Expert Diwali Picks : దీపావళికి ఈ 10 స్టాక్స్‌పై ఓ కన్నేసి ఉంచండి.. లక్కుంటే అధిక రాబడులు!
Stock Market Diwali Picks : దీపావళికి కొంతమంది స్టాక్ మార్కెట్‌లో ఇన్వెస్ట్ చేయాలని చూస్తుంటారు. అలాంటివారి కోసం నిపుణులు కొన్ని స్టాక్స్ సలహా ఇస్తున్నారు. అవేంటో చూడండి.
స్టాక్ మార్కెట్‌లో తీవ్రమైన చర్యలు కనిపిస్తున్నాయి. మార్కెట్ ఒడిదుడుకుల మధ్య లాభాలను ఆర్జించే అవకాశం కూడా ఉందని నిపుణులు చెబుతున్నారు. ఎందుకంటే దీపావళి రోజు కూడా దగ్గర పడుతోంది. వీటిని దృష్టిలో ఉంచుకుని దేశీయ బ్రోకరేజీ కంపెనీలు దీపావళికి స్టాక్ వ్యూహాలు చెబుతున్నాయి. బ్రోకరేజ్ సంస్థ నిర్మల్ బ్యాంగ్ కూడా దీపావళి స్టాక్స్ గురించి సలహా ఇచ్చింది. 10 స్టాక్‌లు ఉన్నాయి. ఇవి దీర్ఘకాలికంగా 70 శాతం వరకు రాబడిని ఇవ్వగలవని బ్రోకరేజీ సంస్థ చెబుతోంది.
నిర్మల్ బ్యాంగ్స్ రిటైల్ రీసెర్చ్ దీపావళికి 10 స్టాక్‌లను ఎంచుకుంది. ఈ స్టాక్‌లలో ఆర్కియన్ కెమికల్ ఇండస్ట్రీ, ఫినియోటెక్స్ కెమికల్, ఫైవ్ స్టార్ బిజినెస్ ఫైనాన్స్, గార్వేర్ హై-టెక్ ఫిల్మ్స్, ఎల్ అండ్ టీ టెక్నాలజీ, మాక్‌పవర్ సీఎన్‌సీ మెషిన్, ఆర్ఈసీ, సాయి సిల్క్, ట్రాన్స్‌ఫార్మర్స్ అండ్ రెక్టిఫైయర్‌లు ఉన్నాయి.
ఈ బ్రోకరేజ్ సంస్థ ప్రభుత్వ రంగం నుండి ఆర్ఈసీని ఎంచుకుంది. 776 వద్ద పీఎస్‌యూ స్టాక్‌పై 47 శాతం అప్‌సైడ్ టార్గెట్ ఇచ్చింది. మాక్‌పవర్ సీఎన్‌సీ మెషీన్‌ షేర్లపై రూ.1800 అప్‌సైడ్ టార్గెట్ ఇచ్చింది. ఇది ప్రస్తుత స్థాయి రూ.1215 కంటే 48 శాతం ఎక్కువ.
సాయి సిల్క్ లిమిటెడ్ షేర్లు రూ.281 స్థాయిని తాకగలవని.. ఇది ప్రస్తుత స్థాయి రూ.166 నుంచి 69 శాతం పెరుగుదలను చూపగలదని నిర్మల్ బ్యాంగ్ తెలిపింది. ట్రాన్స్‌ఫార్మర్స్ అండ్ రెక్టిఫైయర్స్ లిమిటెడ్ షేర్లపై 31 శాతం అప్‌సైడ్ టార్గెట్ ఇచ్చారు
దీర్ఘకాలికంగా ఫైవ్ స్టార్ బిజినెస్ ఫైనాన్స్ షేర్లను కూడా కొనుగోలు చేయవచ్చని, ఇది ప్రస్తుత స్థాయి నుంచి 34 శాతం సానుకూల రాబడిని ఇవ్వగలదని నిర్మల్ బ్యాంగ్ సంస్థ చెప్పింది. ఎందుకంటే బ్రోకరేజ్ షేర్‌పై రూ.1165 అప్‌సైడ్ టార్గెట్ ఇచ్చింది. ఫినియోటెక్స్ కెమికల్ షేర్లపై 20 శాతం అప్‌సైడ్ టార్గెట్ రూ.483. ఆర్కియన్ కెమికల్ ఇండస్ట్రీస్ లిమిటెడ్ షేర్లపై రూ.823 టార్గెట్ పెట్టారు.
ఎల్ అండ్ టి టెక్నాలజీ సర్వీసెస్ షేర్లు మిడ్‌క్యాప్ ఐటీ సెక్టార్ నుండి కొనుగోలు కోసం ఎంపిక చేశారు. షేర్‌పై 18 శాతం అప్‌సైడ్ టార్గెట్ రూ.6223 ఇచ్చారు.గార్వేర్ హైటెక్ ఫిల్మ్స్ షేర్లపై రూ.4800 అప్‌సైడ్ టార్గెట్ ఇచ్చారు. ఇది ప్రస్తుత స్థాయి కంటే 24 శాతం ఎక్కువ.
గమనిక : ఇది నిపుణల అభిప్రాయం మాత్రమే. పెట్టుబడి సలహా కాదు. స్టాక్ మార్కెట్‌లో ఇన్వెస్ట్ చేయడం రిస్క్‌తో కూడుకున్నది.