330 కి.మీ మైలేజ్​ ఇచ్చే ఈ సీఎన్జీ బైక్​ ధర తగ్గింది- మిడిల్​ క్లాస్​ వారికి బెస్ట్​ ఆప్షన్​!

ఇంధన ధరలు తగ్గించుకునేందుకు చూస్తున్న మిడిల్​ క్లాస్​ వాహనదారులకు అలర్ట్​! 330 కి.మీ వరకు మైలేజ్​ ఇచ్చే ఫ్రీడమ్ 125 సీఎన్జీ బైక్‌పై తగ్గింపును ప్రకటించింది బజాజ్​ ఆటో. ఈ ప్రపంచంలోనే తొలి సీఎన్జీ బైక్​పై రూ. 5వేలు తగ్గిస్తున్నట్టు వెల్లడించింది. ఈ నేపథ్యంలో బజాజ్​ ఫ్రీడమ్​ 125 గురించి, ధర తగ్గింపు గురించి పూర్తి వివరాలను ఇక్కడ తెలుసుకోండి..

బజాజ్​ ఫ్రీడమ్​ 125 సీఎన్జీ బైక్​- ధర తగ్గింపు వివరాలు..

బజాజ్​ ఫ్రీడమ్​ 125 సీఎన్జీ ఎక్స్​షోరూం ధర రూ. 90,270 నుంచి రూ. 1.10లక్షల వరకు ఉంటుంది. కాగా ఫ్రీడమ్​ 125 సీఎన్జీ బైక్​ ధరను తగ్గిస్తున్నట్టు కంపెనీ సోషల్ మీడియాలో వెల్లడించింది. అయితే, ఈ ధర తగ్గింపు NG04 డ్రమ్ వేరియంట్ (బేస్ వేరియంట్)కు మాత్రమే వర్తిస్తుందని గమనించాలి. ఇది శాశ్వత ధర తగ్గింపు కాదని, ఈ డిస్కౌంట్ ఆఫర్ కొంతకాలం తర్వాత ముగుస్తుందని బజాజ్ స్పష్టం చేసింది.

బజాజ్ ఫ్రీడమ్ 125 సీఎన్జీ: ఇంజిన్, సామర్థ్యం..

ఫ్రీడమ్ 125 సీఎన్‌జీ బైక్​ 125 సీసీ పెట్రోల్ ఇంజిన్‌తో వస్తుంది. ఇది సీటు కింద ఉన్న సీఎన్జీ ట్యాంక్‌తో అనుసంధానించి ఉంటుంది. 2 కిలోల సీఎన్జీ ట్యాంక్, 2-లీటర్ పెట్రోల్ ట్యాంక్ ఉండటం వల్ల ఇతర 125 సీసీ మోడళ్ల కంటే దీని బరవు కొద్దిగా ఎక్కువ ఉంటుంది. ఈ ఇంజిన్ 9.4 బీహెచ్‌పీ పవర్​ని, 9.7 ఎన్‌ఎమ్ పీక్​ టార్క్‌ను జనరేట్​ చేస్తుంది.

బజాజ్​ ఫ్రీడమ్​ 125 సీఎన్జీ బైక్​- మైలేజ్..

బజాజ్ ఆటో ప్రకారం.. ఫ్రీడమ్ 125 సాంప్రదాయ 125 సీసీ పెట్రోల్ మోటార్‌సైకిళ్లతో పోలిస్తే నిర్వహణ ఖర్చులను 50 శాతం వరకు గణనీయంగా తగ్గిస్తుంది! సీఎన్జీపై నడుస్తున్నప్పుడు ఈ బైక్​ 102 కి.మీ./కేజీ మైలేజీని ఇస్తుందని, పెట్రోల్ ఉపయోగించినప్పుడు 64 కి.మీ./లీటరు మైలేజీని ఇస్తుందని తయారీదారు పేర్కొన్నారు. ట్యాంక్​ ఫుల్​ చేస్తే.. ఫ్రీడమ్ 125 కేవలం సీఎన్జీపై 200 కి.మీ.ల వరకు ప్రయాణించగలదని బజాజ్ పేర్కొంది. పెట్రోల్​ని కూడా కలుపుకుంటే అదనంగా 130 కి.మీలు, మొత్తం మీద 330 కి.మీ.ల కంబైన్డ్ మైలేజ్​ లభిస్తుందని వివరించింది.

బజాజ్​ ఫ్రీడమ్​ 125 సీఎన్జీ బైక్​- ఫీచర్లు..

ఫీచర్ల విషయానికొస్తే, బజాజ్ ఫ్రీడమ్ 125 బైక్​లో ఎల్​ఈడీ హెడ్‌ల్యాంప్, టెలిస్కోపిక్ ఫ్రంట్ ఫోర్క్స్, రేర్​లో మోనోలింక్ సస్పెన్షన్ సిస్టమ్ ఉన్నాయి. అదనంగా, టాప్ వేరియంట్‌లో బ్లూటూత్ కనెక్టివిటీతో కూడిన డిజిటల్ ఇన్​స్ట్రుమెంట్ కన్సోల్ ఉంటుంది. సీఎన్జీ సిలిండర్ ఉండటం వల్ల సీటు ఎత్తు 825 ఎంఎంగా ఉంటుంది. క్విల్టెడ్ స్టిచింగ్ సౌకర్యాన్ని పెంచడానికి రూపొందించిననప్పటికీ, ఈ మోడల్ తగినంత అండర్-థై సపోర్ట్‌ను అందించదు!