Bank holiday : తెలుగు రాష్ట్రాల్లో ఈరోజు బ్యాంక్​లకు సెలవు ఉందా?

రిజర్వ్ బ్యాంక్ ఆఫ్ ఇండియా (ఆర్బీఐ) మార్గదర్శకాల ప్రకారం హోలీ సందర్భంగా 2025 మార్చ్​14, అంటే శుక్రవారం దేశంలోని అనేక ప్రాంతాల్లో బ్యాంకులకు సెలవు. అహ్మదాబాద్, ఐజ్వాల్, బేలాపూర్, భోపాల్, ఛండీగఢ్, డెహ్రాడూన్, గ్యాంగ్​టక్, గౌహతి, తెలంగాణ, ఆంధ్రప్రదేశ్​, ఇటానగర్, జైపూర్, జమ్ము, కాన్పూర్, కోల్​కతా, లక్నో, ముంబై, నాగ్​పూర్, న్యూదిల్లీ, పనాజీ, పట్నా, రాయ్​పూర్, రాంచీ, షిల్లాంగ్, సిమ్లా, శ్రీనగర్ వంటి నగరాల్లో నేడు బ్యాంకులు మూతపడి ఉంటాయని కస్టమర్లు గుర్తుపెట్టుకోవాలి.

హోలీ వేడుకల్లో భాగంగా మార్చ్​ 13న దేశవ్యాప్తంగా అనేక నగరాల్లో బ్యాంక్​లు మూతపడి ఉన్నాయి. 14 కూడా సెలవు ఉంది. 15న, శనివారం మాత్రం బ్యాంక్​లు పనిచేస్తాయి. మార్చ్​ 16 ఆదివారం వారాతంపు సెలవు ఉంది. ఇక మార్చ్​ 22 (రెండో శనివారం), మార్చ్​ 23 ఆదివారం, మార్చ్​ 30 ఆదివారం కారణంగా ఈ నెలలో బ్యాంక్​లకు మరిన్ని సెలవులు లభించనున్నాయి. వీటిని కస్టమర్లు గుర్తుపెట్టుకోవడం చాలా అవసరం.

మార్చ్​ 14న స్టాక్​ మార్కెట్​లు ఓపెన్​లో ఉంటాయా? ఇక్కడ క్లిక్​ చేసి తెలుసుకోండి.

బ్యాంకులు ఎప్పుడు మూతపడతాయి?

ప్రాంతీయ, జాతీయ పండుగల ఆధారంగా వివిధ రాష్ట్రాలను బట్టి దేశవ్యాప్తంగా బ్యాంకు సెలవులు మారుతూ ఉంటాయని వినియోగదారులు గమనించాలి. పండుగలతో పాటు.. రెండు, నాలుగో శనివారాలు, అన్ని ఆదివారాలు బ్యాంకులకు సెలవు. అందువల్ల, కస్టమర్లు తమ సమీప బ్యాంకు శాఖలో సెలవుల జాబితాను చెక్​ చేయాలి.

బ్యాంకు సెలవులను ఎక్కడ చెక్ చేసుకోవాలి?

నెగోషియబుల్ ఇన్​స్ట్రుమెంట్స్ యాక్ట్ నిబంధనల ప్రకారం రిజర్వ్ బ్యాంక్ ఆఫ్ ఇండియా (ఆర్బీఐ) ప్రకటించిన వార్షిక హాలిడే క్యాలెండర్​లో అన్ని బ్యాంకు సెలవులు లిస్ట్​ అయ్యి ఉంటాయి. ఇది.. చెక్కులు, ప్రామిసరీ నోట్ల జారీకి సంబంధించినది. ఇలాంటి సెలవు రోజుల్లో ఈ సాధనాలకు సంబంధించిన లావాదేవీలు అందుబాటులో ఉండవు.

బ్యాంకు సెలవుల్లో ఆన్​లైన్ సేవలు అందుబాటులో ఉన్నాయా?

బ్యాంకుల సెలవులతో సంబంధం లేకుండా అన్ని బ్యాంకులు తమ ఆన్​లైన్, మొబైల్ బ్యాంకింగ్ సేవల యాప్స్​ని ఆపరేట్ చేస్తాయి. అటువంటి సేవల లభ్యత కోసం వినియోగదారులు తాజా నోటిఫికేషన్లను చెక్​ చేయాలి. కస్టమర్లు బ్యాంకు ఏటీఎంల నుంచి కూడా నగదు విత్​డ్రా చేసుకోవచ్చు.

మార్చ్​ 14న హోలీ..

హోలీ అనేది రంగుల పండుగగా ప్రసిద్ధి చెందిన హిందూ ఫెస్టివల్​. ఇది సాధారణంగా హిందూ చాంద్రమాన క్యాలెండర్ ప్రకారం మార్చ్​ నెలలో వస్తుంది. ఈ పండుగ శ్రీకృష్ణుడు- రాధల మధ్య దైవిక ప్రేమను కూడా హైలైట్ చేస్తుంది. ఈ రోజున, ప్రజలు వసంత ఋతువు ప్రారంభానికి గుర్తుగా రంగులతో ఆడుకుంటారు. తీపి వంటకాలను తింటారు. హోలీకి ముందు హోలీకా దహన్​ వేడుక ఉంటుంది. దీనిని చెడుపై మంచి సాధించిన విజయానికి ప్రతీకగా చూస్తారు.

యావోసాంగ్ డే 2..

యొసాంగ్ డే 2 కారణంగా ఇటానగర్​లోని బ్యాంకులు నేడు మూతపడి ఉంటాయి. పిచ్​కారీ అని కూడా పిలిచే ఈ పండుగను మణిపూర్​లో కూడా జరుపుకుంటారు. హోలీని పోలే విధంగా ఇందులోనూ రంగులు, సంగీతం, నృత్యం ఉంటాయి.