ధర 60 వేలు.. మైలేజ్​ మాత్రం 70 కేఎంపీఎల్​- ఎంట్రీ లెవల్​లో బెస్ట్​ బైక్​ ఇది!

భారత ఎంట్రీ లెవల్​ బైక్​ సెగ్మెంట్​లో హీరో మోటోకార్ప్ ప్రాడక్ట్స్​కి మంచి డిమాండ్​ ఉంది. వీటిల్లో హీరో హెచ్​ఎఫ్​ 100 ఒకటి. ఇక ఇప్పుడు, ఈ మోడల్​పై సంస్థ ఒక అప్డేట్​ ఇచ్చింది. కొత్త ఉద్గార ప్రమాణాలకు అనుగుణంగా తన లైనప్​ని అప్డేట్ చేస్తున్న ఈ దిగ్గజ ఆటోమొబైల్​ సంస్థ హెచ్ఎఫ్ 100లో కూడా అందుకు తగ్గట్టుగా మార్పులు చేసింది. ఈ నేపథ్యంలో అత్యంత చౌకైన ధరకు, భారీ మైలేజ్​ని ఇస్తున్న ఈ బైక్​ వివరాలను ఇక్కడ తెలుసుకుందాము..

హీరో హెచ్​ఎఫ్​ 100- ధర..

హీరో మోటోకార్ప్​కి చెందిన ఎంట్రీ లెవల్ కమ్యూటర్ బైక్​ ఈ హీరో హెచ్ఎఫ్ 100. ఈ బైక్ ఇప్పుడు ఓబీడీ -2బీ కంప్లైన్స్​కి అనుగుణంగా అప్డేట్​ అయ్యింది. ఈ అప్డేటెడ్​ హెచ్ఎఫ్ 100 ధర రూ .60,118 (ఎక్స్-షోరూమ్, ఢిల్లీ), పాత వెర్షన్ కంటే కేవలం రూ .1,100 ఎక్కువ!

హీరో మోటోకార్ప్​ మాత్రమే కాదు, దేశంలో ఎంట్రీ లెవల్​లో లభిస్తున్న చౌకైన బైక్స్​లో ఈ హీరో హెచ్ఎఫ్ 100 ఒకటి. కాగా లేటెస్ట్ అప్డేట్​తో బైక్ డిజైన్, స్టైలింగ్​లో ఎలాంటి మార్పులు లేవు అని గుర్తుపెట్టుకోవాలి.

హీరో హెచ్​ఎఫ్ 100 స్పెసిఫికేషన్స్..

హీరో హెచ్​ఎఫ్ 100లో 97.2 సీసీ సింగిల్ సిలిండర్, ఎయిర్-కూల్డ్ ఇంజిన్ ఉంటుంది. ఈ ఇంజిన్​ 8,000 ఆర్​పీఎమ్ వద్ద 8 బీహెచ్​పీ పవర్, 6,000 ఆర్​పీఎమ్ వద్ద 8.05 ఎన్ఎమ్ గరిష్ట టార్క్​ను జనరేట్​ చేస్తుంది. హీరో ప్యాషన్ ప్లస్, స్ల్పెండర్ ప్లస్ కమ్యూటర్ బైకుల్లో కూడా ఈ మోటార్ పనిచేస్తుంది. ఓబీడీ-2బీ అనుసరణకు అనుగుణంగా అప్​డేట్ చేసిన ఇంజిన్ మినహా, బైక్ అలాగే ఉంటుంది. సస్పెన్షన్ విధులను ముందు భాగంలో టెలిస్కోపిక్ ఫోర్కులు, వెనుక భాగంలో ట్విన్ షాక్​లు పూర్తి చేస్తాయి. కాంబి బ్రేకింగ్​తో ఇరువైపులా 130 ఎంఎం డ్రమ్ బ్రేకులు ఉంటాయి. ట్యూబ్​లెస్ టైర్లతో కూడిన 18 ఇంచ్​ అల్లాయ్ వీల్స్​పై హెచ్​ఎఫ్ 100 బైక్​ ప్రయాణిస్తుంది.

హీరో హెచ్ఎఫ్ 100 ఫీచర్లు- మైలేజ్​..

కొత్త హీరో హెచ్ఎఫ్ 100 బ్లాక్ విత్ బ్లూ గ్రాఫిక్స్, బ్లాక్ విత్ రెడ్ గ్రాఫిక్స్ అనే రెండు రంగుల్లో లభిస్తుంది. సెల్ఫ్ స్టార్ట్, సైడ్ స్టాండ్ కటాఫ్, అనలాగ్ ఇన్​స్ట్రుమెంట్ కన్సోల్, 735 ఎంఎం పొడవైన సీటు తదితర ఫీచర్లు ఇందులో ఉన్నాయి. ఈ బైక్ ఐదేళ్ల వారంటీతో లభిస్తుంది. కేవలం 110 కిలోల తేలికపాటి కెర్బ్ బరువు హెచ్ఎఫ్ 100ను చురుకుగా చేస్తుంది. అదే సమయంలో అధిక ఫ్యూయెల్​ ఎఫీషియెన్సీని నిర్థరిస్తుంది.

ఈ హీరో హెచ్​ఎఫ్​ 100 మైలేజ్​ సుమారు 70 కేఎంపీఎల్​.

హీరో హెచ్ఎఫ్ 100.. ఎంట్రీ లెవల్​ బైక్స్​​ సెగ్మెంట్​లో హోండా షైన్ 100, బజాజ్ ప్లాటినా 100 లకు గట్టి పోటీ ఇస్తుంది.