ఎస్బీఐ పర్సనల్ లోన్ కోసం ఆన్‌లైన్‌లో ఎలా దరఖాస్తు చేయాలి? ఏమేం కావాలి?

వ్యక్తిగత రుణాలు అందించడంలో కూడా ఎస్బీఐ అగ్రగామిగా ఉంది. రుణం పొందే ప్రక్రియను చాలా సులభతరం చేస్తుంది. ముఖ్యంగా చిన్న రుణం అవసరమైన వారికి రూ. 2.5 లక్షల వరకు త్వరిత రుణాలు అందుబాటులో ఉన్నాయి. మీరు ఆన్‌లైన్, ఆఫ్‌లైన్ రెండు విధానాలలోనూ లోన్ కోసం దరఖాస్తు చేసుకోవచ్చు. YONO SBI యాప్ ద్వారా ఆన్‌లైన్‌లో దరఖాస్తు చేసుకోవడం సులభం. సమీపంలోని ఎస్బీఐ బ్రాంచ్‌ను సందర్శించడం ద్వారా ఆఫ్‌లైన్‌లో కూడా దరఖాస్తు చేసుకోవచ్చు.

ఆన్‌లైన్‌లో ఎలా దరఖాస్తు చేయాలి?

YONO SBI యాప్‌లోకి లాగిన్ అవ్వండి

రుణాలు విభాగానికి వెళ్లండి.

పర్సనల్ లోన్ ఎంచుకోండి.

మీ అర్హతను చెక్ చేయండి.

రుణ మొత్తం, తిరిగి చెల్లించే వ్యవధిని ఎంచుకోండి.

ఓటీపీ ద్వారా దరఖాస్తును పూర్తి చేయండి.

డబ్బు వెంటనే మీ బ్యాంక్ ఖాతాలో జమ అవుతుంది.

వడ్డీ రేట్లు!

వడ్డీ రేట్లు సంవత్సరానికి 10.30 శాతం నుండి 15.30 శాతం వరకు ఉంటాయి. తిరిగి చెల్లించే వ్యవధి 7 సంవత్సరాల వరకు ఉంటుంది. ప్రాసెసింగ్ ఫీజు 1.5 శాతం ప్లస్ జీఎస్టీ ఉంటుంది(ఎంపిక చేసుకున్న వారికి మినహాయింపు). ఖచ్చితమైన వడ్డీ రేట్లు, నిబంధనల కోసం ఎస్బీఐ వెబ్‌సైట్ లేదా సమీపంలోని శాఖను సంప్రదించండి. పర్సనల్ లోన్ వడ్డీ రేట్లు, నిబంధనలు మీ క్రెడిట్ స్కోర్, లోన్ మొత్తం, లోన్ రకం, తిరిగి చెల్లించే వ్యవధిపై కూడా ఆధారపడి ఉంటాయి.

కావాల్సిన పత్రాలు

పాన్ కార్డ్, ఆధార్ కార్డ్, ఓటరు ఐడీ, పాస్‌పోర్ట్ లేదా డ్రైవింగ్ లైసెన్స్. చిరునామా రుజువుగా యుటిలిటీ బిల్లులు, రేషన్ కార్డ్, ఓటరు ఐడీ లేదా పాస్‌పోర్ట్. ఆదాయ రుజువుగా తాజా పే స్లిప్, ఫారం 16 లేదా బ్యాంక్ స్టేట్‌మెంట్‌లు కావాలి.