HDFC interest rate : కస్టమర్లకు హెచ్​డీఎఫ్​సీ బ్యాంక్​ షాక్​! ఈఎంలపై మరింత భారం!

HDFC Bank hikes MCLR : ఎంసీఎల్​ఆర్​ (మార్జినల్​ కాస్ట్​ ఆఫ్​ ఫండ్స్​ బేస్డ్​ లెండింగ్​ రేట్స్​)ని పెంచుతూ.. కస్టమర్లకు షాక్​ ఇచ్చింది దిగ్గజ హెచ్​డీఎఫ్​సీ బ్యాంక్​! కొన్ని టెన్యూర్​లకు ఎంసీఎల్​ఆర్​ని 10 బేసిస్​ పాయింట్లు పెంచింది. బ్యాంక్​ చర్యలతో.. ఈఎంల భారం మరింత పెరిగే అవకాశం లేకపోలేదు!

ఎంసీఎల్​ఆర్​లో మార్పులు ఇలా..

ఏదైనా లోన్​కు బ్యాంక్​ వసులు చేసే కనీస వడ్డీ రేటు.. ఈ ఎంసీఎల్​ఆర్​. ఇలా కనిష్ఠ వడ్డీ రేటు పెరిగితే.. ప్రజలపై భారం పడుతుంది. ఏదైనా బ్యాంక్​.. ఆర్​బీఐ రెపో రేటు లేదా ట్రెజరీ బిల్​ యీల్డ్​కు తగ్గట్టుగానే.. వడ్డీ రేట్లను ఆఫర్​ చేయాలి. 2019 అక్టోబర్​ 1 నుంచి ఇదే ఆనవాయతీగా వస్తోంది. ఇక ఇటీవలే జరిగిన ఎంపీసీ (మొనేటరీ పాలసీ కమిటీ) మీటింగ్​లో.. రెపో రేట్లను మార్చకూడదని ఆర్​బీఐ నిర్ణయించుకుంది. ఫలితంగా వరుసగా నాలుగోసారి రేపో రేటు 6.5శాతంగా ఉండిపోయింది.

HDFC Bank lending rates : ఈ పరిణమాల మధ్య.. ఎంసీఎల్​ఆర్​ను పెంచింది హెచ్​డీఎఫ్​సీ బ్యాంక్​. ఫలితంగా.. ఈ బ్యాంక్​లో ఎంసీఎల్​ఆర్​ ఇలా ఉంది..

• ఓవర్​నైట్​ (1 రోజు)- 8.60శాతం
• 1 నెల - 8.65శాతం
• 3 నెలలు - 8.85శాతం
• 6 నెలలు- 9.10శాతం
• ఏడాది- 9.20శాతం
• 2ఏళ్లు- 9.20శాతం
• 3ఏళ్లు- 9.25శాతం.

అంటే.. హోం లోన్లు, పర్సనల్​ లోన్లతో పాటు ఏదైనా లోన్​ తీసుకోవాలని వెళితే.. టెన్యూర్​ బట్టి, ఇవి కనిష్ఠ వడ్డీ రేట్లుగా ఉంటాయి!

ఎఫ్​డీలపై ఇలా..

FD interest rate in HDFC bank : ఇక కొన్ని ఎంపిక చేసిన టెన్యూర్​లపై ఎఫ్​డీలను ఇటీవలే తగ్గించింది హెచ్​డీఎఫ్​సీ బ్యాంక్​. ఫలితంగా 7 రోజులు- 10సంవత్సరాల కాలవ్యవధి మధ్యలో ఉన్న ఎఫ్​డీలపై ఇప్పుడు 3శాతం నుంచి 7.20శాతం వరకు వడ్డీ లభిస్తోంది. అదే.. సీనియర్​ సిటీజెన్​లకు.. ఇది 3.5శాతం నుంచి 7.75శాతం వరకు ఉంటుంది. ఈ మార్పులు.. 2023 అక్టోబర్​ 1న అమల్లోకి వచ్చాయి.