Mahindra BE 6 : మహీంద్రా బీఈ 6 ఎలక్ట్రిక్​ ఎస్​యూవీ కొంటున్నారా? ఆన్​రోడ్​ ప్రైజ్​ వివరాలు..

మహీంద్రా బీఈ 6 ఎలక్ట్రిక్​ ఎస్​యూవీకి భారతీయుల నుంచి సూపర్​ డిమాండ్​ కనిపిస్తోంది. ఇటీవలే ఈ మోడల్​ బుకింగ్స్​ ప్రారంభమవ్వగా, ఈ కారును కొనేందుకు ప్రజలు విపరీతంగా ఆసక్తి చూపిస్తున్నారు. మరి మీరు కూడా మహీంద్రా బీఈ 6 ఎలక్ట్రిక్​ ఎస్​యూవీని కొనాలని ప్లాన్​ చేస్తున్నారా? అయితే హైదరాబాద్​లో మహీంద్రా బీఈ 6 ఆన్​రోడ్​ ప్రైజ్​ వివరాలను ఇక్కడ తెలుసుకోండి..

హైదరాబాద్​లో మహీంద్రా బీఈ6 ఆన్​రోడ్​ ప్రైజ్​..

• మహీంద్రా బీఈ 6 ప్యాక్​ వన్​- రూ. 19.87 లక్షలు
• ప్యాక్​ వన్​ అబోవ్​- రూ. 21.55 లక్షలు
• ప్యాక్​ టూ- రూ. 23.01 లక్షలు
• ప్యాక్​ త్రీ సెలెక్ట్​- రూ. 25.73 లక్షలు
• ప్యాక్​ త్రీ- రూ. 28.43 లక్షలు

అంటే హైదరాబాద్​లో మహీంద్రా బీఈ 6 ఎలక్ట్రిక్​ ఎస్​యూవీ ఆన్​రోడ్​ ప్రైజ్​ రూ. 19.87 లక్షల నుంచి రూ. 28.43 లక్షల వరకు ఉంటుందని అర్థం.

మరి ఈ బీఈ 6వేరియంట్లలో ఏది వాల్యూ ఫర్​ మనీ వేరియంట్​? ఇది తెలుసుకోవాలంటే ఇక్కడ క్లిక్​ చేయండి.

సాధారణంగా వెహికల్​కి ఎక్స్​షోరూం ప్రైజ్​, ఆన్​రోడ్​ ప్రైజ్​లు వేరువేరుగా ఉంటాయి. వెహికిల్​ని లాంచ్​ చేసే సమయంలో ఆటోమొబైల్​ సంస్థలు ఎక్స్​షోరూం ధరలను మాత్రమే చెబుతాయి. కాగా ఆన్​రోడ్​ ప్రైజ్​ అనేది వివిధ రాష్ట్రాల్లో ట్యాక్స్​లు వేరువేరుగా ఉండటంతో మారుతుంటూ ఉంటుది. అందుకే కస్టమర్లు వెహికిల్​ని కొనే ముందు, ఎక్స్​షోరూం ప్రైజ్​ కాకుండా ఆన్​రోడ్​ ప్రైజ్​ తెలుసుకుని బడ్జెట్​ వేసుకోవాలి.

మీ సమీప డీలర్​షిప్​ షోరూమ్​ని సందర్శిస్తే ఈ మహీంద్రా బీఈ 6 ఎలక్ట్రిక్​ కారు టెస్ట్​ డ్రైవ్ చేసి, వెహికిల్​ని బుక్​ చేసుకోవచ్చు.

మహీంద్రా బీఈ6 రేంజ్​..

మహీంద్రా ప్రకారం.. బీఈ 6 175 కిలోవాట్ల డీసీ ఫాస్ట్ ఛార్జర్ ఉపయోగించినప్పుడు కేవలం 20 నిమిషాల్లో 20 శాతం నుంచి 80 శాతం వరకు ఛార్జ్ అవుతుంది. 59 కిలోవాట్ల బ్యాటరీ ప్యాక్ రేంజ్​ని ఇంకా చెప్పలేదు. 79 కిలోవాట్ల ప్యాక్ ఏఆర్ఏఐ టెస్టింగ్ ప్రకారం 682 కిలోమీటర్ల పరిధిని సాధిస్తుందని సంస్థ పేర్కొంది.

మహీంద్రా బీఈ6, ఎక్స్​ఈవీ 6కి క్రేజీ డిమాండ్​​..

దిగ్గజ ఆటోమొబైల్​ సంస్థ మహీంద్రా అండ్​ మహీంద్రా నుంచి వస్తున్న రెండు కొత్త ఎలక్ట్రిక్​ కార్లకు భారతీయుల నుంచి సూపర్​ రెస్పాన్స్​ లభిస్తోంది. వాలెంటైన్స్​ డే నేపథ్యంలో మహీంద్రా బీఈ6, మహీంద్రా ఎక్స్​ఈవీ 9ఈల బుకింగ్స్​ని సంస్థ ప్రారంభించగా.. ఈ రెండింటికీ మొదటి రోజే 30,179 బుకింగ్స్​ దక్కాయి. ఫలితంగా ఈ ఎలక్ట్రిక్​ ఎస్​యూవీల బుకింగ్​ వాల్యూ రూ. 8,472 కోట్ల (ఎక్స్​షోరూం ధర)కు చేరింది. ఈ 30,179 బుకింగ్స్​లో 44శాతం మంది బీఈ 6ని ఎంచుకోగా, మిగిలిన 56శాతం మంది ఎక్స్​ఈవీ 9ఈని బుక్​ చేసుకున్నారు. అంతేకాదు, మొత్తం మీద 79శాతం బుకింగ్స్​ టాప్​ ఎండ్​ వేరియంట్స్​కే వెళ్లడం విశేషం.

ఇక ఈ రెండు కార్ల ప్యాక్ త్రీ వేరియంట్ డెలివరీలు 2025 మార్చ్​ మధ్య నుంచి ప్రారంభం కానున్నాయి. ప్యాక్ త్రీ సెలెక్ట్, ప్యాక్ టూ డెలివరీలు వరుసగా జూన్ 2025, జులై 2025 నుంచి ప్రారంభమవుతాయి. ఎంట్రీ లెవల్ వేరియంట్లు అయిన వన్, వన్ అబౌవ్​ల డెలివరీలు 2025 ఆగస్టులో ప్రారంభం కానున్నాయి.