క్యూ 4 ఫలితాలను ప్రకటించిన హెచ్సీఎల్ టెక్; అర్హులైన షేర్ హోల్డర్లకు డివిడెండ్ కూడా..

ఐటీ దిగ్గజం హెచ్సీఎల్ టెక్నాలజీస్ 2025 మార్చి 31తో ముగిసిన త్రైమాసికం, ఆర్థిక ఫలితాలతో పాటు డివిడెండ్ ను కూడా ప్రకటించింది. క్యూ 4 ఫలితాలతో పాటు రూ. 2 ముఖ విలువ కలిగిన ఒక్కో ఈక్విటీ షేరుకు రూ.18 మధ్యంతర డివిడెండ్ ను ప్రకటించింది. 2025-26 ఆర్థిక సంవత్సరానికి గాను రూ.2/- ఈక్విటీ షేరుకు రూ.18 మధ్యంతర డివిడెండ్ ను డైరెక్టర్ల బోర్డు ప్రకటించిందని హెచ్సీఎల్ టెక్నాలజీస్ ఎక్స్ఛేంజ్ ఫైలింగ్ లో తెలిపింది.

రికార్డు తేదీ ఎప్పుడంటే?

ఈ మధ్యంతర డివిడెండ్ చెల్లింపునకు రికార్డు తేదీని 2025 ఏప్రిల్ 28గా నిర్ణయించారు. ఈ మధ్యంతర డివిడెండ్ చెల్లింపు తేదీ 2025 మే 6 అని కంపెనీ తెలిపింది. ఇంతకు ముందు హెచ్సీఎల్ టెక్నాలజీస్ రూ.12 మధ్యంతర డివిడెండ్, రూ.6 ప్రత్యేక డివిడెండ్ ను ప్రకటించింది. 2025 జనవరి 17న ఈ డివిడెండ్ చెల్లించింది. ట్రెండ్లైన్ డేటా ప్రకారం, హెచ్సిఎల్ టెక్నాలజీస్ మే 2003 నుండి 90 డివిడెండ్ లను ప్రకటించింది. గత 12 నెలల్లో ఒక్కో షేరుకు రూ.60 చొప్పున డివిడెండ్లను ప్రకటించింది. దీంతో ఐటీ దిగ్గజం డివిడెండ్ 4.05 శాతంగా ఉంది.

హెచ్సీఎల్ టెక్ క్యూ4 ఫలితాలు

మార్చి 2025 త్రైమాసికంలో హెచ్సీఎల్ టెక్నాలజీస్ కన్సాలిడేటెడ్ నికర లాభం 8 శాతం పెరిగి రూ.4,307 కోట్లకు చేరింది. సమీక్షా త్రైమాసికంలో కార్యకలాపాల ద్వారా వచ్చిన ఆదాయం 6 శాతం పెరిగి రూ.30,246 కోట్లకు చేరింది. డాలర్ పరంగా చూస్తే, ఆదాయం 2% పెరిగి 3,498 మిలియన్ డాలర్లుగా ఉంది మరియు స్థిర కరెన్సీ (సిసి) పరంగా, ఈ సంఖ్య 2.9% పెరిగింది. క్యూ4 ఎఫ్25లో ఈబీఐటీ 8.4 శాతం వృద్ధితో రూ.5,442 కోట్లకు చేరింది. ఈ త్రైమాసికంలో కొత్త డీల్ విజయాల కోసం మొత్తం కాంట్రాక్ట్ విలువ లేదా టిసివి 2,995 మిలియన్ డాలర్లుగా ఉంది.

ఉద్యోగుల సంఖ్య

2025 మార్చి త్రైమాసికంలో అట్రిషన్ 12.4 శాతం నుంచి 13 శాతానికి పెరిగింది. 2025 ఆర్థిక సంవత్సరంలో కంపెనీ నికరంగా 4,061 మంది ఉద్యోగులను చేర్చుకుంది. దాంతో మొత్తం ఉద్యోగుల సంఖ్య 2, 23,420 కి చేరింది. గత ఏడాది కాలంలో 7,829 మంది ఫ్రెషర్లను చేర్చుకోగా, డైవెస్టింగ్ కారణంగా 7,398 మంది ఉద్యోగుల సంఖ్యను తగ్గించినట్లు కంపెనీ తెలిపింది.

వృద్ధి అంచనాలు

2026 ఆర్థిక సంవత్సరానికి, హెచ్సిఎల్ టెక్ ఆదాయ వృద్ధి సిసి పరంగా 2.0% - 5.0% మధ్య, ఇబిఐటి మార్జిన్ 18.0% –19.0% మధ్య ఉంటుందని అంచనా వేసింది. ‘క్రమశిక్షణతో కూడిన పనితీరును మరో ఏడాది చూసిన హెచ్సీఎల్ టెక్ వరుసగా రెండో ఏడాది కూడా అత్యంత వేగంగా వృద్ధి చెందింది. స్థిర కరెన్సీలో 4.7 శాతం, ఈబీఐటీ మార్జిన్ 18.3 శాతంతో 2025 ఆర్థిక సంవత్సర మార్గదర్శకాలను అందించాం' అని హెచ్సీఎల్ టెక్ సీఈవో, మేనేజింగ్ డైరెక్టర్ సి.విజయకుమార్ తెలిపారు.