High dividend stock : ఒక్క షేరుకు రూ. 410 డివిడెండ్​- ఇన్​వెస్టర్లకు పండగే!

స్టాక్​ మార్కెట్​లో మల్టీబ్యాగర్​ స్టాక్స్​కి ఎంత డిమాండ్​ ఉంటుందో, హై డివిడెండ్​ స్టాక్స్​కి కూడా అంతే డిమాండ్​ కనిపిస్తుంటుంది. స్టాక్స్​లో ఇన్​వెస్ట్​ చేసి, డివెండ్స్​ని రాబట్టేందుకు అనేకమంది ఇన్​వెస్టర్లు చూస్తుంటారు. ఇలాంటి ఇన్​వెస్టర్స్​కి బంపర్​ న్యూస్​! అబాట్​ ఇండియా కంపెనీ, తమ ఇన్​వెస్టర్లకు భారీ డివిడెండ్​ని ప్రకటించింది. ఆ వివరాలను ఇక్కడ తెలుసుకుందాము..

హై డివిడెండ్​ స్టాక్​..

స్టాక్ మార్కెట్లో చాలా కంపెనీలు వచ్చే వారం ఎక్స్​డివిడెండ్ స్టాక్​గా మారనున్నాయి. వాటిల్లో అబాట్ ఇండియా ఒకటి. ఒక్కో షేరుకు రూ.410 డివిడెండ్ చెల్లించాలని కంపెనీ నిర్ణయించింది. 

1 షేరుపై కంపెనీ రూ.410 డివిడెండ్ ఇస్తున్నట్లు స్టాక్ ఎక్స్ఛేంజీలకు ఇచ్చిన సమాచారంలో కంపెనీ తెలిపింది. ఈ డివిడెండ్ కోసం జూలై 19ని రికార్డు తేదీగా కంపెనీ నిర్ణయించింది. అంటే, ఆ రోజు, దానికి ముందు కంపెనీ రికార్డ్ బుక్​లో పేరు ఉన్న పెట్టుబడిదారులకు మాత్రమే డివిడెండ్ ప్రయోజనం లభిస్తుంది. ఈ విషయాన్ని పెట్టుబడిదారులు గుర్తుపెట్టుకోవాలి. జూలై 21న కంపెనీ ఎక్స్-డివిడెండ్ స్టాక్​గా ట్రేడవుతుంది.

ఇదీ చూడండి:- PSU share price: దూసుకుపోతున్న పీఎస్ యూ షేర్; క్యూ1 లో అదిరిపోయే లాభాలు; ఇప్పుడు కొనొచ్చా?

2023లో 2 సార్లు డివిడెండ్స్​..

ఇన్​వెస్టర్స్​కి తరచూ డివిడెండ్స్​ ఇచ్చే కంపెనీల్లో అబాట్​ ఇండియా ఒకటి. 2023లో కంపెనీ రెండుసార్లు డివిడెండ్ ఇచ్చింది. కంపెనీ రూ.145 ప్రత్యేక డివిడెండ్ ఇచ్చింది. ఒక్కో షేరుకు రూ.180 తుది డివిడెండ్​ను కంపెనీ చెల్లించింది. అబాట్ ఇండియా తొలిసారిగా 2001లో డివిడెండ్ చెల్లించింది. 2008 నుంచి కంపెనీ వరుసగా డివిడెండ్లను చెల్లిస్తూ వస్తోంది.

స్టాక్ మార్కెట్​లో కంపెనీ పనితీరు ఎలా ఉంది?

శుక్రవారం ట్రేడింగ్​ సెషన్​లో అబాట్​ ఇండియా షేరు ధర 1.23 శాతం పడి రూ.27,471.60 వద్ద ముగిసింది. గత ఏడాది కాలంలో కంపెనీ షేరు ధర 17.9 శాతం పెరిగింది. అదే సమయంలో 6 నెలల పాటు ఈ స్టాక్​ను కలిగి ఉన్న ఇన్వెస్టర్లు ఇప్పటివరకు సుమారు 4 శాతం లాభాలు చూశారు. అయితే గత నెల రోజుల్లో ఈ షేరు 0.3 శాతం పడింది.

కంపెనీ 52 వారాల గరిష్ట స్థాయి రూ.29,638.15గా ఉంది. అబాట్​ ఇండియా షేరు 52 వారాల కనిష్ట స్థాయి రూ.22,000గా ఉంది. కంపెనీ మార్కెట్ క్యాప్ రూ.58,396.48గా ఉంది. కంపెనీ ఒక్కసారి కూడా బోనస్ షేర్లు ఇవ్వలేదు.

అయితే కేవలం డివిడెండ్లను చూసే కంపెనీలో ఇన్​వెస్ట్​ చేయడం సరైన పద్ధతి కాదని గుర్తుపెట్టుకోవాలి.

(గమనిక:- ఇది కేవలం సమాచారం కోసం రూపొందించిన కథనం మాత్రమే. ఏదైనా ఇన్​వెస్ట్​మెంట్​ చేసే ముందు సెబీ రిజిస్టర్డ్​ ఫైనాన్షియల్​ అడ్వైజర్లను సంప్రదించడం ఉత్తమం.)