HUL Q4 results: హిందుస్తాన్ యూనీలీవర్ లాభాల్లో స్వల్ప వృద్ధి; ఫైనల్ డివిడెండ్ ఎంతంటే?

HUL Q4 results: ప్రముఖ ఎఫ్ఎంసీజీ (FMCG) సంస్థ హిందుస్తాన్ యూనీలీవర్ (Hindustan Unilever HUL) 2022-23 ఆర్థిక సంవత్సరం చివరి త్రైమాసిక (Q4FY23) ఫలితాలను గురువారం ప్రకటించింది. అంతకుముందు ఆర్థిక సంవత్సరం Q4 తో పోలిస్తే 12.74% వృద్ధితో రూ. 2,601 కోట్ల నికర లాభాలను ఆర్జించింది. Q4FY22 లో HUL నికర లాభాలు రూ.2,307 కోట్లు.

HUL final dividend: డివిడెండ్ 22 రూపాయలు

Q4FY23 ఫలితాలతో పాటు సంస్థ షేర్ హోల్డర్లకు ఫైనల్ డివిడెండ్ ను కూడా HUL ప్రకటించింది. షేర్ హోల్డర్లకు ఒక్కో ఈక్విటీ షేర్ పై రూ. 22 ఫైనల్ డివిడెండ్ ఇస్తున్నట్లు వెల్లడించింది. మొత్తంగా 2022 -23 ఆర్థిక సంవత్సరంలో HUL తమ షేర్ హోల్డర్లకు ఒక్కో ఈక్విటీ షేరుపై 39 రూపాయలను డివిడెండ్ (final dividend) గా అందించింది. ఇప్పుడు ప్రకటించిన రూ. 22 ఫైనల్ డివిడెండ్ కన్నా ముందు, నవంబర 2022లో రూ. 17 ల మధ్యంతర డివిడెండ్ (Interim dividend) ను HUL అందించింది.

HUL Q4 revenue results: ఆదాయంలో మెరుగైన ఫలితాలు

Q4FY23 లో ఆదాయం (revenue)లో కూడా HUL మెరుగైన ఫలితాలను సాధించింది. Q4FY23 లో HUL రూ. 15,375 కోట్ల ఆదాయం సముపార్జించింది. 2021 -22 ఆర్థిక సంవత్సరం Q4 లో HUL సముపార్జించిన మొత్తం ఆదాయం రూ. 13,846 కోట్లు. మొత్తం నికర అమ్మకాల్లోనూ (consoldated sales) 11% వార్షిక వృద్ధిని HUL నమోదు చేసింది. హోం కేర్ సెగ్మెంట్లో (home care segment) Q4FY23లో సంస్థ ఆదాయం రూ. 5,637 కోట్లు. ఇది Q4FY22 లో HUL సాధించిన రూ. 4,743 కోట్ల ఆదాయం కన్నా 18.85% అధికం. అలాగే, బ్యూటీ అండ్ పర్సనల్ కేర్ సెగ్మెంట్లో Q4FY23 లో HUL ఆదాయం రూ. 5,257 కోట్లు. ఇది Q4FY22 లో HUL సాధించిన రూ. 4,743 కోట్ల ఆదాయం కన్నా 10.84% అధికం. HUL షేర్ (share) వాల్యూ గురువారం మధ్యాహ్నానికి 1.45% తగ్గింది. గురువారం మధ్యాహ్నం 2.10 గంటలకు HUL షేర్ విలువ రూ. 2,468.30 గా ఉంది.