Safest Electric Car : ఈ ఎలక్ట్రిక్​ కారులో మీ ఫ్యామిలీ సేఫ్​! స్టాండర్డ్​గా 52 సేఫ్టీ ఫీచర్స్​..

మచ్​ అవైటెడ్​ హ్యుందాయ్​ క్రేటా ఈవీ.. ఈ నెలలో జరగనున్న భారత్​ మొబిలిటీ గ్లోబల్​ ఎక్స్​పోలో లాంచ్​కానుంది. అయితే, లాంచ్​కి ముందే ఈ ఎలక్ట్రిక్​ ఎస్​యూవీకి సంబంధించిన వివరాలు బయటకు వస్తున్నాయి. తాజాగా.. ఈ మోడల్​ సేఫ్టీ ఫీచర్స్​పై సంస్థ కీలక అప్డేట్​ ఇచ్చింది. ఆ వివరాలను ఇక్కడ తెలుసుకుందాము..

హ్యుందాయ్​ క్రేటా ఈవీ- సేఫ్టీలో ది బెస్ట్​..!

ప్రయాణికులకు ఆల్​రౌండ్​ సేఫ్టీని అందించే విధంగా కొత్త హ్యుందాయ్​ క్రేటా ఎలక్ట్రిక్​ని డిజైన్​ చేసినట్టు సంస్థ చెబుతోంది. క్రేటా ఎలక్ట్రిక్​ ఎస్​యూవీలో అడ్వాన్స్​డ్​ హై స్ట్రెంత్ స్టీల్ (ఏహెచ్ఎస్ఎస్), హై స్ట్రెంత్ స్టీల్ (హెచ్ఎస్ఎస్)ని ఉపయోగించినట్టు సంస్థ వెల్లడించింది.

ఇక ఈ హ్యుందాయ్ క్రేటా ఈవీలో ఆరు ఎయిర్ బ్యాగులు, ఆల్ వీల్ డిస్క్ బ్రేక్​లు, ఐసోఫిక్స్, టైర్ ప్రెజర్ మానిటరింగ్ సిస్టెమ్, హిల్ స్టార్ట్, హిల్-డీసెంట్ అసిస్ట్ వంటి 52 స్టాండర్డ్ సేఫ్టీ ఫీచర్లను అందించనుంది. సరౌండ్ వ్యూ మానిటర్ (ఎస్​వీఎం), బ్లైండ్ స్పాట్ వ్యూ మానిటర్ (బీవీఎం), రెయిన్ సెన్సింగ్ వైపర్లు, లెవల్ 2 ఏడీఏఎస్ (అడ్వాన్స్​డ్​ డ్రైవర్ అసిస్టెన్స్ సిస్టెమ్) వంటి 75 సేఫ్టీ ఫీచర్లను ఇందులో ఉంటాయి. లెవల్ 2 ఏడీఏఎస్ ఫీచర్లలో లేన్ కీపింగ్ అసిస్ట్, ఫార్వర్డ్ కొలిషన్ వార్నింగ్, బ్లైండ్ స్పాట్ కొలిషన్ వార్నింగ్, స్టాప్ అండ్ గోతో స్మార్ట్ క్రూయిజ్ కంట్రోల్​లు ఇతర ఫీచర్లుగా ఉన్నాయి.

హ్యుందాయ్ క్రేటా ఎలక్ట్రిక్: ఫీచర్లు

ఇండియాలో హ్యుందాయ్​ క్రేటా ఐసీఈ ఇంజిన్​ బెస్ట్​ సెల్లింగ్​గా ఉంది. దీనకి ధీటుగా ఈవీ వర్షెన్​ని హ్యుందాయ్​ తీసుకొస్తోంది. హ్యుందాయ్ క్రేటా ఎలక్ట్రిక్ వెహికల్-టు-లోడ్ (వీ2ఎల్) ఫీచర్​ని పొందుతుంది. ఇది పోర్టబుల్ పవర్ సోర్స్​గా పనిచేయడానికి అనుమతిస్తుంది. ఇది వినియోగదారులు వాహనం లోపల, వెలుపల బాహ్య పరికరాలను ఛార్జ్ చేయడానికి అనుమతిస్తుంది. సెర్టా ఎలక్ట్రిక్ కొత్త ఐ-పెడల్ టెక్నాలజీని కలిగి ఉంది. ఇది వన్-పెడల్ డ్రైవింగ్ అనుభవాన్ని ఇస్తుంది.

డ్యూయల్ 10.25 ఇంచ్​ స్క్రీన్లు ఉన్నాయి. అవి.. ఇన్ఫోటైన్మెంట్ సిస్టమ్​, ఇన్​స్ట్రుమెంట్ క్లస్టర్​. బోస్ ప్రీమియం సౌండ్ 8 స్పీకర్ సిస్టమ్, 268 ఎంబెడెడ్ వాయిస్ కమాండ్స్, 70 కనెక్టెడ్ కార్ ఫీచర్లు ఈ హ్యుందాయ్​ క్రేటా ఎలక్ట్రిక్ సొంతం!

హ్యుందాయ్ క్రేటా ఎలక్ట్రిక్: రేంజ్​..

హ్యుందాయ్ క్రేటా ఎలక్ట్రిక్ రెండు బ్యాటరీ ప్యాక్ ఆప్షన్స్​తో వస్తుంది. అవి.. 51 కిలోవాట్, 42 కిలోవాట్. పెద్ద బ్యాటరీ ప్యాక్ ఆప్షన్ ఒక్కసారి ఛార్జ్ చేస్తే 473 కిలోమీటర్ల రేంజ్​ని అందిస్తుందని, 42 కిలోవాట్ల బ్యాటరీ ప్యాక్ 390 కిలోమీటర్ల ఏఆర్ఏఐ సర్టిఫైడ్ రేంజ్​ని ఇస్తుందని సంస్థ పేర్కొంది. అంతేకాకుండా, 51 కిలోవాట్ల బ్యాటరీ ప్యాక్ వేరియంట్లు 169 బీహెచ్​పీ పవర్​ని జనరేట్​ చేస్తుంది. ఇది హ్యుందాయ్ క్రేటా ఎన్ లైన్ కంటే మరింత శక్తివంతమైనది! చిన్న బ్యాటరీ ప్యాక్ ఉన్న వేరియంట్లు 133 బీహెచ్​పీ పవర్​ని ఉత్పత్తి చేస్తాయి. హ్యుందాయ్ క్రేటా ఎలక్ట్రిక్ 7.9 సెకన్లలో 100 కిలోమీటర్ల వేగాన్ని అందుకుంటుందని హ్యుందాయ్ పేర్కొంది.

డీసీ ఫాస్ట్ ఛార్జింగ్ ద్వారా క్రేటా ఈవీని ఛార్జ్ చేయవచ్చు. ఇది బ్యాటరీని 58 నిమిషాల్లో 10 శాతం నుంచి 80 శాతం వరకు ఛార్జ్ చేయడానికి అనుమతిస్తుంది. 11 కిలోవాట్ల స్మార్ట్ కనెక్టెడ్ వాల్ బాక్స్ ఛార్జర్​తో మీ ఇంటి నుంచే వాహనాన్ని 4 గంటల్లోనే ఛార్జ్ చేసే ఆప్షన్ కూడా ఉందని హ్యుందాయ్ తెలిపింది.

హ్యుందాయ్ క్రేటా ఎలక్ట్రిక్: బుకింగ్స్, ధర..

హ్యుందాయ్ క్రేటా ఎలక్ట్రిక్ బుకింగ్స్ ఇప్పటికే రూ .25,000 వద్ద ప్రారంభమయ్యాయి. క్రేటా ఎలక్ట్రిక్ నాలుగు విస్తృత వేరియంట్లలో లభిస్తుంది. అవి.. ఎగ్జిక్యూటివ్, స్మార్ట్, ప్రీమియం, ఎక్సలెన్స్. ఇది ఎనిమిది మోనోటోన్​, రెండు డ్యూయల్-టోన్ కలర్ ఆప్షన్లలో లభిస్తుంది. జనవరి 17, 2025న ఈ ఎలక్ట్రిక్ కారు లాంచ్ కానుంది. క్రేటా ఎలక్ట్రిక్ ఎస్​యూవీ ధర రూ .17 లక్షల నుంచి రూ .25 లక్షల వరకు ఉంటుందని అంచనాలు ఉన్నాయి.