Gold price in 2023 : 2023లో బంగారం ధర @62,000- వెండి ధర @80,000..!

Gold price in 2023 : గత కొన్ని రోజులుగా బంగారం ధరలు భగభగమంటున్నాయి. ఇప్పటికే 10 గ్రాముల పసిడి (22క్యారెట్లు) ధర రూ. 50వేలు దాటేసింది. ఈ క్రమంలో.. 2023లో ఇదే బంగారం ధర రూ. 62వేలను తాకుతుందని ఐసీఐసీఐడైరక్ట్​ పేర్కొంది. ఈ మేరకు.. 2023 ఏడాదికి సంబంధించిన కమోడిటీ ఔట్​లుక్​ నివేదికను విడుదల చేసింది.

ఐసీఐసీఐడైరక్ట్​ 2023 కమోడిటీ ఔట్​లుక్​ రిపోర్ట్​ ప్రకారం.. కేజీ వెండి ధర రూ. 80వేలను తాకుతుంది. ప్రస్తుతం ఈ ధర రూ. 70వేల వద్ద ఉంది.

2022లో.. పసిడి ధరలు తీవ్ర ఒడుదొడుకులకు లోనయ్యాయి. ఆర్థిక వ్యవస్థ వృద్ధిపై అనిశ్చితి, చైనాలో ట్రేడ్​ అవకాశాలు తగ్గడం వంటివి కొన్ని కారణాలుగా ఉన్నాయి. అయితే.. 2023లో మెటల్స్​ మార్కెట్​లో సప్లైకు సంబంధించిన నియంత్రణలు ఉంటాయని ఇప్పటికే అంచనాలు ఉన్నాయి. ఫలితంగా సప్లై తగ్గి, డిమాండ్​ పెరుగడంతో, ధరలు కూడా పెరగొచ్చని నిపుణులు భావిస్తున్నారు.

Investment in Gold : ఇతర కమోడిటీస్​కు సంబంధించి.. కాపర్​ కేజీకి రూ. 850 వద్దకు చేరుతుందని, అల్యుమీనియం.. కేజీకి రూ. 260 వద్దకు వెళుతుందని ఐసీఐసీఐడైరక్ట్​.. తన రిపోర్టులో పేర్కొంది. మరోవైపు జింక్​.. కేజీకి రూ. 350ని తాకుతుందని, క్రూడ్​ ధరలు స్థిరంగా ఉంటాయని అంచనా వేసింది ఐసీఐసీఐడైరక్ట్​.

ఐసీఐసీఐడైరక్ట్​ ప్రకారం.. రష్యా- ఉక్రెయిన్​ యుద్ధం ఉన్నప్పటికీ.. 2022లో చమురు మార్కెట్​ భారీగా దెబ్బతింది. డిమాండ్​కు తగ్గట్టుగానే ఉత్పత్తి కూడా ఉండటం ఇందుకు కారణం. 2023లో చైనా వ్యవస్థ తెరుచుకుంటుండటం, చమురు ఉత్పత్తిని ఒపెక్​ కట్​ చేస్తుండటం, అంతర్జాతీయంగా చమురు వినియోగం పెరుగుతుందన్న అంచనాలు మార్కెట్​లో కొనసాగుతున్నాయి. కొవిడ్​ ఆంక్షలు తొలగిపోతుండటంతో.. మొబిలిటీ పెరిగి, చమురుకు డిమాండ్​ పెరుగుతుంది. ఫలితంగా చైనాలో చమురు దిగుమతులు కూడా వృద్ధి చెందుతాయి.

ICICDirect Gold outlook 2023 : "ఐఎంఎఫ్​ రివైజడ్జ్​ గ్లోబల్​ జీడీపీ అంచనాలు, దిగొస్తున్న ద్రవ్యోల్బణం, వడ్డీ రేట్ల పెంపు తీవ్రత తగ్గడం, డాలర్​ బలహీనపడటం, చైనా రీఓపెనింగ్​ కారణాలతో.. 2023లో అంతర్జాతీయ కమొడిటీ మార్కెట్​లు మిశ్రమంగా ఉండొచ్చు," అని ఐసీఐసీఐడైరక్ట్​ నివేదిక వెల్లడించింది.

బంగారం, వెండి ధరలు..

2023 gold price outlook : దేశంలో బంగారం ధరలు శుక్రవారం స్వల్పంగా తగ్గాయి. 10గ్రాముల పసిడి(22క్యారెట్లు) ధర రూ. 100 దిగొచ్చి.. రూ. 50,050కి చేరింది. గురువారం ఈ ధర రూ. 50,150గా ఉండేది. ఇక 100 గ్రాముల(22క్యారెట్లు) బంగారం ధర రూ. 1000 తగ్గి, రూ. 5,00,500కి చేరింది. 1 గ్రామ్​ గోల్డ్​ ధర ప్రస్తుతం 5,005గా ఉంది.

Gold rate today Hyderabad : మరోవైపు 24 క్యారెట్ల బంగారం(10గ్రాములు) ధర రూ. 110 తగ్గి.. రూ. 54,600కి చేరింది. క్రితం రోజు.. ఈ ధర రూ. 54,710గా ఉండేది. అదే సమయంలో 100 గ్రాముల(24క్యారెట్లు) పసిడి ధర రూ. 1100 దిగొచ్చి.. రూ. 5,46,000గా ఉంది. 1 గ్రామ్​ గోల్డ్​ ధర రూ. 5,460గా ఉంది.

Silver rates today : మరోవైపు దేశంలో వెండి ధరలు భారీగా తగ్గాయి. ప్రస్తుతం.. 100 గ్రాముల వెండి ధర రూ. 7,030గా ఉంది. ఇక కేజీ వెండి రూ. 2000 పడి.. రూ. 70,300కి చేరింది. గురువారం ఈ ధర రూ. 72,300గా ఉండేది. పూర్తి వివరాల కోసం ఇక్కడ క్లిక్​ చేయండి.