Honor 200 launch : ఎట్టకేలకు ఇండియాలో హానర్​ 200, 200 ప్రో లాంచ్​- ఫీచర్స్​, ధరల వివరాలు..-honor 200 honor 200 pro launched in india all you need to know ,బిజినెస్ న్యూస్
తెలుగు న్యూస్  /  బిజినెస్  /  Honor 200 Launch : ఎట్టకేలకు ఇండియాలో హానర్​ 200, 200 ప్రో లాంచ్​- ఫీచర్స్​, ధరల వివరాలు..

Honor 200 launch : ఎట్టకేలకు ఇండియాలో హానర్​ 200, 200 ప్రో లాంచ్​- ఫీచర్స్​, ధరల వివరాలు..

Sharath Chitturi HT Telugu
Jul 19, 2024 06:07 AM IST

Honor 200 pro launch : హానర్ 200, హానర్ 200 ప్రో స్మార్ట్​ఫోన్లు భారత్​లో లాంచ్ అయ్యాయి. వాటి ధర, స్పెసిఫికేషన్లు గురించి ఇక్కడ తెలుసుకోండి.

హానర్​ 200, 200 ప్రో లాంచ్
హానర్​ 200, 200 ప్రో లాంచ్ (Htech)

ఇండియాలో ఎట్టకేలకు హానర్​ 200, హానర్​ 200 ప్రో స్మార్ట్​ఫోన్స్​ లాంచ్​ అయ్యాయి. ఇవి స్నాప్​డ్రాగన్ 7 జెన్ 3, స్నాప్​డ్రాగన్​ 8ఎస్ జెన్ 3తో పనిచేస్తాయి. హానర్ 200లో 6.7 ఇంచ్​ ఫుల్​ హెచ్​డీ+ ఓఎల్ఈడీ కర్వ్డ్ ప్యానెల్, హై ఎండ్ హానర్ 200 ప్రోలో 6.78 ఇంచ్​ ఓఎల్ఈడీ కర్వ్డ్ ప్యానెల్, 120 హెర్ట్జ్ రిఫ్రెష్ రేట్, 4000 నిట్స్ పీక్​ బ్రైట్​నెస్​ వంటివి ఉన్నాయి. రెండు మోడళ్లు ట్రిపుల్ కెమెరా సెటప్​తో వస్తాయి. 100 వాట్ ఫాస్ట్ వైర్డ్ ఛార్జింగ్​ని అందిస్తాయి.

హానర్ 200, హానర్ 200 ప్రో: ధర..

ఇండియాలో హానర్ 200 రెండు వేరియంట్లలో లభిస్తుంది: 8 జీబీ+ 256 జీబీ వేరియంట్​ ధర రూ .34,999. 12 జీబీ + 512 జీబీ రూ .39,999. ఇది బ్లాక్, మూన్ లైట్ వైట్ అనే రెండు కలర్ ఆప్షన్స్​లో లభిస్తుంది.

హానర్ 200 ప్రో 12 జీబీ + 512 జీబీ సింగిల్ వేరియంట్​లో లభిస్తుంది. దీని ధర రూ. 57,999గ ఉంది. బ్లాక్, ఓషన్ సియాన్ అనే రెండు రంగులలో లభిస్తుంది.

లిమిటెడ్ ఆఫ్లైన్ రిటైల్ స్టోర్లు, అమెజాన్ ఇండియాలో జూలై 20 మధ్యాహ్నం 12 గంటలకు ఈ రెండు మోడళ్లు అందుబాటులో ఉంటాయని హానర్ టెక్ ప్రకటించింది. అదనంగా, కస్టమర్లు ఐసీఐసీఐ, ఎస్​బీఐ క్రెడిట్ కార్డులను ఉపయోగించి అనేక ఇన్​స్టెంట్​ డిస్కౌంట్లను పొందవచ్చు. లాంచ్ వ్యవధిలో ఉచిత యాక్ససరీలను పొందవచ్చు.

హానర్ 200, హానర్ 200 ప్రో స్పెసిఫికేషన్లు..

ఈ రెండు స్మార్ట్​ఫోన్లు లేటెస్ట్ క్వాల్కం చిప్​సెట్ లతో పనిచేస్తాయి. హానర్ 200 ప్రోలో స్నాప్​డ్రాగన్ 8ఎస్ జెన్ 3, హానర్ 200లో స్నాప్​డ్రాగన్ 7 జెన్ 3 ఉంటాయి. హానర్ 200 ప్రో 12 జీబీ ర్యామ్​తో, హానర్ 200 8 జీబీ లేదా 12 జీబీ ర్యామ్​తో అందుబాటులో ఉన్నాయి.

హానర్ 200 ప్రోలో 50 మెగాపిక్సెల్ వైడ్ షూటర్, 12 మెగాపిక్సెల్ అల్ట్రా-వైడ్ యూనిట్, 50 మెగాపిక్సెల్ టెలిఫోటో యూనిట్​తో కూడిన ట్రిపుల్ కెమెరా సెటప్ ఉంది. హానర్ 200లో ప్రైమరీ 50 మెగాపిక్సెల్ సెన్సార్ మినహా అదే సెటప్ ఉంది. 50 మెగాపిక్సెల్ సోనీ ఐఎంఎక్స్ 906కు బదులుగా, 50 మెగాపిక్సెల్ హెచ్ 9000 సెన్సార్​ని ఉపయోగిస్తుంది. సెల్ఫీలు, వీడియోల కోసం ముందువైపు 50 మెగాపిక్సెల్ కెమెరాను అందించారు. అయితే హానర్ 200 ప్రోలో మాత్రమే సెల్ఫీ షూటర్​కు అనుగుణంగా 3డీ డెప్త్ సెన్సార్ కెమెరా ఉంది.

ఈ రెండు స్మార్ట్​ఫోన్​లో 5200 ఎంఏహెచ్ బ్యాటరీ ఉంది. ఇది 100 వాట్ ఫాస్ట్ ఛార్జింగ్ ఉపయోగించి త్వరగా ఛార్జ్ చేయవచ్చు. ఈ రెండూ ఆండ్రాయిడ్ 14, మ్యాజిక్ ఓఎస్ 8.0 ఆపరేటింగ్ సిస్టెంపై పనిచేయనున్నాయి.

Whats_app_banner

సంబంధిత కథనం