Citroen Basalt : 4 స్టార్​ రేటింగ్​ ఉన్న ఈ కూపే ఎస్​యూవీ ధర పెరిగింది- ఎంతంటే..

2025 మొదటి రోజే అనేక ఆటోమొబైల్​ సంస్థలు తమ పోర్ట్​ఫోలియోలోని వాహనాల ధరలను భారీగా పెంచేశాయి. ఇంకొన్ని సంస్థలు ఇప్పుడిప్పుడే ధరల పెంపును ప్రకటిస్తున్నాయి. ఈ జాబితాలోకి సిట్రోయెన్​ తాజాగా చేరింది. సిట్రోయెన్ బసాల్ట్ కూపే ఎస్​యూవీ ధరలను పెంచుతున్నట్టు సంస్థ ప్రకటించింది. ఆ వివరాలను ఇక్కడ తెలుసుకుందాము..

సిట్రోయెన్​ బసాల్ట్​ కూపే ఎస్​యూవీ ధర పెంపు..

సిట్రోయెన్​ బసాల్ట్​ గత ఏడాది ఆగస్టులో భారతదేశంలో అమ్మకానికి వచ్చింది.ఇనీషియల్​ ఆఫర్​ ముగియడంతో సిట్రోయెన్ బసాల్ట్ ఇప్పుడు కొద్దిగా ఖరీదైన వాహనంగా మారింది. ధరలు రూ .28,000 వరకు పెరిగాయి. కొత్త బసాల్ట్ కూపే ఎస్​యూవీ ధర ఇప్పుడు రూ .8.25 లక్షల నుంచి రూ .14 లక్షలకు (ఎక్స్-షోరూమ్) పెరిగింది.

ఇటీవలే నిర్వహించిన భారత్​ ఎన్​సీఏపీలో ఈ వెహికిల్​కి 4 స్టార్​ రేటింగ్​ దక్కింది.

సిట్రోయెన్ బసాల్ట్- వేరియంట్ల వారీగా ధరల పెంపు..

సిట్రోయెన్ బసాల్ట్ బేస్ వేరియంట్లు 1.2-లీటర్ నేచురల్ ఆస్పిరేటెడ్ పెట్రోల్​కి చెందిన మాన్యువల్ వేరియంట్​పై ధర రూ .26,000 పెరిగింది. 1.2-లీటర్ టర్బో పెట్రోల్ మ్యాక్స్ వేరియంట్లు ఇప్పుడు మాన్యువల్, ఆటోమేటిక్ వేరియంట్లపై రూ .21,000, టర్బో-పెట్రోల్ మ్యాక్స్ వేరియంట్లు రూ .17,000 కంటే ఎక్కువ ఖరీదైనవిగా మారాయి. సిట్రోయెన్ బసాల్ట్ టాప్-స్పెక్ ట్రిమ్​ అత్యంత ఖరీదైనదిగా నిలిచింది. 1.2-లీటర్ టర్బో పెట్రోల్ ప్లస్ మాన్యువల్, ఆటోమేటిక్​పై రూ .28,000 ధర పెరిగింది. మిడ్-స్పెక్ బసాల్ట్ 1.2-లీటర్ ఎన్​ఏ పెట్రోల్ మాన్యువల్ ధర రూ .9.99 లక్షల వద్ద స్థిరంగా ఉంది. ఇవన్నీ ఎక్స్-షోరూమ్ ధరలని గుర్తుపెట్టుకోవాలి.

సిట్రోయెన్ బసాల్ట్ ఫ్యూయల్ ఎఫిషియెన్సీ..

సిట్రోయెన్ 1.2 నేచురల్ ఆస్పిరేటెడ్ మోడల్​లో లీటరుకు 18 కిలోమీటర్ల మైలేజ్ ఇస్తుందని, 1.2 టర్బో పెట్రోల్ మాన్యువల్ లీటర్​కు 19.5 కిలోమీటర్ల మైలేజ్ ఇస్తుందని సంస్థ పేర్కొంది. టర్బో పెట్రోల్ ఆటోమేటిక్ లీటరుకు 18.7 కిలోమీటర్ల మైలేజ్ ఇస్తుంది.

సిట్రోయెన్ బసాల్ట్ ఫీచర్లు..

కొత్త సిట్రోయెన్ బసాల్ట్​లో ఎల్​ఈడీ ప్రొజెక్టర్ హెడ్ ల్యాంప్స్, 16 ఇంచ్​ అల్లాయ్ వీల్స్, ర్యాప్ రౌండ్ టెయిల్ లైట్స్, రేర్ ఏసీ వెంట్స్, రెండో వరుసలో ఉన్నవారికి అడ్జెస్టెబుల్ థై సపోర్ట్ తదితర ఫీచర్లు ఉన్నాయి. వైర్లెస్ యాపిల్ కార్​ప్లే, ఆండ్రాయిడ్ ఆటోతో కూడిన 10.25 ఇంచ్​ టచ్​స్క్రీన్​ ఇన్ఫోటైన్మెంట్ సిస్టెమ్, ఆటోమేటిక్ క్లైమేట్ కంట్రోల్ కూడా ఇందులో ఉన్నాయి.

బసాల్ట్ ఎలక్ట్రిక్ వర్షెన్​పై కూడా సిట్రోయెన్ పనిచేస్తోందని టాక్​ నడుస్తోంది.