Google Pixel 9a : గూగుల్​ పిక్సెల్​ 9ఏ కావాలా? సేల్​ ఎప్పటి నుంచి అంటే..

గూగుల్​ పిక్సెల్​ 9ఏ స్మార్ట్​ఫోన్​ ఇటీవలే ఇండియాతో పాటు మొత్తం మీద 32 దేశాల్లో లాంచ్​ అయ్యింది. టెన్సర్ జీ4 చిప్​సెట్​తో వస్తున్న ఈ స్మార్ట్​ఫోన్​ ధర కేవలం రూ.49999. హార్డ్​వేర్​ అప్​గ్రేడ్స్​తో పాటు, ఈ స్మార్ట్​ఫోన్​ కొన్ని డిజైన్ అప్​డేట్స్​ని సైతం పొందింది., ఇది సాధారణంగా అందించే వాటికి కొంచెం భిన్నంగా ఉండటంతో గూగుల్ అభిమానుల్లో ప్రజాదరణ పొందుతోంది. అందువల్ల, మీరు ఫ్లాగ్​షిప్​ సామర్థ్యాల ఫీచర్లతో నిండిన, శక్తివంతమైన మిడ్-రేంజర్ కోసం వెతుకుతుంటే, గూగుల్ పిక్సెల్ 9ఏ మీకు సరైన ఆప్షన్​ కావచ్చు. ఈ నేపథ్యంలో స్మార్ట్​ఫోన్ ధర, ఫీచర్స్​, సేల్​ వివరాలను ఇక్కడ తెలుసుకోండి..

గూగుల్ పిక్సెల్ 9ఏ: స్పెసిఫికేషన్లు- ఫీచర్లు..

గూగుల్ నుంచి వస్తున్న అఫార్డిబుల్​ ఫ్లాగ్​షిప్​ స్మార్ట్​ఫోన్​ ఈ పిక్సెల్ 9ఏ. అయితే టెక్ దిగ్గజం తన సిగ్నేచర్ కెమెరా బార్​ని తొలగించడం ద్వారా ఈ స్మార్ట్​ఫోన్​ డిజైన్​ని కొద్దిగా మార్చింది. వాటర్​- డస్ట్​ రెసిస్టెన్స్ కోసం ఐపీ68 రేటింగ్​తో ఈ స్మార్ట్​ఫోన్ మరింత మన్నికైనదిగా మారింది. పిక్సెల్ 9ఏలో 120 హెర్ట్జ్ రిఫ్రెష్ రేట్, 2700నిట్స్ పీక్ బ్రైట్​నెస్​తో 6.3 ఇంచ్​ యాక్చువా పీఓఎల్ఈడీ డిస్​ప్లే ఉంది. టైటాన్ ఎం2 సెక్యూరిటీ చిప్​తో కనెక్ట్​ చేసిన గూగుల్ టెన్సర్ జీ4 ప్రాసెసర్​ ఈ స్మార్ట్​ఫోన్​ సొంతం.

పిక్సెల్​ 9ఏ.. జెమినీ ఏఐ, సర్కిల్ టు సెర్చ్, మ్యాజిక్ ఎరేజర్, ఆడియో మ్యాజిక్ ఎరేజ్ వంటి అనేక గూగుల్ ఏఐ ఫీచర్లతో వస్తుంది. ఇందులో 48 మెగాపిక్సెల్ ప్రధాన కెమెరా, 13 మెగాపిక్సెల్ అల్ట్రావైడ్ లెన్స్​తో డ్యూయల్ కెమెరా సెటప్ ఉంది. ముందువైపు 13 మెగాపిక్సెల్ సెల్ఫీ కెమెరాని అందించారు. 33వాట్ వైర్డ్ ఛార్జింగ్ సపోర్ట్​తో 5100 ఎంఏహెచ్ బ్యాటరీని ఇందులో అందించారు.

పిక్సెల్ 9ఏ ఆండ్రాయిడ్ 15 ఆపరేటింగ్ సిస్టంపై పనిచేయనుండగా, గూగుల్ 7 సంవత్సరాల ఓఎస్ అప్​డేట్స్, పిక్సెల్ డ్రాప్స్​ను అందిస్తుంది.

గూగుల్ పిక్సెల్ 9ఏ- ధర, సేల్​.

గూగుల్ పిక్సెల్ 9ఏ రెండు కొత్త రంగుల్లో వస్తుంది. అవి పియోనీ- ఐరిస్, పోర్సిలీన్​- ఒబ్సీడియన్​ గూగుల్ పిక్సెల్ 9ఏ 8+128 జీబీ స్టోరేజ్ వేరియంట్ ధర రూ.49,999గా ఉంది. 8జీబీ+256 జీబీ స్టోరేజ్ వేరియంట్ ధరను రూ.56,999గా నిర్ణయించారు. ఎంపిక చేసిన బ్యాంకింగ్ భాగస్వాములతో రూ.3,000 క్యాష్​బ్యాక్​, 24 నెలల నో-కాస్ట్ ఈఎంఐని కూడా గూగుల్​ అందిస్తోంది. ఏప్రిల్ 2025 నుంచి ఫ్లిప్​కార్ట్​లో ఈ స్మార్ట్​ఫోన్ కొనుగోలు చేయవచ్చు. కరెక్ట్​ డేట్​ని సంస్థ త్వరలోనే వెల్లడిస్తుంది.