రూ.7500లోపు ధరలో వచ్చే ఈ పవర్‌ఫుల్ స్మార్ట్‌ఫోన్లు చూశారా? ఓ లుక్కేయండి

మీరు ఎంట్రీ లెవల్ సెగ్మెంట్లో శక్తివంతమైన పనితీరు కలిగిన స్మార్ట్‌ఫోన్ కోసం చూస్తున్నట్లయితే మీ కోసం మూడు ఆప్షన్స్ గురించి చెబుతాం. వర్చువల్ ర్యామ్ సపోర్ట్‌తో ఈ ఫోన్లు వస్తాయి. ఈ ఫోన్ల ధర రూ.7500లోపే. ఈ ఫోన్లలో 5000 ఎంఏహెచ్ బ్యాటరీని చూడొచ్చు. అలాగే ఈ ఫోన్లు బెస్ట్ ఇన్ క్లాస్ డిస్‌ప్లే, ప్రాసెసర్‌తో వస్తాయి. వీటి గురించి తెలుసుకుందాం.

ఐటెల్ జెనో 10

ఐటెల్ ఫోన్ 4జీబీ ర్యామ్ ప్లస్64 జీబీ ఇంటర్నల్ స్టోరేజ్‌గా ఉంది. అమెజాన్ ఇండియాలో ఈ ఫోన్ ధర రూ.6,499. ఆక్టాకోర్ ప్రాసెసర్‌పై పనిచేసే ఈ ఫోన్‌లో ఫోటోగ్రఫీ కోసం 8 మెగాపిక్సెల్ ఏఐ డ్యూయల్ రియర్ కెమెరా సెటప్ ఉంది. ఈ ఫోన్లో డైనమిక్ బార్‌తో 6.6 అంగుళాల హెచ్‌డీ ప్లస్ డిస్‌ప్లే అందించనున్నారు. 5000 ఎంఏహెచ్ బ్యాటరీని ఇందులో ఇచ్చారు. బయోమెట్రిక్ భద్రత కోసం కంపెనీ ఈ ఫోన్ లో సైడ్ మౌంటెడ్ ఫింగర్ ప్రింట్ సెన్సార్‌ను అందిస్తోంది.

టెక్నో స్పార్క్ గో 1

టెక్నోకు చెందిన ఈ ఫోన్లో 4 జీబీ ర్యామ్, 64 జీబీ ఇంటర్నల్ స్టోరేజ్ ఉంది. 4 జీబీ వర్చువల్ ర్యామ్‌ను కంపెనీ అందిస్తోంది. అమెజాన్‌లో ఈ ఫోన్ ధర రూ.7299గా ఉంది. ఇక ఈ ఫోన్ ఫీచర్ల విషయానికొస్తే 6.67 అంగుళాల డిస్‌ప్లే, 120 హెర్ట్జ్ రిఫ్రెష్ రేట్‌ను ఇందులో అందించనున్నారు. ఈ ఫోన్లో ఫోటోగ్రఫీ కోసం 13 మెగాపిక్సెల్ ప్రధాన కెమెరా ఉంది. సెల్ఫీ కెమెరా 8 మెగాపిక్సెల్. బ్యాటరీ సామర్థ్యం 5000 ఎంఏహెచ్‌గా ఉంది.

లావా యువ 4

ఈ ఫోన్ ధర రూ.6,999గా ఉంది. ఇందులో 4 జీబీ వర్చువల్ ర్యామ్, 64 జీబీ ఇంటర్నల్ స్టోరేజ్ ఇచ్చారు. ఈ ఫోన్‌ యూనిసోక్ టీ606 ప్రాసెసర్‌ను అందించారు. ఫోన్ ప్రధాన కెమెరా 50 మెగాపిక్సెల్. ఇందులో 6.56 అంగుళాల డిస్‌ప్లే, ఇది 90 హెర్ట్జ్ రిఫ్రెష్ రేట్‌ను సపోర్ట్ చేస్తుంది. ఫోన్ బ్యాటరీ సామర్థ్యం 5000 ఎంఏహెచ్‌గా ఉంది.