First Bajaj CNG motorcycle: బజాజ్ నుంచి తొలి సీఎన్జీ మోటార్ సైకిల్; జూన్ 18 న లాంచ్-first bajaj cng motorcycle to be launched on june 18 ,బిజినెస్ న్యూస్
తెలుగు న్యూస్  /  బిజినెస్  /  First Bajaj Cng Motorcycle: బజాజ్ నుంచి తొలి సీఎన్జీ మోటార్ సైకిల్; జూన్ 18 న లాంచ్

First Bajaj CNG motorcycle: బజాజ్ నుంచి తొలి సీఎన్జీ మోటార్ సైకిల్; జూన్ 18 న లాంచ్

HT Telugu Desk HT Telugu
May 03, 2024 09:25 PM IST

First Bajaj CNG motorcycle: బజాజ్ నుంచి మొట్టమొదటి సీఎన్జీ మోటార్ సైకిల్ మార్కెట్లోకి రానుంది. సీఎన్జీ ఇంధనంతో నడిచే ఈ బైక్ ను బజాజ్ సంస్థ ఈ జూన్ 18న లాంచ్ చేయనుంది. ప్రపంచంలోనే సీఎన్జీతో నడిచే తొలి మోటార్ సైకిల్ ఇది. ఇది వినియోగదారులకు చౌకైన, సురక్షితమైన ప్రయాణాన్ని ఇస్తుందని బజాజ్ హామీ ఇస్తోంది.

జూన్ లో బజాజ్ సీఎన్జీ బైక్ లాంచ్
జూన్ లో బజాజ్ సీఎన్జీ బైక్ లాంచ్

First Bajaj CNG motorcycle: బజాజ్ ఆటో ప్రపంచంలోనే మొట్టమొదటి సీఎన్జీ మోటార్సైకిల్ ను జూన్ 18, 2024 న విడుదల చేయనుంది. బజాజ్ ఆటో మేనేజింగ్ డైరెక్టర్ రాజీవ్ బజాజ్ కొత్త పల్సర్ ఎన్ఎస్ 400 జెడ్ విడుదల సందర్భంగా ఈ విషయాన్ని ధృవీకరించారు. ఈ సీఎన్జీ మోటార్ సైకిల్ ప్రపంచంలోనే మొట్టమొదటిది. ఇది ప్రజలకు మరింత చౌకైన ప్రయాణ ఎంపికను అందిస్తుందని హామీ ఇస్తున్నాం’’ అని రాజీవ్ అన్నారు.

లీక్స్ మీద లీక్స్

బజాజ్ నుంచి వస్తున్న తొలి సీఎన్జీ మోటార్ సైకిల్ (CNG motorcycle) కు సంబంధించిన ఏ వివరాలను బజాజ్ ఇప్పటివరకు వెల్లడించలేదు. కానీ, ఈ బైక్ కు సంబంధించి అనేక లీక్ లు ఇంటర్నెట్ లో దర్శనమిచ్చాయి. ఈ బైక్ లో డ్యూయల్ ఫ్యూయల్ సిస్టమ్ ను సూచించే భారీ ఫ్యూయల్ ట్యాంక్ ఉంటుందని, ఇది 100-125 సీసీ ఇంజిన్ రావచ్చని, ఇందులో టెలిస్కోపిక్ ఫ్రంట్ ఫోర్కులు, వెనుక భాగంలో మోనోషాక్, డిస్క్, డ్రమ్ బ్రేక్ సెటప్ ఉంటాయని లీక్స్ వచ్చాయి. ఈ బైక్ భద్రతా ప్రమాణాలకు అనుగుణంగా సింగిల్-ఛానల్ ఎబిఎస్ లేదా కాంబి-బ్రేకింగ్ కలిగి ఉండవచ్చు.

పేరు కూడా బయట పెట్టలేదు..

ఈ కొత్త, తొలి సీఎన్జీ బైక్ ను ఏమని పిలుస్తారనే దానిపై కూడా బజాజ్ ఎటువంటి ప్రకటన చేయలేదు. కానీ బజాజ్ ఇటీవల బ్రూజర్ పేరును ట్రేడ్ మార్క్ చేసింది. ఇది ఈ సీఎన్జీ మోటార్ సైకిల్ యొక్క అధికారిక పేరు కావచ్చు. ఈ మొట్ట మొదటి బజాజ్ సీఎన్జీ బైక్ భవిష్యత్తులో మరిన్ని సీఎన్జీ మోడళ్లకు దారితీస్తుందని భావిస్తున్నారు. బజాజ్ ఆటో ఇటీవల తన ఫ్లాగ్ షిప్ పల్సర్ ను భారత మార్కెట్లో విడుదల చేసింది. పల్సర్ ఎన్ఎస్400జెడ్ గా పిలిచే దీని ఎక్స్ షోరూమ్ ధర రూ.1.85 లక్షలు. రూ.5,000 టోకెన్ మొత్తం చెల్లించి, ఈ బైక్ ను బుక్ చేసుకోవచ్చు. జూన్ నుంచి డెలివరీలు ప్రారంభమవుతాయని కంపెనీ తెలిపింది.

WhatsApp channel