సినిమా టికెట్లపై డిస్కౌంట్​ కావాలా? ఈ క్రెడిట్​ కార్డులు బెస్ట్​!

మీరు సినిమాలు ఎక్కువగా చూస్తుంటారా? ఇటివలి కాలంలో పెరిగిపోతున్న టికెట్​ ధరలకు విసుగెత్తిపోయారా? అయితే ఇది మీకోసమే! మార్కెట్​లో అందుబాటులో ఉన్న కొన్ని క్రెడిట్​ కార్డుల ద్వారా సినిమా ఎక్స్​పీరియెన్స్​ని మిస్​ అవ్వకుండా, టికెట్​లపై మంచి మంచి డిస్కౌంట్లను పొందొచ్చు. వీటి వల్ల గణనీయంగా మీకు డబ్బులు ఆదా అవుతాయి కూడా! ఈ నేపథ్యంలో సినిమా టికెట్లపై డిస్కౌంట్​ని అందించే పలు క్రెడిట్​ కార్డు వివరాలను ఇక్కడ తెలుసుకోండి..

సినిమా టిక్కెట్లపై డిస్కౌంట్​ కావాలా? ఈ క్రెడిట్ కార్డులు చూడండి..

1. ఐసీఐసీఐ బ్యాంక్ కోరల్ క్రెడిట్ కార్డు: ఈ క్రెడిట్​ కార్డుతో నెలకు రెండుసార్లు బుక్​మైషో, ఐనాక్స్​లో సినిమా టిక్కెట్లపై డిస్కౌంట్లను అందిస్తుంది. గరిష్టంగా రూ.100 వరకు 25 శాతం డిస్కౌంట్ లభిస్తుంది. ఇది తక్కువగానే అనిపించినా, కాలక్రమేనా మీరు సినిమాలు ఎక్కువగా చూసే వ్యక్తి అయితే, ఇది గణనీయమైన పొదుపుకు దోహదపడుతుంది.

2. ఆర్​బీఎల్ బ్యాంక్ ప్లే క్రెడిట్ కార్డు: బుక్​మైషోలో సినిమాలు, స్ట్రీమ్స్, ఈవెంట్లు, నాటకాలు, క్రీడలు, యాక్టివిటీస్ బుకింగ్లపై రూ.500 వరకు డిస్కౌంట్ లభిస్తుంది.

3. యాక్సిస్ బ్యాంక్ నియో క్రెడిట్ కార్డు: ఈ కార్డు నెలవారీ పరిమితి రూ .100తో సినిమా టికెట్ కొనుగోలుపై 10 శాతం తగ్గింపును అందిస్తుంది.

4. హెచ్​డీఎఫ్​సీ బ్యాంక్ టైమ్స్ క్రెడిట్ కార్డు: బుక్ మై షో ద్వారా సినిమా టికెట్లపై 25 శాతం డిస్కౌంట్ లభిస్తుంది. ఒక కార్డుదారుడు నెలకు గరిష్టంగా నాలుగు డిస్కౌంట్ టికెట్లను కొనుగోలు చేయవచ్చు!

ఒక్కో లావాదేవీపై కార్డుదారుడు గరిష్టంగా రూ.350 డిస్కౌంట్ పొందవచ్చు. ఫుడ్ అండ్ బేవరేజెస్​పై రూ.50 డిస్కౌంట్​ను (ఒక్కసారి మాత్రమే) కూడా పొందవచ్చు.

అంతేకాదు, రిలయన్స్​ ఎస్​బీఐ కార్డ్​ ప్రైమ్​, ఎస్​బీఐ ఇలైట్​ క్రెడిట్​ కార్డు వంటివి.. నెలవారీగా కొన్ని కండీషన్స్​తో ఫ్రీ మూవీ టికెట్స్​ని కూడా ఇస్తున్నాయి.

కాగా, కార్డుదారులు క్రెడిట్ కార్డు కోసం దరఖాస్తు చేసే సమయంలో వార్షిక రుసుము వంటి ఇతర అంశాలను కూడా పరిగణనలోకి తీసుకోవాలి. ఎందుకంటే ఈ కార్డులపై ఇచ్చే ప్రయోజనాలను సంస్థలు ఇతర ఛార్జీల రూపంలో వసూలు చేస్తుంటే, ఇక మనకి ప్రయోజనం ఉండదు. అంతేకాదు, సినిమా టికెట్లపై డిస్కౌంట్​కి సంబంధించి ఏవైనా షరతులు ఉన్నాయో లేవో కూడా చెక్​ చేసుకోవాలి.

(గమనిక- ఇది సమాచారం కోసం రూపొందించిన కథనం మాత్రమే. క్రెడిట్​ కార్డు తీసుకునే ముందు రూల్స్​ గురించి పూర్తి వివరాలు తెలుసుకోవాలి.)