ఎక్కువ మైలేజీ ఇచ్చే బెస్ట్ బైక్స్.. అది కూడా మీ బడ్జెట్ ధరలోనే

ోజూవారి ఉపయోగానికి బైక్ కావాలంటే కచ్చితంగా మైలేజీ గురించి చూస్తాం. ఎందుకంటే పెట్రోల్ ధరలు మండిపోతున్నాయి. చాలా మంది ఎంచుకునే బైక్ బడ్జెట్‌తోపాటుగా మంచి మైలేజీ ఇవ్వాలని చూస్తారు. రోజువారీ వినియోగానికి మరింత అనుకూలంగా ఉండే, అధిక మైలేజీని అందించే 7 మోటార్ సైకిళ్ల గురించి చూద్దాం..

1. హోండా షైన్ 100 మోటార్ సైకిల్ ధర రూ. 68,600 నుంచి రూ. 70,521 (ఎక్స్-షోరూమ్) వరకు ఉంటుంది. ఇది 98.98 సీసీ పెట్రోల్ ఇంజిన్‌ను పొందుతుంది. 55 కి.మీ మైలేజీని ఇస్తుంది. ఇది ట్విన్-పాడ్ ఇన్స్ట్రుమెంట్ కన్సోల్‌తో సహా వివిధ లక్షణాలను పొందింది.
2. బజాజ్ సీటీ 110ఎక్స్ బైక్ ఇది చాలా తక్కువ ధరకు కొనుగోలుకు అందుబాటులో ఉంటుంది. పేద, మధ్యతరగతి వినియోగదారులకు సులభంగా అందుబాటులో వస్తుంది. ఈ మోటార్ సైకిల్ ధర రూ. 70,000(ఎక్స్-షోరూమ్). ఇది 115.45 cc పెట్రోల్ ఇంజిన్ కలిగి ఉంది. 70 కేఎంపీల్ వరకు మైలేజీని అందిస్తుంది.
3. హీరో ప్యాషన్ ప్లస్ ధర రూ.79,000 నుండి రూ.81,000 (ఎక్స్-షోరూమ్) వరకు ఉంటుంది. ఇది 97.2 సీసీ పెట్రోల్ ఇంజిన్ కలిగి ఉంది. 70 కేఎంపీఎల్ వరకు మైలేజీని అందిస్తుంది. డిజిటల్ అనలాగ్ క్లస్టర్, మొబైల్ ఛార్జింగ్ పోర్ట్ వంటి వివిధ లక్షణాలను కలిగి ఉంటుంది.
4. బజాజ్ ప్లాటినా 110 కూడా ఒక ప్రసిద్ధ మోటార్ సైకిల్, చాలా సరసమైన ధరకు కొనుగోలుకు అందుబాటులో ఉంది. ఇందులో ధరల శ్రేణి రూ.71,000 నుండి 74,000 (ఎక్స్-షోరూమ్) వరకు ఉంది. ఈ మోటార్‌సైకిల్ ధరకు తగిన పవర్‌ట్రెయిన్‌ల ఆప్షన్స్ కలిగి ఉంది. ఇది 115.45 సిసి పెట్రోల్ ఇంజిన్‌ను పొందుతుంది. 70 కి.మీ.లీ మైలేజీని ఇస్తుంది.
5. హోండా ఎస్పీ 125 మోటార్‌సైకిల్ చాలా తక్కువ ధరకు కొనుగోలుకు అందుబాటులో ఉంది. దీని ధర రూ. 89,000 నుంచి రూ. 99,999 (ఎక్స్-షోరూమ్) వరకు ఉంటుంది. ఇందులో 123.94 సిసి పెట్రోల్ ఇంజన్ ఆప్షన్ ఉంది. 60కేఎంపీఎల్ వరకు మైలేజీని అందిస్తుంది.
6. బజాజ్ పల్సర్ ఎన్ఎస్ 125 ఒక సూపర్ బైక్. ఇది రూ. 1.12 లక్షలు (ఎక్స్-షోరూమ్) ధరకు కొనుగోలుకు అందుబాటులో ఉంది. 124.45 సీసీ పెట్రోల్ ఇంజిన్‌ను కలిగి ఉంది. 64.75 కేఎంపీఎల్ వరకు మైలేజీని అందిస్తుంది.
7. హీరో ఎక్స్‌ట్రీమ్ 125ఆర్ మోటార్‌సైకిల్ ధర రూ. 98,000 నుంచి రూ. 1.06 లక్షలు (ఎక్స్-షోరూమ్) వరకు ఉంటుంది. ఇది 124.7 సీసీ పెట్రోల్ ఇంజిన్‌ను పొందుతుంది. 66 కేఎంపీఎల్ వరకు మైలేజీని అందిస్తుంది. రైడర్ రక్షణ కోసం దీనికి డిస్క్ బ్రేక్ ఎంపిక ఉంది.