Telugu News  /  Business  /  Elon Musk Said A Monetization Model Is Coming 'For All Forms Of Content' On Twitter
ట్విట్టర్​ మోనిటైజేషన్​పై ఎలాన్​ మస్క్​ ఆసక్తికర వ్యాఖ్యలు
ట్విట్టర్​ మోనిటైజేషన్​పై ఎలాన్​ మస్క్​ ఆసక్తికర వ్యాఖ్యలు (REUTERS)

Twitter monetization : మస్క్​ క్రేజీ 'ప్లాన్​'.. ఇక ట్విట్టర్​లోనూ డబ్బులు సంపాదించేయండి!

07 November 2022, 18:17 ISTChitturi Eswara Karthikeya Sharath
07 November 2022, 18:17 IST

Twitter monetization : ట్విట్టర్​ మోనిటైజేషన్​పై ఆసక్తికర వ్యాఖ్యలు చేశారు ఎలాన్​ మస్క్​. యూట్యూబ్​ తరహాలో.. అంత కన్నా ఎక్కువగానే ట్విట్టర్​కు మోనిటైజేషన్​ను తీసుకురానున్నట్టు ప్రకటించారు.

Twitter monetization : ట్విట్టర్​ను అధికారికంగా దక్కించుకున్న అపర కుబేరుడు ఎలాన్​ మస్క్​.. సామాజిక మాధ్యమంలో వరుస మార్పులు చేస్తున్నారు. ఓవైపు ఉద్యోగాలపై కోత విధిస్తూనే.. మరోవైపు ట్విట్టర్​ను ముందుకు తీసుకెళ్లేందుకు ప్రణాళికలను అమలు చేస్తున్నారు. ఈ క్రమంలోనే 'ట్విట్టర్​ మోనిటైజేషన్​'పై ఆసక్తికర వ్యాఖ్యలు చేశారు ఎలాన్​ మస్క్​. ట్విట్టర్​లో త్వరలోనే మోనిటైజేషన్​ను తీసుకొస్తున్నట్టు ప్రకటించారు. ఇదే జరిగితే.. యూట్యూబ్​లాగానే.. ట్విట్టర్​ నుంచి కూడా ప్రజలు డబ్బులు సంపాదించుకోవచ్చు!

ట్రెండింగ్ వార్తలు

ట్విట్టర్​ మోనిటజేషన్​.. యూట్యూబ్​కు మించి!

ప్రస్తుతం ట్విట్టర్​లో చిన్న టెక్స్ట్​లు, చిన్న వీడియోలను మాత్రమే షేర్​ చేసే వెసులుబాటు ఉంది. కాగా.. రానున్న రోజుల్లో ట్విట్టర్​లో మార్పులు చేసి, మరిన్ని ఫార్మాట్​లను తీసుకొస్తున్నట్టు ఎలాన్​ మస్క్​ తెలిపారు. వీటి ద్వారా క్రియేటర్లకు ట్విట్టర్​ మోనిటైజేషన్​ మోడల్​ను తీసుకురానున్నట్టు పేర్కొన్నారు.

Twitter monetization news : వీడియోల ద్వారా అర్జించిన యాడ్​ రెవెన్యూలో 55శాతాన్ని క్రియేటర్లకు ఇస్తోంది యూట్యూబ్​. కాగా.. ఈ విషయంలో యూట్యూబ్​ను ట్విట్టర్​ను అధిగమించే విధంగా కొత్త నిబంధనలు తీసుకొస్తామని ఎలాన్​ మస్క్​ తెలిపారు. ఈ మేరకు ఓ నెటిజన్​ అడిగిన ప్రశ్నకు సమాధానం ఇచ్చారు.

ట్విట్టర్​ మోనిటైజేషన్​ గురించి మరో రెండు వారాల్లో మరిన్ని వివరాలను ప్రకటిస్తామని ఎలాన్​ మస్క్​ అన్నారు.

ట్విట్టర్​ మోనిటైజేషన్​పై నెటిజన్లలో హైప్​ ఇప్పటికే కనిపిస్తోంది.

"యూట్యూబ్​ చేసినట్టే.. ట్విట్టర్​ కూడా ఫుల్​ లెన్త్​ వీడియోలను మేనేజ్​ చేయగలిగితే.. నా వీడియోలను ఇక్కడ కూడా అప్లోజ్​ చేస్తాను. కచ్చితంగా అప్లోడ్​ చేస్తాను," అని ఓ క్రియేటర్​ తన అభిప్రాయాన్ని వ్యక్తం చేశారు.

పక్కా ప్లాన్​తో మస్క్​ దూకుడు..

Elon Musk Twitter : ట్విట్టర్​ విషయంలో ఎలాన్​ మస్క్​.. పక్కా ప్లాన్​తో ఉన్నట్టు కనిపిస్తోంది. బ్లూ టిక్​కు 8 డాలర్లు చెల్లించాలన్న రూల్​ను అమెరికాలో అమలు చేశారు. ఇది ఇండియాలోనూ త్వరలో అమలు కానుంది.

ఇక ఉద్యోగాల కోత విషయాన్ని కొస్తే.. అమెరికా ట్విట్టర్​ కార్యాలయంలో సగం మందికి పైగా ఉద్యోగులు.. జాబ్స్​ కోల్పోయినట్టు తెలుస్తోంది. కాగా.. వారిలో కొందరిని మస్క్​ వెనక్కి పిలిపించినట్టు సమచారం. పూర్తి వివరాల కసం ఇక్కడ క్లిక్​ చేయండి.

మరోవైపు ట్విట్టర్​ ఇండియా కార్యాలయంలోను 90శాతం మంది జాబ్స్​ కోల్పోయారని వార్తలు వస్తున్నాయి. 15మంది మాత్రమే ఇప్పుడు ఉద్యోగాల్లో ఉన్నట్టు తెలుస్తోంది.

టాపిక్