెట్​ వర్గాలు భావిస్తున్నాయి.

ఈ క్రెటా ఈవీ.. ఎంజీ జెడ్ఎస్ ఈవీ, టాటా కర్వ్​, మారుతీ సుజుకీ ఈవీఎక్స్, బీవైడీఏ 3, మహీంద్రా ఎక్స్​యూవీ400లకు గట్టి పోటీ ఇవ్వనుంది.