MS Dhoni new car : ధోనీ తీసుకున్న ఈ కొత్త కారు పేరు మీకు తెలుసా?

సిట్రోయెన్​ ఇండియాకు బ్రాండ్​ అంబాసిడర్​గా ఉన్న భారత మాజీ క్రికెటర్​ ఎంఎస్​ ధోనీ గ్యారేజ్​లో మరో కారు చేరింది. సిట్రోయన్​ బసాల్ట్​డార్క్​ ఎడిషన్​కి చెందిన మొదటి యూనిట్​ని ధోనీకి డెలివరీ చేసింది దిగ్గజ ఆటోమొబైల్​ సంస్థ.

సిట్రోయెన్​ డార్క్​​ ఎడిషన్​ కార్లు..

సిట్రోయెన్ ఇండియా బసాల్ట్, సీ3, ఎయిర్​క్రాస్ వంటి తన పోర్ట్​ఫోలియోలోని మోడల్స్​కి డార్క్ ఎడిషన్​ని భారత మార్కెట్లో తాజాగా విడుదల చేసింది. కొత్త వెర్షన్లు టాప్-ఎండ్ వేరియంట్ల ఆధారంగా వస్తున్నాయి. ఇవి లిమిటెడ్ ఎడిషన్​గా ఉంటాయి. ఇందులో భాగంగనే సిట్రోయెన్ బసాల్ట్ బ్లాక్ ఎడిషన్​ని సంస్థ బ్రాండ్ అంబాసిడర్​గా ఉన్న ధోనికి డెలివరీ చేశారు.

సిట్రోయెన్ సీ3 డార్క్ ఎడిషన్ ధర రూ.8,38,300, ఎయిర్​క్రాస్ డార్క్ ఎడిషన్ ధర రూ.13,13,300, బసాల్ట్ డార్క్​ ఎడిషన్ ధర రూ.12,80,000. ఇవన్ని ధరలు ఎక్స్-షోరూమ్.

ఈ మూడు ఎస్​యూవీల డార్క్ ఎడిషన్​లు పెర్లా నెరా బ్లాక్​లో ఫినిష్ చేసిన ఎక్స్​టీరియర్​తో పాటు బ్యాడ్జ్, ఫ్రంట్ గ్రిల్, బాడీ సైడ్ క్లాడింగ్​పై డార్క్ క్రోమ్ యాక్సెంట్​తో వస్తాయి. బంపర్లు- డోర్ హ్యాండిల్స్ కూడా గ్లాస్ బ్లాక్​లో ఫినిష్ చేయడం జరిగింది.

సిట్రోయెన్​ డార్క్​ ఎడిషన్​ ఇంటీరియర్ కూడా ఇప్పుడు ఆల్ బ్లాక్ థీమ్​లో వస్తోంది. కాబట్టి, మెట్రోపాలిటన్ బ్లాక్ లెథరెట్ సీట్లు, లెథరెట్ చుట్టిన ఇన్​స్ట్రుమెంట్​ ప్యానెల్, రెడ్​ కలర్​ ఫినిషింగ్​తో కూడిన కార్బన్ బ్లాక్ ఇంటీరియర్స్ ఉంటాయి. డార్క్ ఎడిషన్​లో కస్టమ్ సీట్ కవర్లు, డార్క్ క్రోమ్ మౌల్డింగ్స్, గ్రిల్ లోగో వంటిలి కూడా ఉన్నాయి.

"ఈ డార్క్ ఎడిషన్ సమకాలీన శైలితో బోల్డ్ డిజైన్​ని మిళితం చేయడానికి, భారతీయ వినియోగదారుల అభివృద్ధి చెందుతున్న అభిరుచులను ప్రతిబింబించే విభిన్న వాహనాలను అందించడానికి మా నిబద్ధతను నొక్కి చెబుతుంది," అని సిట్రోయెన్ ఇండియా బ్రాండ్ డైరెక్టర్ శిశిర్ మిశ్రా అన్నారు. “అద్భుతమైన ఆల్​బ్లాక్ సౌందర్యం, పరిమిత లభ్యత, ప్రీమియం అప్​గ్రేడ్స్​తో మేము మెరుగైన ప్రత్యేకతను అందిస్తున్నాము. ఇది ఈ లైనప్​లోని ప్రతి సిట్రోయెన్​ కారును నిజంగా ప్రత్యేకమైనదిగా చేస్తుంది. మేము డార్క్ ఎడిషన్​ని ఆవిష్కరించేటప్పుడు, సిట్రోయెన్ ఓనర్స్ క్లభ్​లో అధికారికంగా చేరిన మొదటి కస్టమర్​గ ఎంఎస్ ధోనీని స్వాగతించడం మాకు సంతోషంగా ఉంది,” అని అన్నారు.

డార్క్ ఎడిషన్​లో మెకానికల్ మార్పులు ఏమైనా ఉన్నాయా?

ఒక్క మాటలో చెప్పాలంటే లేవు! ఏ సిట్రోయెన్​ ఎస్​యూవీ డార్క్ ఎడిషన్​లోనూ మెకానికల్ మార్పులు లేవు. డార్క్ ఎడిషన్లు టాప్-ఎండ్ వేరియంట్లపై మాత్రమే ఆధారపడినందున, వీటిల్లోని 1.2-లీటర్ త్రీ-సిలిండర్, టర్బో పెట్రోల్ ఇంజిన్ ​ఉంటుంది. ఇది 109 బీహెచ్​పీ పవర్​ని జనరేట్​ చేస్తుంది. ట్రాన్స్​మిషన్ ఆప్షన్లలో 6-స్పీడ్ మాన్యువల్ 190 ఎన్ఎమ్ టార్క్, టార్క్ కన్వర్టర్ ఆటోమేటిక్ 205 ఎన్ఎమ్ టార్క్​ని జనరేట్​ చేస్తాయి.