Hyundai Exter : ఈ బెస్ట్ సెల్లింగ్ హ్యుందాయ్ కార్లలో కొత్త వేరియంట్లు- ఫీచర్స్ చెక్ చేశారా?
హ్యుందాయ్ ఎక్స్టర్, హ్యుందాయ్ ఆరాల్లో కొత్త వేరియంట్లను సంస్థ తీసుకొచ్చింది. ఇవి ఫీచర్ లోడెడ్ వేరియంట్స్గా ఉన్నాయి. వీటికి సంబంధించిన పూర్తి వివరాలను ఇక్కడ తెలుసుకోండి..
హ్యుందాయ్ మోటార్స్ నుంచి కీలక్ అప్డేట్ వచ్చింది! హ్యుందాయ్ ఎక్స్టర్ ఎస్యూవీ, ఆరా కార్లను అప్డేట్ చేసినట్టు సంస్థ వెల్లడించింది. అంతేకాదు, వీటిల్లో కొత్త వేరియంట్లను కూడా తీసుకొచ్చినట్టు తెలిపింది. హ్యుందాయ్ ఎక్స్టర్ ఎస్యూవీలో కొత్త మిడ్-స్పెక్ వేరియంట్లు - ఎస్ఎక్స్ టెక్, ఎస్+, మరిన్ని సీఎన్జీ ఆప్షన్స్ యాడ్ అయ్యాయి. మరోవైపు, హ్యుందాయ్ ఆరా పెట్రోల్, CNG ఇంజిన్ ఆప్షన్స్లో ఒక కార్పొరేట్ వేరియంట్ యాడ్ అయ్యింది. ఆ వివరాలు.
2025 హ్యుందాయ్ ఎక్స్టర్ - కొత్త వేరియంట్లు..
ఎక్స్టర్ కొత్త ఎస్ఎక్స్ టెక్ వేరియంట్‌ను పొందుతుంది. ఇది పెట్రోల్, హై-CNG డ్యూయో ఇంజిన్లతో అందుబాటులో ఉంటుంది. కొత్త ట్రిమ్ స్మార్ట్ కీతో పుష్ బటన్ స్టార్ట్/స్టాప్, డ్యూయెల్ కెమెరాతో డాష్‌క్యామ్, ఎలక్ట్రిక్ సన్‌రూఫ్, ఆండ్రాయిడ్ ఆటో, యాపిల్ కార్‌ప్లేతో 8-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టెమ్, డిజిటల్ డిస్ప్లేతో ఆటోమేటిక్ క్లైమేట్ కంట్రోల్, బై-ఫంక్షనల్ ప్రొజెక్టర్ హెడ్‌ల్యాంప్‌ల వంటి ఫీచర్లతో వస్తోంది.
కొత్త హ్యుందాయ్ ఎక్స్టర్ ఎస్+ వేరియంట్ పెట్రోల్ ఇంజిన్‌తో మాత్రమే అందుబాటులో ఉంది. ఇందులో ఎలక్ట్రిక్ సన్‌రూఫ్, 15-ఇంచ్ డ్యూయెల్-టోన్ స్టీల్ వీల్స్, స్టాటిక్ గైడ్‌లైన్‌లతో రేర్ కెమెరా, 8 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, రేర్ ఏసీ వెంట్స్, ఎలక్ట్రికల్‌గా అడ్జస్ట్ చేయగల ఓఆర్వీఎంలు ఉన్నాయి.
హ్యుందాయ్ ఎక్స్టర్ ఎస్ వేరియంట్ని సైతం సంస్థ అప్డేట్ చేసింది. స్టాటిక్ గైడ్‌లైన్‌లతో రేర్ పార్కింగ్ కెమెరా, ఈఎస్సీ, వీఎస్ఎం, హిల్ స్టార్ట్ అసిస్ట్, 15 ఇంచ్ డ్యూయెల్-టోన్ స్టీల్ వీల్స్, ఆండ్రాయిడ్ ఆటో, యాపిల్ కార్‌ప్లేతో 8-ఇంచ్ ఇన్ఫోటైన్‌మెంట్ స్క్రీన్‌ను కలిగి ఉంది. అంతేకాకుండా ఎక్స్టర్ ఎస్ ఎగ్జిక్యూటివ్, ఎస్+ ఎగ్జిక్యూటివ్ వేరియంట్లను అదనపు ఫీచర్లతో సీఎన్జీ ఆప్షన్ని కూడా సంస్థ ప్రవేశపెట్టింది. అప్డేట్ చేసిన ఎక్స్టర్ రేంజ్ ధర రూ. 7.73 లక్షల నుంచి ప్రారంభమై రూ. 9.53 లక్షల వరకు ఉంటుంది. హ్యుందాయ్ ఎక్స్టర్ రూ. 6 లక్షల ఎక్స్షోరూం ధరతో ఈఎక్స్ వేరియంట్‌తో ప్రారంభమవుతుంది.
2025 హ్యుందాయ్ ఆరా కార్పొరేట్ వేరియంట్..
అప్డేటెడ్ హ్యుందాయ్ ఆరా.. పెట్రోల్, సీఎన్జీ ఇంజిన్ ఆప్షన్తో కొత్త కార్పొరేట్ వేరియంట్‌ను పొందుతుంది. ఆరా కార్పొరేట్ 15-ఇంచ్ డ్యూయల్-టోన్ స్టీల్ వీల్స్, ఎల్ఈడీ డీఆర్ఎల్స్, రేర్ వింగ్ స్పాయిలర్, 6.75-ఇంచ్ టచ్‌స్క్రీన్ డిస్ప్లే ఆడియో, టైర్ ప్రెషర్ మానిటరింగ్ సిస్టమ్, రేర్ ఏసీ వెంట్స్, కప్‌హోల్డర్‌తో రేర్ సెంటర్ ఆర్మ్‌రెస్ట్, ప్రత్యేక కార్పొరేట్ ఎంబ్లెమ్ వంటి ఫీచర్లను కలిగి ఉంది. ఆరా కార్పొరేట్ ఎడిషన్ ధరలు.. పెట్రోల్‌కు రూ. 7.48 లక్షలు, హై-సీఎన్జీ డ్యూయో వెర్షన్‌కు రూ. 8.47 లక్షల వద్ద ప్రారంభమవుతాయి. ఇవి ఎక్స్షోరూం ధరలు.
సంబంధిత కథనం