మంచి క్రెడిట్​ స్కోర్​ ఉంటే లోన్​ మాత్రమే కాదు- 'డేటింగ్'​ పార్ట్​నర్​ కూడా దొరుకుతుంది!

డేటింగ్​ యాప్స్​ చిత్ర విచిత్రంగా ఉంటాయి! డేటింగ్​ యాప్స్​లో ‘రిక్వైర్మెంట్స్​’కి సంబంధించి చాలా వార్తలు వైరల్​ అవుతుంటాయి. ఇప్పుడు మేము చెప్పబోయేది కూడా ఆ జాబితాలోనిదే! ఒక ప్రముఖ డేటింగ్​ యాప్​.. మీ ‘క్రిడెట్​ స్కోర్​’ ఆధారంగా ఇప్పుడు పార్ట్​నర్స్​ని మ్యాచ్​ చేస్తోంది!

మంచి క్రెడిట్​ స్కోర్​తో డేటింగ్​ మ్యాచ్​..!

ట్రూలీమాడ్లీ డేటింగ్​ యాప్​లో క్రెడిట్​ స్కోరు వ్యవహారం ఇంటర్నెట్ దృష్టిని ఆకర్షించింది. ఇప్పుడు మీరు 6'5" మనిషిగా ఉంటే సరిపోదు; అధిక క్రెడిట్ స్కోర్ అనేది చాలా ముఖ్యం!

క్రెడిట్ స్కోర్ ఒక వ్యక్తి క్రెడిట్ అర్హత, వారి ఆర్థిక చరిత్ర ఆధారంగా రుణాలను తిరిగి చెల్లించే అవకాశాన్ని వెల్లడిస్తుంది. అధిక క్రెడిట్ స్కోరు ఆర్థిక విశ్వసనీయతను సూచిస్తుంది.

ఒకప్పుడు ఫొటోలు ఎంత బాగున్నాయో, ఎంత చమత్కారంగా, వేగంగా సమాధానాలు వచ్చేవో వంటివి మాత్రమే ఆధారపడిన ఆన్​లైన్​ డేటింగ్ నేపథ్యంలో డేటింగ్ యాప్ "ట్రూలీమాడ్లీ" కొత్త ఫీచర్.. మహిళలు తమ పార్ట్​నర్స్​ని ఎంచుకునే విధానాన్ని మార్చేసింది.

ట్రూలీమాడ్లీ సహ వ్యవస్థాపకుడు, సీఈఓ స్నేహిల్ ఖనోర్ ఎక్స్​లో ఒక పోస్ట్ చేశారు. డేటింగ్ యాప్ ఇప్పుడు గొప్ప క్రెడిట్ స్కోర్లు ఉన్నవారికి - కనీసం 750 స్కోరు ఉన్న ఏకేఏ క్రెడ్​ సభ్యులను - వారి ప్రొఫైల్​పై బ్యాడ్జ్​ను ప్రదర్శించడానికి అనుమతిస్తుందని తెలిపారు.

క్రెడిట్ ఆధారంగా వ్యక్తులకు సరిపోయే డేటింగ్ యాప్​ని రూపొందించాలని ఎక్స్ యూజర్లు చేసిన సూచనకు ప్రతిస్పందనగా, ట్రూలీమాడ్లీ ఇప్పటికే క్రెడ్​తో ఒప్పందం కుదుర్చుకుందని సీఈఓ తెలిపారు. వినియోగదారులు.. టీఎమ్ ఖాతాతో తమ క్రెడ్ ఖాతాను లింక్ చేసుకోవచ్చని, వారు క్రెడ్ సభ్యుడైతే వారి ప్రొఫైల్​లో అధిక క్రెడిట్ స్కోర్​ను సూచించే క్రెడ్ బ్యాచ్ లభిస్తుందని ఆయన అన్నారు.

అధిక క్రెడిట్ స్కోర్లను సూచించే ప్రొఫైల్స్.. రెట్టింపు సంఖ్యలో మ్యాచ్​ల పొందాయని ఖనోర్ చెప్పారు! క్రెడ్​ లింక్డ్ మేల్ ప్రొఫైల్​కి సాధారణం కంటే 2 రెట్లు ఎక్కువ లైకులు, మ్యాచ్​లు వస్తాయని వెల్లడించారు.

అందువల్ల, తెలివైన ఆర్థిక నిర్ణయాలు తీసుకోవడం సరైన స్వైప్ పొందడానికి కొత్త అంతిమ మార్గం!

క్రెడిట్ స్కోర్ ఎందుకు?

క్రెడిట్ స్కోర్ అనేది మీ ఆర్థిక స్థితి, రుణాలను తిరిగి చెల్లించే మీ సామర్థ్యం, మీ బిల్లులను సకాలంలో చెల్లించడానికి అంతిమ సంకేతం గురించి చెప్పే ఒక మెట్రిక్.

మహిళలు ఏమి కోరుకుంటున్నారని మీరు ఇంకా ఆలోచిస్తుంటే, మీ జీవితాన్ని కలిపి ఉంచడానికి, సకాలంలో అప్పులు తీర్చడానికి ఇది సమయం కావచ్చు!