Google Pixel Tablet : గూగుల్​ పిక్సెల్​ ట్యాబ్​.. లాంచ్​ ఎప్పుడంటే..!

Google Pixel Tablet India : గూగుల్​ పిక్సెల్​ ట్యాబ్లెట్​ లాంచ్​కు సిద్ధమవుతోందని ఊహాగానాలు జోరుగా సాగుతున్నాయి. మే 10న జరగబోయే ఓ ఈవెంట్​లో గూగుల్​ పిక్సెల్​ 7ఏ, పిక్సెల్​ ఫోల్డ్​తో పాటు ఈ పిక్సెల్స్​ ట్యాబ్​ కూడా లాంచ్​ అవుతుందని వార్తలు వస్తున్నాయి. ఈ సమయంలో ఈ ట్యాబ్లెట్​కు సంబంధించి కొన్ని వివరాలు లీక్​ అయ్యాయి. వాటిని ఓసారి పరిశీలిద్దాము..

గూగుల్​ పిక్సెల్​ ట్యాబ్​..

కన్వెన్షనల్​ రెక్టాంగ్యులర్​ డిజైన్​, నానో- సెరామిక్​ ఫినిష్​, సిమ్మెట్రిక్​ బార్డర్స్​, కర్వ్​డ్​ కార్నర్స్​, టాప్​ సెంటర్డ్​ కెమెరాతో ఈ గూగుల్​ పిక్సెల్​ ట్యాబ్లెట్​ ఆకర్షణీయంగా ఉంటుంది. రేర్​లో ఎల్​ఈడీ ఫ్లాష్​తో కూడిన సింగిల్​ కెమెరా ఉండనుంది. 10.95 ఇంచ్​ క్యూహెచ్​డీ+ (1600X2560 పిక్సెల్స్​) టచ్​స్క్రీన్​ ఇందులో ఉండొచ్చు. గ్రీన్​ హేజ్​, పార్సలీన్​తో పాటు మరో రెండు రంగుల్లో ఈ మోడల్​ అందుబాటులో ఉంటుందని తెలుస్తోంది.

ఇదీ చదవండి:- Smartphone launches in May : మే నెలలో లాంచ్​కు సిద్ధంగా ఉన్న స్మార్ట్​ఫోన్స్​ ఇవే..!

Google Pixel Tablet launch : ఇక ఈ పిక్సెల్​ ట్యాబ్లెట్​లో టెన్సార్​ జీ2 ఎస్​ఓసీ ఉండనుంది. 8జీబీ ర్యామ్​తో 128జీబీ/ 256జీబీ స్టోరేజ్​ ఆప్షన్స్​ లభించే అవకాశం ఉంది. ఆండ్రాయిడ్​ 13పై ఈ డివైజ్​ నడుస్తుంది. యూఎస్​ఐ 2.1 స్టైలస్​, 18డబ్ల్యూ ఛార్జింగ్​కు ఇది సపోర్ట్​ చేస్తుంది.

గూగుల్​ పిక్సెల్​ ట్యాబ్​- ధర..

ప్రముక టిప్​స్టర్​ రోనాల్డ్​ క్వాండ్​ ప్రకారం పిక్సెల్​ ట్యాబ్​ 128జీబీ లేదా 256జీబీ స్టోరేజ్​ ఆప్షన్స్​లో ఒకదానికి 600-650 యూరోల ధర ఉంటుంది. ఇండియన్​ కరెన్సీలో దీని విలువ రూ. 54,100- రూ. 58,600. ఇదే ధరతో లాంచ్​ అయితే.. మార్కెట్​లో లభిస్తున్న ఇతర ట్యాబ్స్​తో పోల్చి చూస్తే.. ఈ డివైజ్​ కాస్త ఖరీదుగానే ఉంటుంది.

లాంచ్​ టైమ్​ దగ్గరపడే కొద్ది.. ఈ గ్యాడ్జెట్​కు సంబంధించిన వివరాలు అందుబాటులోకి వస్తాయి.

గూగుల్​ పిక్సెల్​ 7ఏ..

Google Pixel 7A launch date : గూగుల్​ ఐ/ఓ 2023 ఈవెంట్​.. మే 10న జరగనుంది. ఈ ఈవెంట్​లోనే పిక్సెల్​ 7ఏని గూగుల్​ లాంచ్​ చేయనున్నట్టు తెలుస్తోంది. ఇందులో.. 90 హెచ్​జెడ్ రిఫ్రెష్​ రేట్​​తో కూడిన 6.1 ఇంచ్​ అమోలెడ్​ డిస్​ప్లే ఉంటుందని అంచనాలు ఉన్నాయి. 64ఎంపీ సోనీ ఐఎంఎక్స్​787 కెమెరా, లేటెస్ట్​ టెన్సార్​ జీ2 చిప్​సెట్​, ఆండ్రాయిడ్​ 13, 4500 ఎంఏహెచ్​ బ్యాటరీ వంటి ఫీచర్స్​ ఉండొచ్చు. డిజైన పరంగా.. ఈ కొత్త మోడల్​ గూగుల్​ పిక్సెల్​ 7ని పోలి ఉండే అవకాశాలే ఎక్కువగా ఉన్నాయి.