Mutual fund SIP : 10ఏళ్లల్లో రూ. 1కోటి కావాలంటే.. ఎంత 'సిప్' చేయాలి?
Mutual fund SIP : రిటైర్మెంట్ కార్పస్ కోసం చాలా మంది మ్యూచువల్ ఫండ్స్లో పెట్టుబడి చేస్తూ ఉంటారు. దీర్ఘకాలంలో మంచి రిటర్నులు వస్తుండటం ఇందుకు కారణం. అయితే.. 10ఏళ్లల్లో రూ. 1కోటి కార్పస్ జనరేట్ చేయాలంటే.. నెలవారీగా ఎంత సిప్ చేయాలి, ఎక్కడ సిప్ చేయాలి వంటి వివరాలు తెలుసుకుందాము..
Mutual fund SIP : భవిష్యత్తులో వచ్చే రిటైర్మెంట్ దశ గురించి చాలా మంది 10-20 ఏళ్ల ముందు నుంచే ప్లాన్ చేస్తూ ఉంటారు. ఇది చాలా మంచి విషయం. జీవితం 60ఏళ్లు వచ్చే సరికి.. రిటైర్మెంట్ కార్పస్ చేతికి వస్తే సంతోషంగా ఉంటుంది. మనం అనుకున్న టార్గెట్ను రీచ్ అవ్వడానికి మ్యూచువల్ ఫండ్స్ ఉపయోగపడతాయని ఆర్థిక నిపుణులు చెబుతుంటారు. దీర్ఘకాలంలో మ్యూచువల్ ఫండ్స్ మంచి రిటర్నులు తెచ్చిపెడతాయని గుర్తుచెస్తున్నారు. ఈ నేపథ్యంలో.. 10ఏళ్లల్లో రూ. 1 కోటి రిటైర్మెంట్ కార్పస్ సంపాదించుకోవాలంటే.. నెలవారీ ఎంత సిప్ (సిస్టెమాటిక్ ఇన్వెస్ట్మెంట్ ప్రాసెస్) చేయాలి? ఎలాంటి మ్యూచువల్ ఫండ్స్ను ఎంచుకోవాలి? అన్న వివరాలను ఇక్కడ తెలుసుకుందాము..
ట్రెండింగ్ వార్తలు
10ఏళ్లు.. రూ. 1కోటి..!
ప్రముఖ బ్రోకరేజ్ సంస్థ షేర్ఖాన్కు చెందిన సూపర్ ఇన్వెస్టర్ హెడ్, ఎస్వీపీ గౌతమ్ కాలియా ప్రకారం.. 10ఏళ్లల్లో రూ. 1 కోటి రిటైర్మెంట్ కార్పస్ను సృష్టించాలంటే కొంత రిస్క్ చేయాలి. ఏడాదికి కనీసం 12శాతం రిటర్నులు ఇచ్చే మ్యూచువల్ ఫండ్స్లో పెట్టుబడులు పెట్టాలి. నెలవారీ రూ. 43,500 సిప్ చేయాల్సి ఉంటుంది. లేదా.. ఇప్పటి నుంచి నెలవారీ రూ. 32వేలు సిప్ చేస్తూ.. ప్రతి ఏడాది దానిని 10శాతం పెంచుకుంటూ వెళ్లాలి. లేదా ఒకేసారి రూ. 32,20,000లను లంప్సమ్లో పెట్టుబడి చేయాలి. ఒకేసారి అంత మొత్తంలో ఇన్వెస్ట్మెంట్ చేయడం కూడా సరైనది కాదు. అందువల్ల నెలవారీ సిప్ చేయడం ఉత్తమం.
How to invest for retirement : ఐసీఐసీఐ ప్రుడెన్షియల్ బ్లూచిప్ ఫండ్- గ్రోత్ లార్జ్ క్యాప్ కేటగిరీలో 30శాతం, ఎస్బీఐ లార్జ్ అండ్ మిడ్క్యాప్ ఫండ్- గ్రోత్- లార్జ్ అండ్ మిడ్ కేటగిరీలో 15శాతం, మిరాయ్ అసెట్ మిడ్క్యాప్ ఫండ్- రెగ్యులర్ గ్రోత్ లేదా కొటాక్ స్మాల్ క్యాప్ ఫండ్ గ్రోత్లో 25శాతం అలాకేషన్ చేస్తే టార్గెట్ రీచ్ అవుతారు.
అయితే.. దీర్ఘకాల ఇన్వెస్ట్మెంట్స్ విషయంలో సహనం చాలా అవసరం. ఒక్కోసారి మార్గం మధ్యలో ఉన్నప్పుడు మనం అనుకున్న ఫలితాలు కనిపించకపోవచ్చు. అలాంటప్పుడే.. స్ట్రాటజీపై నమ్మకం ఉంచి, ముందుకెళ్లాలి. అప్పుడే దీర్ఘకాలంలో మనం అనుకున్న టార్గెట్ రీచ్ అవుతాము.
వేరే ఆప్షన్ ఉందా?
Retirement corpus investment mutual funds : నెలవారీ రూ. 40-45వేలు ఇన్వెస్ట్ చేయడం కుదరకపోతే.. కనీసం రూ. 20వేలతో సిప్ను ప్రారంభించాలి. ప్రతియేటా దానిని కనీసం రూ. 6వేల పెంచుకుంటూ వెళ్లాలి. ఈ లెక్కన, 10ఏళ్లల్లో 13శాతం సీఏజీఆర్తో రిటర్నులు వస్తే.. రూ. 1కోటి కార్పస్ జనరేట్ అవుతుంది.
ఐసీఐసీఐ ప్రుడెన్షియల్ బ్లూచిప్ ఈక్విటీ ఫండ్, హెచ్డీఎఫ్సీ స్మాల్ క్యాప్ ఫండ్స్లో ఇన్వెస్ట్ చేయవచ్చని.. ఈజీపే ఫౌండర్ సామ్స్ తబ్రేజ్ చెబుతున్నారు.
(గమనిక:- రికమెండేషన్లు నిపుణులు సూచనలు మాత్రమే. హిందుస్థాన్ టైమ్స్ తెలుగుకు సంబంధం లేదు. మ్యూచువల్ ఫండ్స్లోనూ రిస్క్ ఉంటుందని గ్రహించి, మీ ఫైనాన్షియల్ అడ్వైజర్ను సంప్రదించిన తర్వాత నిర్ణయం తీసుకోవడం శ్రేయస్కరం.)