Electric car : ఈ బుడ్డి ఎలక్ట్రిక్ కారు డోరు ముందు వైపు ఉంటుంది- రేంజ్ కూడా సూపర్!
Electric car for city drive : ముందు వైపు డోరు తెరుచుకునే కారును ఎప్పుడైనా మీరు చూశారా? అయితే ఇది మీకోసమే! ఈ మైక్రోలినో ఎలక్ట్రిక్ కారులో డిజైన్తో పాటు మరెన్నో క్రేజీ అంశాలు ఉన్నాయి. ఆ వివరాలు..
ప్రపంచం ఇప్పుడు ఎలక్ట్రిక్ వాహనాలవైపు దూసుకెళుతోంది. ఈ నేపథ్యంలో కస్టమర్స్ని ఆకట్టుకునేందుకు కొత్త కొత్త మోడల్స్ అందుబాటులోకి వస్తున్నాయి. ఇలాంటి వాటిల్లో ఒకటి మొక్రోలినో ఎలక్ట్రిక్ కారు! సిటీ డ్రైవ్కి పర్ఫెక్ట్గా సరిపోయే బుడ్డి ఈవీ ఇది. అంతేకాదు దీని డిజైన్ కూడా చాలా ప్రత్యేకంగా ఉంటుంది. ఈ 2 సీటర్ ఎలక్ట్రిక్ కారు డోరు ముందు వైపు ఉంటుంది. ఈ మైక్రోలినో ఫీచర్స్, రేంజ్తో పాటు ఇతర వివరాలను ఇక్కడ తెలుసుకోండి..
సిటీ డ్రైవ్కి ఈ ఎలక్ట్రిక్ కారు బెస్ట్..!
స్విస్ కంపెనీ అయిన మైక్రో మొబిలిటీ సిస్టెమ్స్ రూపొందించిన ఈ మైక్రోలినో ఎలక్ట్రిక్ కారులో 12.4 కేడబ్ల్యూ మోటర్ ఉంటుంది. దీని టాప్ స్పీడ్ 90 కేఎంపీహెచ్. ఈ ఈవీ 0 నుంచి 50 కేఎంపీహెచ్కి చేరుకునేందుకు కేవలం 5 సెకన్లు చాలని సంస్థ చెబుతోంది.
ఈ ఎలక్ట్రిక్ కారులో 5.5 కేడబ్ల్యూహెచ్, 10.5 కేడబ్ల్యూహెచ్, 15 కేడబ్ల్యూహెచ్ బ్యాటరీ ప్యాక్ ఆప్షన్స్ ఉన్నాయి. ఇవన్నీ లిథియం అయాన్ బ్యాటరీలే. వీటిని ఒక్కసారి ఛార్జ్ చేస్తే వరుసగా 93 కి.మీ, 177 కి.మీ, 228 కి.మీ రేంజ్ని ఇస్తాయని సంస్థ చెబుతోంది.
5.5 కేడబ్ల్యూహెచ్ బ్యాటరీని పూర్తిగా ఛార్జ్ చేసేందుకు 2 గంటల సమయం పడుతుంది. మిగిలిన రెండు బ్యాటరీలను 4 గంటలు, 5.5 గంటల్లో ఫుల్ ఛార్జ్ చేసుకోవచ్చు.
మైక్రోలినో డిజైన్- డైమెన్షన్స్..
ఫుల్లీ రెట్రో థీమ్ డిజైన్ ఈ మైక్రోలినో ఎలక్ట్రిక్ కారు సొంతం. ముందు వైపు డోర్ ఓపెన్ అవ్వడం ఈ డిజైన్ హైలైట్. ఇందులో ఫ్రెంట్- రేర్ హారిజాంటల్ లైట్ బార్స్, బై- ఎల్ఈడీ హెడ్లైట్, టెయిల్లైట్ వంటి ఫ్యూచరిస్టిక్ డిజైన్ ఎలిమెంట్స్ కూడా ఉన్నాయి. ఇందులో స్టైలిష్ అల్లాయ్ వీల్స్ ఉన్నాయి. సాఫ్ట్ క్లోజ్ ఫ్రెంట్ డోర్ మెకానిజం, 4 వీల్స్కి ఇండిపెండెంట్ సస్పెన్షన్ సిస్టెమ్, వీగన్ లెథర్ ట్రిమ్డ్ స్టీరింగ్ వీల్, ఇంటిగ్రేటెడ్ పోర్టెబుల్ బ్లూటూత్ స్పీకర్, 3 లేవల్ ఎలక్ట్రిక్ హీటింగ్ సెటప్, సెంట్రల్ లాకింగ్ సిస్టెమ్, హీటెడ్ ఫ్రెంట్ అండ్ రేర్ విండ్స్క్రీన్, డిజిటల్ ఇన్స్ట్రుమెంట్ క్లస్టర్- టచ్స్క్రీన్ సెంట్రల్ డిస్ప్లే వంటివి ఈ ఈవీలోని మరికొన్ని ఫీచర్స్.
ఈ బుడ్డి ఎలక్ట్రిక్ కారు స్టాండర్డ్ కర్బ్ వెయిట్ 496 కేజీలు. దీని పొడవు 2519 ఎంఎం, వెడల్పు 1473 ఎంఎం, ఎత్తు 1501 ఎంఎం. సీటీ డ్రైవ్కి ఇది బాగా ఉపయోగపడుతుంది. పార్కింగ్ కష్టాలు కూడా ఉండవు!
మైక్రోలినో ఎలక్ట్రిక్ కారులో మూడు వేరియంట్లు ఉన్నాయి. అవి మైక్రోలినో అర్బన్, మైక్రోలినో డాల్సీ, మైక్రోలినో కాంపెటైజియోన్.
మైక్రోలినో ఎలక్ట్రిక్ కారు ఇండియాలో అందుబాటులో ఉందా?
ఈ మైక్రోలినో ఎలక్ట్రిక్ కారు ప్రత్యేకంగా పలు యూరోప్ దేశాల్లోనే అందుబాటులో ఉంది. సాధారణంగా దీని ప్రారంభ ధర 18,000 పౌండ్లుగా ఉంది. అంటే దీని ధర కాస్త ఎక్కువే! యూరోప్ దేశాల్లో ఇది సక్సెస్ అయితే, ఆసియాలోకి కూడా ఈ మోడల్ ఎంట్రీ ఇచ్చే అవకాశం ఉంది. భారత్లో లాంచ్ అవుతుందా? లేదా? అన్న విషయంపై క్లారిటీ లేదు. కానీ ఒక వేళ లాంచ్ అయితే మాత్రం.. ఇప్పటికే మన మార్కెట్లో ఉన్న మరో బుడ్డి ఎలక్ట్రిక్ కారు ఎంజీ కామెట్ ఈవీకి ఈ మైక్రోలినో ఈవీ గట్టి పోటీని ఇచ్చే అవకాశం లేకపోలేదు.
సంబంధిత కథనం