Invest in US Stocks via Mutual Funds: మ్యూచువల్​ ఫండ్స్​లో పెట్టుబడులా? యూఎస్​ స్టాక్స్​ ట్రై చేయండి!

US Stocks mutual funds in India : అమెరికా సూచీలు ఎంతటి శక్తివంతమైనవో.. స్టాక్​ మార్కెట్​ ప్రపంచానికి తెలుసు. అందుకే అమెరికా స్టాక్​ మార్కెట్లలో పెట్టుబడులు పెట్టేందుకు మదుపర్లు మొగ్గుచూపుతూ ఉంటారు. భారతీయులు కూడా ఈ మధ్య కాలంలో అమెరికా మార్కెట్లపై విపరీతమైన ఆసక్తిని చూపిస్తున్నారు. కానీ ఇది భారీ క్యాపిటల్​తో కూడుకున్న వ్యవహారం అని చాలా మంది వెనకడుగు వేస్తారు. అయితే.. చిన్న మొత్తంలో క్యాపిటల్​ ఉండి.. అమెరికా మార్కెట్లలో పెట్టుబడులు పెట్టాలని భావించే వారికి ఒక మంచి ఆప్షన్​ ఉంది. అదే.. 'మ్యూచువల్​ ఫండ్స్​'! ఇండియాలోని మ్యుచువల్​ ఫండ్స్​తో అమెరికా స్టాక్స్​లో కూడా పెట్టుబడులు చేయవచ్చు. ఆ వివరాలు ఇప్పుడు తెలుసుకుందాము.

అమెరికా స్టాక్స్​లో పెట్టుబడులు.. లాభాలు..

ప్రపంచ స్టాక్​ మార్కెట్​లో.. మదుపర్లకు అద్భుతమైన రిటర్నులు తెచ్చిపెట్టిన చరిత్ర యూఎస్​ సూచీలకు ఉంది. ఈ ఏడాదిని మినహాయిస్తే.. 10ఏళ్లల్లో.. 200శాతం పెరిగింది ఎస్​ అండ్​పీ 500 సూచీ. ఇక ఐదేళ్లల్లో ఎస్​ అండ్​ పీ 500, నాస్​డాక్​, డౌ జోన్స్​ సూచీలు.. మదుపర్ల సంపదను రెట్టింపు చేశాయి.

US stocks investment India : ఇక అంతర్జాతీయ ప్రతికూల పరిస్థితుల కారణంగా.. ఏడాది కాలంలో అమెరికా మార్కెట్లు భారీగా పతనమయ్యాయి. ఎన్నో విలువైన స్టాక్స్​.. చాలా తక్కువ ధరకు దొరుకుతున్నట్టు నిపుణులు అభిప్రాయపడుతున్నారు. అమెరికా స్టాక్​ మార్కెట్​లో పెట్టుబడులు చేసేందుకు ఇదే రైట్​ టైమ్​ అని పిలుపునిస్తున్నారు.

అమెరికా స్టాక్​ మార్కెట్ల టైమింగ్స్​తో పాటు పూర్తి వివరాలు తెలుసుకునేందుకు ఇక్కడ క్లిక్​ చేయండి.

ఈ సమయంలో.. చిన్న క్యాపిటల్​ ఉన్న వారికి మ్యూచువల్​ ఫండ్స్​ మంచి ఆప్షన్​గా నిలుస్తుంది. నెలనెలగా సిప్​ చేసుకుంటూ పోతే.. దీర్ఘకాలంలో మంచి రిటర్నులు లభించే అవకాశాలు ఎక్కువగా ఉన్నాయి.

US stock market news : ఇండియాలోని యూఎస్​ ఫోకస్డ్​ ఇంటర్నేషనల్​ మ్యూచువల్​ ఫండ్స్​లో భారతీయులు పెట్టుబడులు పెట్టవచ్చు. ఒక్క అమెరికానే కాదు.. ఏ దేశ స్టాక్​ మార్కెట్​లోనైనా ఇండియా మ్యూచువల్​ ఫండ్స్​ ద్వారా ఇన్​వెస్ట్​మెంట్​ చేసే వెసులుబాటు ఉంది.

సాధారణంగా.. పోర్ట్​ఫోలియో డైవర్సిఫికేషన్​ పేరుతో విదేశీ స్టాక్స్​, స్టాక్​ మార్కెట్లలో పెట్టుబడులు చేస్తూ ఉంటారు. మ్యూచువల్​ ఫండ్స్​కి కూడా ఇది వర్తిస్తుంది. ఇండియా స్టాక్​ మార్కెట్లు సరైన ప్రదర్శన చేయకపోయినా.. విదేశీ మార్కెట్​లో చేసిన పెట్టుబడులు పెరగొచ్చు! ఈ తరహా మ్యూచువల్​ ఫండ్స్​లో పెట్టుబడితో రూపీపై హెడ్జింగ్​ చేసినట్టు అవుతుంది.

US focused mutual funds in India : యూఎస్​ స్టాక్​ మార్కెట్​లో పెట్టుబడులు పెట్టేందుకు.. ఇండియా మ్యూచువల్​ ఫండ్స్​లో ఉన్న కొన్ని ఆప్షన్లను ఇప్పుడు చూద్దాము.

• ఫ్రాంక్లిన్​ ఇండియ ఫీడర్​ యూఎస్​ ఆపర్చ్యూనిటీస్​ ఫండ్​:- 3ఏళ్ల సీఏజీఆర్​- 7.9శాతం
• ఐసీఐసీఐ ప్రుడెన్షియల్​ యూఎస్​ బ్లూచిప్​ ఈక్విటీ ఫండ్​:- 3ఏళ్ల సీఏజీఆర్​- 11.9శాతం
• మోతీలాల్​ ఓస్వాల్​ నాస్​డాక్​ 100 ఫండ్​ ఆఫ్​ ఫండ్​:- 3ఏళ్ల సీఏజీఆర్​ 16.3శాతం
• డీఎస్​పీ యూఎస్​ ఫ్లెక్సిబుల్​ ఈక్విటీ ఫండ్​:- 3ఏళ్ల సీఏజీఆర్​ 13.6శాతం
• నిప్పాన్​ ఇండియా యూఎస్​ ఈక్విటీ ఆపర్చ్యూనిటీస్​ ఫండ్​:- 3ఏళ్ల సీఏజీఆర్​ 7.2శాతం
• ఎడిల్​వైజ్​ యూఎస్​ వాల్యూ ఈక్విటీ ఆఫ్​షోర్​ ఫండ్​:-3ఏళ్ల సీఏజీఆర్​ 12.7శాతం.

ఇవి తెలుసుకోవాలి..

Indian mutual funds with US stocks : ఈ తరహా మ్యూచువల్​ ఫండ్స్​కు.. ఇండియా స్టాక్​ మార్కెట్​కు సంబంధించిన మ్యూచువల్​ ఫండ్స్​కు చాలా వ్యత్యాసం ఉంటుంది. మ్యూచువల్​ ఫండ్​ను ఎంచుకునే విధానం, గోల్స్​ కూడా వేరుగా ఉంటాయి. అంతేకాకుండా.. విదేశీ మార్కెట్లు, అక్కడి నిబంధనలు, ఇక్కడి రూల్స్​ వంటి అంశాలపై అవగాహన లేకుండా పెట్టుబడులు పెట్టడం శ్రేయస్కరం కాదు.

రిస్క్​:- స్టాక్​ మార్కెట్​ అంటేనే రిస్క్​తో కూడుకున్న వ్యవహారం. ఇక ఇండియా నుంచి విదేశీ మార్కెట్లలో పెట్టుబడులు పెడుతుంటే.. ఆ రిస్క్​ ఇంకాస్త ఎక్కువగానే ఉంటుంది! ఆయా దేశాలకు చెందిన ఆర్థిక, రాజకీయ పరిస్థితులు.. మన ఇన్​వెస్ట్​మెంట్​లపై ప్రభావం చూపిస్తాయన్నది గుర్తుపెట్టుకోవాలి.

US Stock market risks : దీర్ఘకాలం కోసమే:- విదేశీ స్టాక్​ మార్కెట్లలో పెట్టుబడులు అంటే.. స్వల్ప కాలానికి పనికిరావు! దీర్ఘకాలం లక్ష్యాలను నిర్దేశించుకుని మాత్రమే పెట్టుబడులు చేయాల్సి ఉంటుంది.

ఎక్స్​ఛేంజ్​ రేట్​:- ఇతర దేశాల్లో పెట్టుబడులు అంటే.. కరెన్సీని మార్చాల్సి ఉంటుంది. ఎక్స్​ఛేంజ్​ రేట్​ ఎప్పుడు ఒకే విధంగా ఉండదు. మారుతూ ఉంటుంది. ఈ ప్రభావం కూడా మన గోల్స్​పై ఉంటుంది.

డైవర్సిఫైడ్​ పోర్ట్​ఫోలియో లేకపోవడం:- కొన్ని మ్యూచవల్​ ఫండ్స్​.. ఒకే సెక్టార్​కు చెందిన స్టాక్స్​లో పెట్టుబడులు పెడుతుంటాయి. వీటిల్లో డైవర్సిఫికేషన్​ ఉండదు. ఫలితంగా.. ఆ సెక్టార్​ పతనమైతే.. మన పెట్టబడులు కూడా నష్టపోతాయి. ఈ విషయంలో జాగ్రత్తగా ఉండాలి.

International Mutual Funds : ట్యాక్స్​:- అమెరికా మార్కెట్​లో పెట్టుబడులకు ట్యాక్స్​ ఒక విధంగా, ఇండియాలో పెట్టుబడులకు ఒక విధంగా ఉంటుంది. లాంగ్​టర్మ్​, షార్ట్​ టర్మ్​ క్యాపిటల్​ గెయిన్స్​కు చెందిన ట్యాక్స్​ వివరాలను పూర్తిగా అర్థం చేసుకోవాల్సిన అవసరం ఉంటుంది. దీర్ఘకాలిక గోల్స్​ పెట్టుకుని, ట్యాక్స్​ను పరిగణలోకి తీసుకుని లెక్కలు వేసి మంచి లాభాలు వచ్చే అవకాశం ఉందనిపిస్తేనే.. ఈ తరహా మ్యూచువల్​ ఫండ్స్​ని ఎంచుకోవాల్సి ఉంటుంది.

(గమనిక:- ఇది కేవలం సమాచారం కోసం రూపొందించిన కథనం మాత్రమే. ఏదైనా పెట్టుబడి చేసే ముందు మీ ఫైనాన్షియల్​ ఎడ్వైజర్​ను సంప్రదించడం శ్రేయస్కరం.)