కొత్త 7 సీటర్​ ఎలక్ట్రిక్​ కారు ఇది- కంఫర్ట్​తో పాటు సూపర్​ రేంజ్​, ధర ఎంతంటే..

జేఎస్​డబ్ల్యూ ఎంజీ మోటార్​ నుంచి కొత్త ఎలక్ట్రిక్​ ఎంపీవీ ఇండియాలో అడుగుపెట్టబోతోంది. దీని పేరు ఎంజీ ఎం9. ఈ ప్రీమియం ఎలక్ట్రిక్​ కారు ఈ ఏడాది జూన్​లో లాంచ్​ కానుంది. ఈ నేపథ్యంలో ఇండియా స్పెక్​ వర్షెన్​ కోసం అందుబాటులో ఉండనున్న కలర్​ ఆప్షన్లను సంస్థ తాజాగా ప్రకటించింది. ఆ వివరాలను ఇక్కడ తెలుసుకోండి..

ఎంజీ ఎం9 7 సీటర్​ ఎలక్ట్రిక్​ కారు..

ఎంజీ ఎం9 అనేది ఒక 7 సీటర్​ ఎలక్ట్రిక్ ఎంపీవీ. ఈ ఈవీ మిస్టిక్ గ్రే, ల్యూమినస్ వైట్, కార్డిఫ్ బ్లాక్ అనే మూడు కలర్​ ఆప్షన్స్​లో లభిస్తుంది.

వాస్తవానికి ఈ ఎంపీవీ అంతర్జాతీయ మార్కెట్లలో విస్తృతమైన కలర్ ప్యాలెట్​లో లభిస్తుంది. ఎంపిక చేసిన కొన్ని షేడ్స్ మాత్రమే భారతదేశానికి వస్తాయి. ఆటో ఎక్స్​పో 2025లో ప్రదర్శన అనంతరం ఈ ఎం9 బుకింగ్స్ ఓపెన్ అయ్యాయి. ఇది ఎంజీ హై-ఎండ్ ఎంజీ సెలెక్ట్ షోరూమ్​ల ద్వారా సేల్స్​లోకి వెళుతుంది.

ఎంజీ ఎం9: డిజైన్..

క్లీన్ అండ్ మినిమలిస్టిక్ డిజైన్ లాంగ్వేజ్ ఉన్నప్పటికీ, ఎంజీ ఎం9 ఐదు మీటర్ల కంటే ఎక్కువ పొడవుతో రహదారిపై అగ్రెసివ్​ ముద్ర వేస్తుంది. 7 సీటర్​ ఎలక్ట్రిక్​ కారు బాక్సీ సిల్హౌట్, బాడీ కలర్ ఎలిమెంట్స్ - ఫ్లష్ డోర్ హ్యాండిల్స్, ఓఆర్​వీఎం వంటివి హైలైట్​గా నిలుస్తాయి. ఎలక్ట్రిక్ ఎంపీవీ 19 ఇంచ్​ అల్లాయ్ వీల్స్​పై నడుస్తుంది.

ఇంటీరియర్​ విషయానికొస్తే, ఎం9 విలాసవంతమైన, మినిమలిస్ట్ క్యాబిన్​ని అందిస్తుంది. డ్యాష్ బోర్డ్ డ్యూయెల్ స్క్రీన్ సెటప్​ను కలిగి ఉంది. సాఫ్ట్-టచ్ లెథర్ సర్ఫేస్​ చాలా ఇంటీరియర్ టచ్ పాయింట్లను కవర్ చేస్తాయి. రెండొవ వరుస ప్రయాణీకుల కోసం, ఎంపీవీ వ్యక్తిగత ఎంటర్​టైన్​మెంట్​ స్క్రీన్లు, టచ్-సెన్సిటివ్ ఆటో క్లైమేట్ కంట్రోల్స్ జోడిస్తుంది.

ఎంజీ ఎం9: ఫీచర్స్..

ఎంజీ ఎం9 ఎలక్ట్రిక్​ కారు టెక్నాలజీతో నిండిన, కంఫర్ట్ రిచ్ ఎక్స్​పీరియెన్స్​ను అందిస్తుంది. డ్యూయెల్ సన్​రూఫ్స్ (సింగిల్-ప్యాన్ యూనిట్, పానోరమిక్ సన్​రూఫ్​), వైర్​లెస్ యాపిల్ కార్ ప్లే, ఆండ్రాయిడ్ ఆటో, డిజిటల్ డ్రైవర్ డిస్​ప్లే, ట్రిపుల్-జోన్ క్లైమేట్ కంట్రోల్, ప్రీమియం 12-స్పీకర్ ఆడియో సిస్టెమ్, వైర్​లెస్ ఛార్జింగ్ వంటి ఫీచర్లు ఉన్నాయి. ముందు, రెండొవ వరుస సీట్లు రెండూ పవర్​ ఎడ్జెస్టెడ్​, వెంటిలేషన్- మసాజ్ డ్యూటీలను కూడా అందిస్తాయి.

ఏడు ఎయిర్ బ్యాగులు, 360 డిగ్రీల కెమెరా, హిల్-హోల్డ్ అసిస్ట్, అడాప్టివ్ క్రూయిజ్ కంట్రోల్, లేన్-కీప్ అసిస్ట్, ఇతర డ్రైవర్ ఎయిడ్స్​ను తీసుకువచ్చే లెవల్ 2 అడ్వాన్స్​డ్ డ్రైవర్ అసిస్టెన్స్ సిస్టెమ్స్ (ఏడీఏఎస్)తో భద్రతా ఫీచర్లు కూడా సమగ్రంగా ఉన్నాయి.

ఎంజీ ఎం9: స్పెసిఫికేషన్స్

ప్రపంచవ్యాప్తంగా ఎంజీ ఎం9లో 90 కిలోవాట్ల బ్యాటరీ ప్యాక్ ఉంది. ఇది 240.6 బీహెచ్​పీ పవర్, 350 ఎన్ఎమ్ టార్క్​ని జనరేట్​ చేస్తుంది. దీని రేంజ్​ 430 కి.మీ. ఎంపీవీ ఫ్రంట్ వీల్​తో నడుస్తుంది. ఫాస్ట్ ఛార్జింగ్​కు మద్దతు ఇస్తుంది. 120 కిలోవాట్ల డిసి ఛార్జర్ ఉపయోగించి, బ్యాటరీని 30 నిమిషాల్లో 30 నుంచి 80 శాతం వరకు పెంచవచ్చు.

ఎంజీ ఎం9: ధర..

ఈ ఎంజీ ఎం9 ఎలక్ట్రిక్​ ఎంపీవీ సుమారు రూ.70 లక్షలు (ఎక్స్-షోరూమ్) ఉంటుందని అంచనా. ఇది లాంచ్ అయిన తరువాత, టయోటా వెల్​ఫైర్, కియా కార్నివాల్ వంటి వాటికి గట్టి పోటీ ఇవ్వనుంది. లగ్జరీ ఎంపీవీ సెగ్మెంట్​లో ఎంజీ ఎం9 పూర్తిగా ఎలక్ట్రిక్ ప్రత్యామ్నాయంగా పనిచేస్తుంది.