highest FD interest rates 2022: ఎఫ్డీపై 8 శాతం వడ్డీ ఇస్తున్న బ్యాంకు ఇదే
highest FD interest rates 2022: ఫిక్స్డ్ డిపాజిట్లపై అత్యధికంగా వడ్డీ రేటును ఆఫర్ చేస్తోంది ఈ బ్యాంక్.
బంధన్ బ్యాంక్ ఫిక్స్డ్ డిపాజిట్లపై అత్యధిక వడ్డీ రేటును ఆఫర్ చేస్తోంది. ఇది స్పెషల్ లిమిటెడ్ పీరియడ్ ఆఫర్తో చేస్తున్న స్కీమ్గా తెలిపింది. రూ. 2 కోట్ల వరకు గల రుణాలపై 8 శాతం వరకు వడ్డీ రేట్లు చెల్లించనున్నట్టు తెలిపింది. నవంబరు 7 నుంచి అమల్లోకి వస్తుందని, కొత్త ఫిక్స్డ్ డిపాజిట్లు, అలాగే రెన్యువల్స్పై కూడా వర్తిస్తుందని తెలిపింది.
ట్రెండింగ్ వార్తలు
- తాజా సవరణల ప్రకారం కస్టమర్లు 600 రోజుల కాలపరిమితి గల ఫిక్స్డ్ డిపాజిట్లపై 7.5 శాతం వడ్డీ పొందుతారు. సీనియర్ సిటిజన్లయితే అదనంగా మరో 0.5 శాతం వడ్డీ రేటుతో బంధన్ బ్యాంక్ ఎఫ్డీ స్వీకరిస్తుంది. అంటే వీరికి మొత్తంగా 8 శాతం వడ్డీ చెల్లిస్తుంది. అయితే ఏడాది లోపు ఫిక్స్డ్ డిపాజిట్లయితే సీనియర్ సిటిజెన్లకు 0.75 శాతం అదనంగా వడ్డీ లభిస్తుంది.
బంధన్ బ్యాంక్ ఫిక్స్డ్ డిపాజిట్లపై వడ్డీ రేట్లు ఇలా
బంధన్ బ్యాంక్ కస్టమర్లు కూడా ఈ పథకంలో చేరొచ్చు. వారి రీటైల్ ఇంటర్నెట్ బ్యాంకింగ్ ఖాతా నుంచి గానీ, ఎం-బంధన్ మొబైల్ యాప్ ద్వారా గానీ ఫిక్స్డ్ డిపాజిట్లు చేయవచ్చు. ఆన్లైన్ సౌకర్యం ద్వారా కస్టమర్లు ఇంటినుంచే ఫిక్స్డ్ డిపాజిట్లు చేసేయొచ్చు.
ఈ ప్రయివేటు రంగ బ్యాంకు సెప్టెంబరుతో ముగిసిన రెండో త్రైమాసికంలో రూ. 209.30 కోట్ల నికర లాభం ఆర్జించింది. మొండి బకాయిలు తగ్గడంతో లాభాలు పెరిగినట్టు చూపింది. కోల్కతా ప్రధాన కార్యాలయంగా ఉన్న ఈ బంధన్ బ్యాంక్ గత ఏడాది రెండో త్రైమాసికంలో రూ. 3,008 కోట్ల నష్టాలను చూపింది.