New electric scooter: రూ. 99 వేలకే అన్ని ఫీచర్స్ తో ‘నెమో’ ఎలక్ట్రిక్ స్కూటర్; బుకింగ్స్ ఓపెన్

New electric scooter: వార్డ్విజార్డ్ ఇన్నోవేషన్స్ అండ్ మొబిలిటీ లిమిటెడ్ సంస్థ భారతీయ మార్కెట్లో ‘నెమో’ అనే కొత్త ఎలక్ట్రిక్ స్కూటర్ ను విడుదల చేసింది. దీని ఎక్స్ షోరూమ్ ధర రూ.99,000. ఇది ఇంట్రడక్టరీ ఆఫర్. అంటే, కొన్ని రోజుల తరువాత ఈ ధర పెరుగుతుంది. నెమో ఎలక్ట్రిక్ స్కూటర్ బుకింగ్స్ ఇప్పుడు ఓపెన్ అయ్యాయి.

150 కిలోల పేలోడ్

ఎలక్ట్రిక్ స్కూటర్ నెమో తేలికపాటి నిర్మాణంతో, 150 కిలోల పేలోడ్ సామర్థ్యంతో పట్టణ రోడ్ల కోసం రూపొందించబడింది. ఇది ఎకో, స్పోర్ట్, హైపర్ అనే మూడు రైడింగ్ మోడ్ లలో లభిస్తుంది. ఇందులోని బిఎల్ డిసి మోటార్ 1500 వాట్ల సామర్థ్యం కలిగి ఉంది. ఇది 3-స్పీడ్ మోటార్ కంట్రోలర్ తో వస్తుంది. ఈ ఎలక్ట్రిక్ స్కూటర్ (electric scooter) గరిష్ట వేగం గంటకు 65 కిలోమీటర్లు. వార్డ్ విజార్డ్ నెమోను సిల్వర్ అండ్ వైట్ కలర్ స్కీమ్ లో అందిస్తోంది.

లిథియం-అయాన్ బ్యాటరీ ప్యాక్

ఇందులోని లిథియం-అయాన్ బ్యాటరీ ప్యాక్ ఒక NMC యూనిట్. ఇది స్మార్ట్ బిఎమ్ఎస్ ను పొందుతుంది. ఇది బ్యాటరీ ప్యాక్ జీవితకాలం, పనితీరును పొడిగించగలదు. 72 వి, 40 ఎహెచ్ బ్యాటరీ ప్యాక్ ఎకో రైడింగ్ మోడ్ లో ఒక్కసారి ఛార్జ్ చేస్తే 130 కిలోమీటర్ల పరిధిని కలిగి ఉంది. నెమోలో ముందు భాగంలో టెలిస్కోపిక్ ఫోర్కులు, వెనుక భాగంలో డ్యూయల్ షాక్ అబ్జార్బర్లు ఉన్నాయి. రెండు వైపులా హైడ్రాలిక్ డిస్క్ బ్రేకింగ్ సిస్టమ్ ఉంది. కాంబి బ్రేకింగ్ సిస్టమ్ కూడా ఉంది.

చాలా తక్కువ మెయింటెనెన్స్

ఈ నెమో ఎలక్ట్రిక్ స్కూటర్ రన్నింగ్ ఖర్చు కిలోమీటరుకు 17 పైసలు మాత్రమే ఉంటుందని వార్డ్విజార్డ్ ఇన్నోవేషన్స్ అండ్ మొబిలిటీ లిమిటెడ్ సంస్థ చెప్పింది. ఈ స్కూటర్ ఎల్ఈడీ యూనిట్ తో ప్రొజెక్టర్ హెడ్ ల్యాంప్, 5 అంగుళాల ఫుల్ కలర్ టీఎఫ్టీ డిస్ప్లేతో వస్తుంది. రిమోట్ మానిటరింగ్, రియల్ టైమ్ ట్రాకింగ్, క్లౌడ్-కనెక్టెడ్ స్మార్ట్ క్యాన్-ఎనేబుల్డ్ బ్యాటరీ సిస్టమ్ మొబైల్ యాప్స్ (APPS) తో (ఆండ్రాయిడ్ & ఐఓఎస్) ఇంటిగ్రేట్ అవుతుంది. ఇందులో యుఎస్బి పోర్ట్, రివర్స్ అసిస్ట్ కూడా ఉన్నాయి.