Coal India Q2 results : క్యూ2లో.. 106శాతం పెరిగిన కోల్ ఇండియా లాభాలు!
Coal India Q2 results 2022 : కోల్ ఇండియా.. క్యూ2లో 106శాతం లాభాలను నమోదుచేసింది. ఈ మేరకు సోమవారం త్రైమాసిక ఫలితాలను ప్రకటించింది.
Coal India Q2 results 2022 : ప్రభుత్వ ఆధారిత కోల్ ఇండియా.. 2023 ఆర్థిక ఏడాది రెండో త్రైమాసికం ఫలితాలను సోమవారం ప్రకటించింది. క్యూ2లో కోల్ ఇండియా నెట్ ప్రాఫిట్.. 106శాతం వృద్ధి చెంది, రూ. 6,043.55కోట్లుగా నమోదైంది. గతేడాది ఇదే త్రైమాసికంలో నెట్ ప్రాఫిట్ రూ. 2,936.91కోట్లుగా ఉండేది.
ట్రెండింగ్ వార్తలు
క్యూ1తో పోల్చుకుంటే.. క్యూ2లో కోల్ ఇండియా ప్యాట్(ప్రాఫిట్ ఆఫ్టర్ ట్యాక్స్).. 32శాతం పతనమైంది. ఈ మైనింగ్ సంస్థ కన్సాలిడేటెడ్ రెవెన్యూ ఫ్రం ఆపరేషన్స్.. రూ. 29,838కోట్లుగా ఉంది. గతేడాది ఇదే త్రైమాసికంలో అది రూ. 23,291కోట్లుగా నమోదైంది.
కోల్ ఇండియా పీబీటీ(ప్రాఫిట్ బిఫోర్ ట్యాక్స్).. గతేడాది ఇదే త్రైమాసికంతో(రూ. 3,643కోట్లు) పోల్చుకుంటే.. 111శాతం పెరిగి రూ. 7,687కోట్లుగా నమోదైంది.
Coal India Q2 results : ఇక కోల్ ఇండియా ఖర్చులు క్యూ2లో రూ. 23,770కోట్లుకు చేరాయి. గతే ఆర్థిక ఏడాది ఇదే త్రైమాసికంలో అది రూ. 20,424.52కోట్లుగా ఉండేది.
త్రైమాసిక ఫలితాలతో పాటు డివిడెండ్ను కూడా ప్రకటించింది కోల్ ఇండియా. షేరుకు రూ. 15ను డివిడెండ్గా ఇవ్వనున్నట్టు పేర్కొంది.
Coal India results : ఈ ఆర్థిక ఏడాదిలో నిర్దేశించుకున్న బొగ్గు ఉత్పత్తి లక్ష్యాల్లో కోల్ ఇండియా ఇప్పటికే 98శాతం పూర్తి చేసిందని.. బొగ్గుశాఖ మంత్రి ప్రహ్లాద్ జోషి ఇటీవలే తెలిపారు. 2022-23 ఆర్థిక ఏడాదిలో.. 700మిలియన్ టన్నుల బొగ్గును ఉత్పత్తి చేయాలని టార్గెట్ పెట్టుకుంది కోల్ ఇండియా లిమిటెడ్. దేశీయ కోల్ ఔట్పుట్లో కోల్ ఇండియా వాటా 80శాతంగా ఉంది.
ఇక ఈ ఏడాది ఏప్రిల్- అక్టోబర్ మధ్య కాలంలో కోల్ ఇండియా ఉత్పత్తి 174శాతం పెరిగి 351.9మిలియన్ టన్నులకు చేరింది. సెప్టెంబర్లో 49.8ఎంటీ బొగ్గు ఉత్పత్తి కాగా.. అక్టోబర్ నెలలో అది 52.9ఎంటీలకు పెరిగింది.
కోల్ ఇండియా స్టాక్ ప్రైజ్..
Coal India share price : సోమవారం ట్రేడింగ్ సెషన్ ముగిసే సమయానికి.. కోల్ ఇండియా స్టాక్ ధర 1.40శాతం పెరిగి రూ. 249.50 వద్ద స్థిరపడింది. ఈ స్టాక్.. ఐదు రోజుల్లో 1.7శాతం వృద్ధిచెందింది. ఇక నెల రోజుల్లో ఏకంగా 8.55శాతం పెరిగింది. 6 నెలల్లో 36.3శాతం పెరిగింది కోల్ ఇండియా షేరు ధర. ఈ ఏడాదిలో ఇప్పటివరకు 60.66శాతం వృద్ధిని నమోదు చేసింది.
సంబంధిత కథనం