Divgi TorqTransfer Systems IPO:ఈ ఐపీఓ పైననే అందరి దృష్టి

Divgi TorqTransfer Systems IPO: దివ్జీ టార్క్ ట్రాన్స్ ఫర్ సిస్టమ్స్ (Divgi TorqTransfer Systems) ఐపీఓ రెండో రోజైన గురువారం 38% సబ్ స్క్రైబ్ అయింది. మొత్తం 38,41,800 షేర్లకు గానూ 14,49,000 షేర్లకు బిడ్స్ వచ్చాయి.

Divgi TorqTransfer Systems IPO: ఆటో కంపోనెంట్స్ మ్యాన్యుఫాక్చరర్

దివ్జీ టార్క్ ట్రాన్స్ ఫర్ సిస్టమ్స్ (Divgi TorqTransfer Systems) మహారాష్ట్రలో ఉన్న ఆటోమోటివ్ కాంపొనెంట్స్ ను ఉత్పత్తి చేసే సంస్థ. ఇది సిస్టమ్ లెవెల్ ట్రాన్స్ ఫర్ కేసెస్ ను, టార్క్ కప్లర్లను, డ్యుయల్ క్లచ్ ఆటోమేటిక్ ట్రాన్స్ మిషన్ సిస్టమ్ లను ఉత్పత్తి చేస్తుంది. తాజా ఐపీఓలో రిటైల్ ఇండివిడ్యువల్ ఇన్వెస్టర్లకు కేటాయించిన షేర్లు 1.56%, నాన్ ఇన్ స్టిట్యూషనల్ ఇన్వెస్టర్లకు కేటాయించిన షేర్లు 22%, క్వాలిఫైడ్ ఇన్ స్టిట్యూషనల్ బయర్స్ కు కేటాయించిన షేర్లు 6% సబ్ స్క్రైబ్ అయ్యాయి.

Divgi TorqTransfer Systems IPO: ఐపీఓ వివరాలు

దివ్జీ టార్క్ ట్రాన్స్ ఫర్ సిస్టమ్స్ (Divgi TorqTransfer Systems) ఐపీఓకు సంబంధించిన వివరాలు ఇలా ఉన్నాయి..

• ఐపీఓ ప్రైస్ బ్యాండ్ రూ. 560 - 590
• లాట్ సైజ్ 25.
• ఈ ఐపీఓ ద్వారా సమీకరించాలనుకుంటున్న మొత్తం రూ. 412 కోట్లు.
• సబ్ స్క్రైబ్ చేసుకోవడానికి మార్చి 1 నుంచి మార్చి 3 వరకు సమయం ఉంది.
• మార్చి 9 న షేర్స్ అలాట్మెంట్, మార్చి 10న రీఫండ్, మార్చి 13న డీమ్యాట్ ఖాతాల్లోకి షేర్ల బదిలీ ఉండే అవకాశముంది.
• గ్రే మార్కెట్లో ఈ సంస్థ షేరు గురువారం రూ. 65 ప్రీమియంతో ట్రేడ్ అయింది.
• మార్చి 14న ఇది స్టాక్ మార్కెట్లలో లిస్ట్ అవుతుంది.