ఫ్యామిలీకి కరెక్ట్​గా సెట్​ అయ్యే ఎలక్ట్రిక్​ స్కూటర్లు ఇవి- రేంజ్​లో కూడా బెస్ట్​!

ఇండియాలో 2 వీలర్​ ఎలక్ట్రిక్​ వాహనాల సెగ్మెంట్​కి విపరీతమైన డిమాండ్​ కనిపిస్తోంది. చాలా మంది ఎలక్ట్రిక్​ స్కూటర్లకు స్విచ్​ అవ్వాలని చూస్తున్నారు. మరీ ముఖ్యంగా ఫ్యామిలీలకు సరిపోయే విధంగా మంచి ఈ-స్కూటర్​ కొనాలని ప్లాన్​ చేస్తున్నారు. వీరిలో మీరూ ఉన్నారా? అయితే ఇది మీకోసమే. ఇండియాలో ప్రస్తుతం అందుబాటులో ఉన్న బెస్ట్​ ఫ్యామిలీ ఎలక్ట్రిక్​ స్కూటర్స్​ లిస్ట్​ని ఇక్కడ చూసేయండి..

బెస్ట్​ ఫ్యామిలీ ఎలక్ట్రిక్​ స్కూటర్​- మంచి రేంజ్​తో..

ఏథర్​ రిజ్టా- ఇండియాలో ఉన్న బెస్ట్​ ఫ్యామిలీ ఎలక్ట్రిక్​ స్కూటర్లలో ఇదొకటి. ఇంకా చెప్పాలంటే, ఏథర్​ సంస్థ ఈ రిజ్టాని ఒక ఫ్యామిలీ వెహికిల్​గానే ప్రమోట్​ చేస్తోంది. అంతేకాదు, ఈ సెగ్మెంట్​లోనే అతిపెద్ద సీటింగ్​ ఫెసిలిటీ ఇందులో ఉండటం విశేషం. ఈ ఏథర్​ రిజ్టా ఎలక్ట్రిక్​ స్కూటర్​లో రెండు బ్యాటరీ ప్యాక్​ ఆప్షన్స్​, మూడు వేరియంట్లు ఉన్నాయి. 2.9 కేడబ్ల్యూహెచ్​ బ్యాటరీతో కూడిన రిజ్టా వేరియంట్​ 123 కి.మీ రేంజ్​ని ఇస్తుంది. ఇక 3.7 కేడబ్ల్యూహెచ్​ బ్యాటరీని ఒక్కసారి ఛార్జ్​ చేస్తే సుమారు 160 కి.మీ వరకు రేంజ్​ని ఇస్తుంది. ఏథర్​ రిజ్టా ఎక్స్​షోరూం ధర రూ. 1.04 లక్షల నుంచి రూ. 1.42లక్షల వరకు ఉంటుంది.

హండా యాక్టివా ఈ- యాక్టివా అనేది భారతీయ మధ్యతరగతి కుటుంబాల్లో దశాబ్దాలుగా ఒక భాగంగా ఉంది. ఇక యాక్టివాకి ఎలక్ట్రిక్​ వర్షెన్​ ఇటీవలే మార్కెట్​లోకి వచ్చింది. ఈ హోండా యాక్టివా​ ఈ ఎలక్ట్రిక్​ స్కూటర్​లో 3 కేడబ్ల్యూహెచ్​ బ్యాటరీ ప్యాక్​ ఉంటుంది. దీన్ని ఒక్కసారి ఛార్జ్​ చేస్తే 102 కి.మీ వరకు రేంజ్​ని ఇస్తుందని సంస్థ చెబుతోంది. రెండు వేరియంట్లలో ఇది అందుబాటులో ఉంది. హోండా యాక్టివా ఈ ఎక్స్​షోరూం ధర రూ .1.17లక్షలు- రూ .1.51లక్షల మధ్యలో ఉంటుంది.

టీవీఎస్​ ఐక్యూబ్​- ఇండియాలో బెస్ట్​ సెల్లింగ్​ ఎలక్ట్రిక్​ స్కూటర్స్​లో ఒకటి ఈ టీవీఎస్​ ఐక్యూబ్​. ఇందులో 4 వేరియంట్లు ఉన్నాయి. అవి ఐక్యూబ్​ 2.2 కేడబ్ల్యూహెచ్​, ఐక్యూబ్ 3.5 కేడబ్ల్యూహెచ్​​, ఐక్యూబ్​ ఎస్​, ఐక్యూబ్​ ఎస్​టీ. ఇవి రెండు బ్యాటరీ ప్యాక్​ ఆప్షన్స్​తో వస్తున్నాయి. 2.2 కేడబ్ల్యూహెచ్​ బ్యాటరీ ప్యాక్​ని ఒక్కసారి ఛార్జ్​ చేస్తే 94 కి.మీ రేంజ్​ని ఇస్తుంది. ఇక 3.5 కేడబ్ల్యూహెచ్​ బ్యాటరీతో 145 కి.మీ వరకు వెళ్లొచ్చు. వీటి ఎక్స్​షోరూం ధరలు రూ. 94000 నుంచి రూ. 1.27లక్షల వరకు ఉన్నాయి.

బజాజ్​ చేతక్​- ఒకప్పుడు భారత దేశంలో టాప్​ మోడల్​గా ఉండి, ఇప్పుడు ఈవీ అవతారంలో వచ్చిన బజాజ్​ చేతక్​కి మంచి డిమాండ్​ ఉంది. మరీ ముఖ్యంగా బజాజ్​ చేతక్​ 3501 మోడల్​ ఫ్యామిలీకి బెస్ట్​ ఛాయిస్​ అవుతోంది. ఇందులోని 3.5 కేడబ్ల్యూహెచ్​ బ్యాటరీ ప్యాక్​ని ఒక్కసారి ఛార్జ్​ చేస్తే సుమారు 155 కి.మీ వరకు రేంజ్​ని ఇస్తుంది. ఇందులో 2 వేరియంట్లు ఉన్నాయి. వీటి ఎక్స్​షోరూం ధరలు రూ. 1,34,500- రూ. 1,39,500గా ఉన్నాయి.

ఓలా ఎస్​1ఎక్స్- ఓలా ఎలక్ట్రిక్​కి బెస్ట్​ సెల్లింగ్​గా కొనసాగుతోంది ఈ మోడల్​. ఇందులో ఎస్​1ఎక్స్​తో పాటు ఎస్​1ఎక్స్​+ కూడా ఉంది. వీటిల్లో 2 కేడబ్ల్యూహెచ్​ నుంచి 4 కేబ్ల్యూహెచ్​ వరకు బ్యాటరీ ప్యాక్​ ఆప్షన్స్​ ఉన్నాయి. మినిమం రేంజ్​ 108 కి.మీగా ఉండగా టాప్​ రేంజ్​ దాదాపు 240 కి.మీ వరకు ఉండటం విశేషం. ఇక ఈ మోడల్​ ఎక్స్​షోరూం ధర రూ. 73,999 నుంచి రూ. 1,09,999 వరకు ఉంది.

మరి మీరు ఏ ఎలక్ట్రిక్​ స్కూటర్​ని ఎంచుకుంటారు?